كتبت بواسطة
اريناس
السلام عليكم --اليوم كان فيه للمه للرجاله اليبين عزب ومتزوجين ع فطور وكل وحده درت حاجه
وعشاء بصفه عامه كان متكون من شربه ورز بخلاطه وبطاطا مبطنه وبوريك--وكان فى تطبيق لى سنبوسه التوست وطجين جبل --وكلونى بلحم المفروم--ومكرونه بلبشمايل
وحلو --كان بسبوسه---وكرات الكرنفلكس بشوكلاته ولقمه القاضى
وانا كان اشتركى بااا طجين جبل ولقمه القاضى---
تحياتى وصحه شربتكم
ما شاء الله و الله يجو في الخاطر
كتبت بواسطة
ابريكه
اسيره السهر
صار نسوان ربي يعاونك
اولا الطبق الرئسي ديريه حاجه مبوخه
الخفيف
ديري بتزا ملفوفه وكفته دجاج
وطاجين بطاطا شيش كباب حاجه تستر الحق
وديري تلات انواع سلاطه
وحده بالورق
وحده اقلي باذنجان مكعبات صغار وقرطي طماطم مكعبات وتوم وشوي خيار وزيتون اسود
وليمون ومايونيز وزيت زيتون وملح ورشي عليها النعناع المرحي
تهبل والله
ووحده ديريها طحينه امتاعت الحمص والا سلاطه مشويه
اني الحق اركز عالسلطات في عزايمي
ونوع تاني نقوله ليك يهبل بكل
تاخد الجزر واللفت والفجل والطماطم والخيار وتوم مهروس تخلطيهم مع بعض
واضفيلهم في الاخير عالمد السفره
شوي بصل رقيق وشوي خل وليمون وزيت زيتون
وتاخدي سلاطه الورق اديريها بالورقه في صحن كبير وفي كل ورقه تصبي من خليط السلطه
وزشي عليها نعناع مرحي
هذه تهبل بكل
وديري طاجين دجاج
وطبعا عصائر
الاحلي امتاعت بيت وتجهزيهن قبل
عصير برتقال بالجزر وعصير الزنجبيل
وفواكه ولما تحطيهن الفواكه زينيهن في طبقهن بشكل حلو
العنب ديريه حب
والشمام افتحيها بالطول مش بالعرض
واحفريها من داخل
واللي طلعتيه منها ديريه عصير شمام
وحطي في الحفره عنب وخوخ ومكعبات دلاع ومكعبات شمام
فتلكي علي راحتك فيها
وفي شكل اديري الشمامه زي السله
حلوه بك اني نحب انديرها هكي
وما تنسي الحلو
انواع واشكال تبي الجاهز تبي امتاع الحوش
وما تنسي الكعك امتاع الشاهي والمكسرات مع الشاهي
وربي يعاونك وان شاء الله يعجبوك افكاري
ما شاء الله على الأفكار الحلوة يا حبيبة
يا ريتني سئلتك قبل ما ندير عزومة امبارح
كتبت بواسطة
بيبي دوح
يا حبيبة ركزي مليح على تعليقاتنا .... و أول ما نزلتي صفيرتك علقنا عليها على طول
شوفيييييييييييييييييييييييييييييييييي كويس
كتبت بواسطة
ام ياسمين ليبيا
فبل ما نطلع فطوري امس كان
شربة حوت ودجاجة محشية ورز ابيض وبطاطا مقلية
وسامحوني الصور مظلمات في حالة مقدرتش انزلهم
صفيرة دايمة يا حبيبة
كتبت بواسطة
مغتربة 2
السلام عليكم
ماشاء الله شن هالصفر يهبلو قعدت نقلب في الصفحات ونتفرج لين مصاريني بدوا يتعاركوا الله يسامحكن والخاتمة خبزة التنور خطرت عليا الذي مضى وهده مافيهاش حل لازم نروح لليبيا بيش ناكلها سخونة من ايدين اميمتي الغالية ربي يسلمها
يعطيكن الصحة اوخياتي ونستنى اليوم المزيد
ماننساش نشكركن عالسؤال عليا خففتني علي شوي والله اليومين هديم بنهبل كنت نتمنى نروح في رمضان لليبيا لكن قدر الله وماشاء فعل مش كاتبة مزال انحس في روحي عيوني طول اليوم معبيات دموع علي من يحركني ننهد والمطبخ كرهت شبحة انطيب ومافيش من ياكل صغاري مدايرين مقاطعة مع النعمة وانا وزوجي مافيه من يشجع صاحبة
ام الحلوات سلمك نشادة ياغالية وحتى انت لاباس عليك وراهو مزال عند كلمتنا البنت لينا لكن شكلي بنبعتلك اواب كبريه مع عروسة بيش يتربى علي يدك ونفتك من كلوفة
الحرة يارب تولدي بالسلامة كل مانقرأ كلامك نقول ووووووووووووه عليا مزال هداك السوق شن بيفوته
طبعا خشيت صوتت كله الا ليبيا والله علي ماشفت مافيه احلى منها يارب نروحلها سالمة
شانتال بنراجي صور العزومة
كيتي ويييييييييييييييييييييين فطورك امس راني بنرفع عليك قضية
البقية ربي يسعدكم كلكم ويتم عليكم رمضان بالصحة ويفرج هم كل مكروب
ربنا يكون في عونك يا حبيبة
و من غير ما ترفعي قضية راح نحط صفرتي متاع أمس و ان شاء الله اليوم
لأني توا خاشة فيسع فيسع باش نشوف البنات شن حاطين و شن مدايرين
الروابط المفضلة