يابنات سامحوني ملحقتش نقرا كل الصفحات
ماشاء الله
كلكم ستات بيوت من الطراز الاول
لو حصلت وقت مرة تانية نقرا اللي فاتني
واكيد نطلع بفايدة
جربت كم حاجة من هالملف وبصراحة مية مية
ربي يعطيكم الصحة كلكم
ويجمعنا في الفردوس الاعلى رفقة حبيبنا محمد صلى الله عليه وسلم
اااامين

فبل ما نطلع فطوري امس كان
شربة حوت ودجاجة محشية ورز ابيض وبطاطا مقلية
وسامحوني الصور مظلمات في حالة مقدرتش انزلهم

صحة صحة اختى ام ياسمين تسلم الايادى ويعطيك الف عافية

كيف حاااااااااااااااااااااااااااال الفالحات اللي بسفرهم المنتدى منورات
ماشاء الله عبيتوا الصفحات ومعاش لحقت نقرا كل الردود وتبارك الله على السفر اللي وحدة تنسيك التانية ونقوللكم نوسة تسلم عليكم كلكم وحتى امي كل يوم تقولي ترا وريني شنوا فيه جديد اليوم وقعدت تحكي على الملف لجاراتنا وكلهم طلبوه يبوا يخشوا يشوفوا الليبيات الفالحات واعطيتهم الرابط يعني الملف هذا راهو مداير ضجة اعلامية ههههههههههههههههههههههههه

اليوم كنت ناوية بندير طاجين السانية وانزللكم الطريقة زي ما وعدتكم بس خوي لخبطلي الخريطة كلها والمينيو كله تغير
اليوم عازم اربعة نفار من صحابه وطالبين رز بالخلطة والسلاطة الروسية وامبطن والفركسي متاع امس عجبه قاللي ديرولنا منه حتى اليوم
ومش عارفة اليوم نوسة شنو بديرلهم حلو

وتوة بعته يجيبلي في اللي ناقصني وان شاء الله ربي يسترنا معاهم

كتبت بواسطة بيبي دوح

اهلين بالقمرات

اليوم فطوركم عندى (( بيبي دوح ))

هيا تفضلوا ومدوا ايديكم

وتوا كل طبق بروحه

اسمعوا بلا عراك باهى

الخير واجد انتوا بس كولوا

وهذه الملوخية ممممممممممممم يمى يمى

وتوا مممممممممممممممممممممم

العصبان يا جماعة

اه اه من المبطن

هو اول واحد مسحوه مش عارفة شن السر اللى فى هالاكلة

الكل يموت فيها فى كل مدن ليبيا

وياعينى عالسمك

الله عالسمك

عملت سمك يابنات واخيرا اتفضلوا وما تستحوا اوكى

ولا الرز

مايحلى السمك الا بالرز ولا ايش رايكم انتوا ياقمرات

يلا طابور عالكفتة

بلا عراك باهى

والسلطة شى ضرورى فى سفرة بيبى دوح

ومن غيرها السفرة ولا حاجة تعتبر ناقصة

قولكم كله شن يبى

مممممممممممممممم

((( خبزة التنور )))

يلا من غير طابور طيحوا فيها

وطبعا فيها الشريبة عروس السفرة الليبية

والف صحة وهنا على قلوبكم

ماشاء الله تبارك الله سفره دايمه دحدوحه اتهبل تسلم ادياتك

كتبت بواسطة ابريكه

ام تهجد صحهسفرتك
ما شاء الله عليها عامره
صح يدياتك

سلمك ويعطيك الصحه بارك الله فيك بريكه وربى ينولك مافى باللك

كتبت بواسطة زينب محمد 2

هكي معناها ما طبقتيش الطريقة زي ما قلت

و هذه اكبر مشكلة

حبيبة الزبدة ما يذوبوهاش

الزبدة في الحلويات يستعملوها طرية بدرجة حرارة المطبخ

يطلعوها من الثلاجة و يخلوها برا حتى تصبح لينة و طرية

بعدين يستخدموها

و انا اكدت لك على هذا الشيء في الموضوع لما كتبتيه

و هذا الكلام اللي سبق و كتبته

مرحبا : أنا شخصياً جربت الغريبة العادية للأخت زينب وطلعت معايا 100%

كتبت بواسطة ام السنفور

هى تعالو تفضلو

طاجين الامبطن



خبزة الكسكاس




وريدات الفلفل




صوابع الكنافه




السلاطة




الرشدة

بسم الله ماشاء الله سنفوره تسلم اديك صفره دايمه رووووعه

كتبت بواسطة نسمه ليبيه

السلام عليكم
شن اخبار الجميع يارب تفرج عن كل مكروب وتعطى كل محروم وتشفى كل مريض فى هالشهر الكريم قولوا امين
صورت فطورى اليوم بالعركه صغارى واحد يمد فى يده من هنا ووحده تدخل فى الكشيك من هنا والاب ماشاء الله يستنى يبى ينقض عالسفره وحاله المهم صورت فى اخرلحظه
وفطورى كان شربه
خبزة كسكاس على الطريقه الكيتيه هههه
وقوارب دجاج مقتبسه من الطريقه الشانتيليه
وطاجين اجبان
وسلاطة جرجير

شوفوا الصور


وهذى خبزة الكسكاس محشيه شاورما دجاج ومايونيز


وهذا طاجين الاجبان


وهذوم قوارب الباذنجان


ان شاء الله تكون سفرتى نالت ولو القليل من الاعجاب بصراحه لان فطوراتكن كلهن بدون استثناء فيها لمسات حلوه
وتقبلوا فائق تحياتى

تسلم اديك نسمه صفره دايمه

السلام عليكم ياحلوات
ياريت اتفدونى مانيش عارفه شن اندير اليوم زوجى قالى ديرى خفيف