كتبت بواسطة shantal

انا توة في كملت Elementary b
وبعد العيد ان شاء الله بنبدا في
Pre-intermediate

لكن تبي الحق مش عاجبتني التيتشر ماعندهاش هديكا الخبرة واصلا الانجليزي مش لغتها الام خاشة عليه خشوش

بصراحة انا مقتنعة انه اللي يبي يتعلم اللغة ياخدها في مكانها لكن الله غالب اهو على الاقل يكون عندنا الاساسيات

تعرفي والله فرحانة بروحي بديت نتكلم ونهدرز مع الاجانب ويفهموا فيا ونفهم فيهم

معناها استفدتى بدليل انك تتكلمى وتفهمى ويفهموك
شنى يعنى لو كانت الابلة لغتها الانجليزية مش لغة الام معناها تموووت ( وحدة خايفه على مستقبلها هههههه)
قصدى بجد احنى خدينا الانجليزي في بلادنا وعندنا اعتقادات خاطئة علي تعليم اللغه
شوفي مش لازم باش تتعلمى اللغه تكونى محترف فيها
صح اللي واخد اللغه في بريطانيا مش زي اللي واخدها في معاهد خاصه في ليبيا واللى متعلمها في معاهد مش زي اللي قراها في المدرسة واللي في المدرسة بيكون مش زي اللي ماقراهاش
لاكن ابدلى جهدك مع الموجود عندك وباذن الله تنجحى فيها

اهو لقيتلك الصورة ان شاء الله واضحة

كتبت بواسطة shantal

اول حاجة البوريكة تجي دائرة صح


انطبقها من جميع الحواشي الاربعة بحيت تولي مربعة


وبعدين انصكر المربع تولي مثلثة ونضغط عليها بايدي بيش ادير كسرة زي ما نسفروا في الكراسات زمان (ههههههههه عليك شرح )

والحشوا يكون وسط المثلث

توة نشوفلك صورة راجيني



ا

الحث مافهمتش بنتعبك وراي
كيف بديريها مربع وبعدين متلت
وبعدين تعرفي مشكلتى زمان بابا هو يسفرلي في كراساتى

كتبت بواسطة shantal

اهو لقيتلك الصورة ان شاء الله واضحة

نحس في روحى توا فهمت شوىىىى
انتى لما تاخديها مدورة واطبقيها يادوب تتنى الحواشي بس باش تبدا مربعه
وبعدين تحطي الحشوة وتتنيها وتبدا متلتله
لاكن متاع تسفير الكراريس كيف؟؟؟؟؟؟؟؟؟؟؟

كتبت بواسطة ام السنفور

معناها استفدتى بدليل انك تتكلمى وتفهمى ويفهموك
شنى يعنى لو كانت الابلة لغتها الانجليزية مش لغة الام معناها تموووت ( وحدة خايفه على مستقبلها هههههه)
قصدى بجد احنى خدينا الانجليزي في بلادنا وعندنا اعتقادات خاطئة علي تعليم اللغه
شوفي مش لازم باش تتعلمى اللغه تكونى محترف فيها
صح اللي واخد اللغه في بريطانيا مش زي اللي واخدها في معاهد خاصه في ليبيا واللى متعلمها في معاهد مش زي اللي قراها في المدرسة واللي في المدرسة بيكون مش زي اللي ماقراهاش
لاكن ابدلى جهدك مع الموجود عندك وباذن الله تنجحى فيها

ما تخافيش على مستقبلك لانك واخدتيها في مكانها واكيدنطقك صح و حتاخدي حتى اللكنة
لكن مشكلة ابلتنا انها لا قرت لا في بريطانيا ولا في امريكا ونطقها مش مزبوط مع انها اجنبية وما تبيش حتى تقول من اي بلاد قالت الادارة قالولي مانعين عليا انقول انا من وين ههههههه خايفين من المشاكل

شانتال شكلك هربتى منى هههههههه نفختك صح؟

كتبت بواسطة shantal

ما تخافيش على مستقبلك لانك واخدتيها في مكانها واكيدنطقك صح و حتاخدي حتى اللكنة
لكن مشكلة ابلتنا انها لا قرت لا في بريطانيا ولا في امريكا ونطقها مش مزبوط مع انها اجنبية وما تبيش حتى تقول من اي بلاد قالت الادارة قالولي مانعين عليا انقول انا من وين ههههههه خايفين من المشاكل

اها يعنى الابلة اجنبية كويس والله يعنى حتى هادى ميزة ان اللغه الوحيدة اللي بتفهمو بعض بيها هي الانجلش وهادى ميزة


شنى صار في لقطة تسفير الكراسة كيف جت؟

كتبت بواسطة ام السنفور

نحس في روحى توا فهمت شوىىىى
انتى لما تاخديها مدورة واطبقيها يادوب تتنى الحواشي بس باش تبدا مربعه
وبعدين تحطي الحشوة وتتنيها وتبدا متلتله
لاكن متاع تسفير الكراريس كيف؟؟؟؟؟؟؟؟؟؟؟

ههههههههه بالزبط

قصدي بتسفير الكراسة
انك اطبقيها مثلثة قبل ما تحطي الحشوة وتضغطي عليها كويس لين ادير خط مكان التنية بيش بعدين لما تحشيها تبدا التنية مكسورة وواتية ويجو كلهم زي بعضه

زمان لما نسفروا في الكراسات نبدوا نكسروا في التنيات بالمسطرة بيش يجوا التنيات حلوات وميتات موت وما تقعدش التنية منفوخة هههههههههه

ام السنفور .. صار عجباتك
يا ريت واحدةمنكم بحداي .. الله غالب على امره ..
حبيبتي شنتال .. شن خلي ربي ما عطاني .. كان هذا نخش نرقد و عليك التطييب مادام تحبي العزايم ..
و الصور .. ان شاء الله كان فيه فرصة ههههههههههه يا حشمتي ..زرتي العرق من توا .. كيف بنصور الصفرة قدام الناس .

نانا يا عمرى .. الحمد لله اني بخير .. وانتي كيف حالك يا عسل
حبيبيت مشكورة على تفهمك .. و كل الاخوات مشكورات على تفهمهم بصراحة
فعلا احنا الليبين طيبين .. فيسع ما نولوا
الحمد لله على القلوب الصافية
و حصل خير

ما عندي وين بنهرب قاعدة هنا الحمد لله اليوم اجازة من المطبخ فاضل عندي ماكلة من امس وخاطري في الملوخية من ايديات امي هونا من بكري على النار قريب اطيب لكن توة هربوا علينا الضي اشبح وين يوصلني شحن الكمبيوتر