خبز التورتيلا .. مشاركتى للحبيبه شخبط شخبيط

**أم شادى** · 19-08-2009, 10:22 AM

كل عام و أنتم جميعا بخير و صحه و سعاده

أيام معدودات حبيباتى و نستقبل الشهر الكريم
يعوده عليكم بالخير و اليمن و البركات

أود ان اشكر الغاليه شخبط شخبيط على موضوعها الرائع عن خبز التورتيلا

جزاكى الله خيرا حبيبتى و فى ميزان حسناتك

لقد لفت نظرى ان خبز التورتيلا هو نفسه الخبز الذى يصنعه الفلاحين فى مصر من قديم الزمان

فهم يصنعوه على هيئه دوائر كبيره قطرها حوالى 50 سنتى ثم يشقوها من المنتصف و يخبزوها فى افرانهم الفلاحى المبنيه من الطين و يسمى كسرى

و نظرا لحاجتهم الى وجود عيش بالمنازل لوقت الزنقات فهم ينشفوه فى الافران على نار هادئه بعد ان يبرد و يجف

و يتحول لونه من الابيض الى اللون الروز المقرمش ويحتفظوا به فى حافظات كبيره من الخشب مثل الصندوق و هى تحافظ عليه مقرمش و طازح لمده طويله و تسمى سحاره

و الخبز الابيض لو نشف بيضعوه فى وعاء و عليه بعض من البرسيم او الخص فيصبح طرى جدا جدا

بعتذر عن الاطاله و ندخل على الموضوع

خبز التورتيلا

المقادير

1 و ربع كوب دقيق
نصف كوب دقيق ذره اصفر
ملعقه صغيره ملح
نصف ملعقه بيكنج بودر
ملعقه سكر
قطعه خميره صغيره
لبن للعجن حوالى كوب

الطريقه

نختبر الخميره بالسكر و قليل من الماء حتى تخمر
و نعجن باقى المكونات جيدا كما تعودنا ان نلت و نعجن حتى تنعم العجينه و بتكون طريه نغطيها ونتركها تخمر

نقسم العجينه الى كورات بحجم مناسب عملتها 8 كورات و نتركها ترتاح ( تركتها اطول شويه لانشغالى )

نفرد كره العجين بالنشابه رقيق جدا حتى ننتهى من الكميه
سخنت مقلاه غير لاصقه جيدا و ندهنتها بزيت الزيتون و وضعت الخبز فيها لمده بسيطه جدا و جدته ارتفعت اجزاء منه

قلبتها على الوجه الاخر بعد دقائق و كان لونها رائعا ثم و ضعتها على فوطه و غطيتها

و جهزت الحشو عباره عن لحم ناضج قطعته شرائح و شرائح من البصل و الفلفل الاخضر و شرائح من الطماطم

وضعت البصل على النار مع قليل من الزيت حتى دبل و اضفت الفلفل و قلبت ثم اللحمه و الطماطم و ملح و فلفل و تشكيله من البهارات

جنزبيل و قرفه و قرنفل و حبهان و قلبتهم حتى اختلطوا جيدا حشيت الخبز بالخلطه و المايونيز و اخر دهنته بالطحينه و نفس الحشو

و حشيت ايضا خبز بالطحينه و الكفته المشويه و خبز باللبنه و خبز بالجبنه بالتوابل رائع فى جميع الحشوات

و هنا صوره اقرب

زيت الزيتون اعطاه لون مميز و كان الخبز طرى جدا جدا رغم بساطه مكوناته و سهل فى الحشو و عجب الجميع
شكرا لك حبيبتى شخبط أتمنى يكون عجبكم و عجبك حبيبتى

لالالالالا تنسوا الدعاء لأولادى

**تغريد2007** · 19-08-2009, 10:48 AM

يسلمو دياتك يا ام شادي روعه حبيبتي
وكل عام وانت بالف خير حبيبتي ويخلي اولادك وتفرحي بالجميع

**أم شادى** · 19-08-2009, 10:55 AM

كتبت بواسطة تغريد2007

يسلمو دياتك يا ام شادي روعه حبيبتي
وكل عام وانت بالف خير حبيبتي ويخلي اولادك وتفرحي بالجميع

الف الف شكر حبيبه قلبى
الاروع مرورك يا غاليه عطر صفحتى
و انت طيبه حبيبتى و بصحه و سعاده
ربنا يباركلك و يكرمك يا قمرايه فى اولادك
ماتحرمش منك حبيبتى ومن دعواتك الجميله
وجودك اسعدنى و شرفنى و نورنى

**noorelhoda** · 19-08-2009, 11:14 AM

خبزات روعه ومعلومات تجنن واحب اضيف معلومه اخرى بعد اذنك التورتيلا
هو نفسه المرحرح ولكن المرحرح بيكون سميك عنه
لان بيستخدم فى الغموس
اسفه عالاطاله
وكل عام وانتى بالف خير يا طنط وتسلمى ياغاليه

**gabsoz** · 19-08-2009, 11:33 AM

الله يسلم يدينك ويحرمها على النارويعطيكي الف عافيه

ويبارك في حياتك وفي اولادك يااااااااااااااااااااااااارب

تورتيللاراااااااااااااااااااااااائعه وشهيه سلمت اناملك

**أم شادى** · 19-08-2009, 11:50 AM

كتبت بواسطة noorelhoda

خبزات روعه ومعلومات تجنن واحب اضيف معلومه اخرى بعد اذنك التورتيلا
هو نفسه المرحرح ولكن المرحرح بيكون سميك عنه
لان بيستخدم فى الغموس
اسفه عالاطاله
وكل عام وانتى بالف خير يا طنط وتسلمى ياغاليه

الف الف شكر حبيبه قلبى
الاروع مرورك يا سكره عطر صفحتى
احنا فى بلدنا بنسميه عيش ابيض او طرى
و بيكون رفيع قوى هما بيحطوا دقيق الذره
علشان ينعمه و يقدروا يرفعوه جدا و يبقاناعم فى الاكل
تقريبا كل منطقه لها طريقتها فى صنعه
لكنى سعيده ان الغرب اتعلم مننا و احنا الاصل
لكنهم غيروا فى الحجم و الاضافات و الحشوات
و انت بخير حبيبتى و صحه و سعاده
ماتحرمش منك و من ذوقك يا غاليه
وجودك اسعدنى و شرفنى و نورنى

**أم شادى** · 19-08-2009, 11:53 AM

كتبت بواسطة gabsoz

الله يسلم يدينك ويحرمها على النارويعطيكي الف عافيه

ويبارك في حياتك وفي اولادك يااااااااااااااااااااااااارب

تورتيللاراااااااااااااااااااااااائعه وشهيه سلمت اناملك

الف الف شكر حبيبه قلبى
تسلميلى يا غاليه كلك ذوق ربنا يباركلك
يعافيكى مرايه و يعطيكى الصحه و طوله العمر
ماتحرمش من دعواتك الرائعه مثلك يا سكره
الاروع مرورك عطر صفحتى و انارها
وجودك اسعدنى و شرفنى و نورنى

**روني الحلوة** · 19-08-2009, 12:10 PM

تورتيلا شهية ورائعة سلمت يداك وتحرم عليها النار
بارك الله فيك وفى الحبيبة شخبط شخابيط
ومبارك عليكم الشهر الكريم

**amal250** · 19-08-2009, 12:20 PM

بسم الله ماشاءالله عليكى ياغالية
وتبارك الله عليكى وعلى المعلومات الجميلة
وفعلا ياغالية لم اكن اعرفها طبعا عارفة ان فى عيش فلاحى
ولكن لم اكن اعرف الطريقة بالضبط
بارك الله فيكى ياغالية وما حرمنا من معلوماتك القيمة والرائعة
وتسلم الايادى الجميلة والرائعة
وبالهنا والعافية على قلوبكم يارب
وربى يحميكى ويحرسك ويزيدك من نعيمة امين يارب العالمين