**تطبيق متميز**تطبيقى المتواضع لعجينة العشر دقائق
السلام عليكم ورحمة الله وبركاته
ده اول مشاركه لى فى هذا الركن كننت مشاهده فقط لانى مش بعرف انزل صور اليوم عرفت من صديقتى الغاليه وقلت لازم اجرب واخرج الصور اللى عندى ومحتفظه بيهم
اولا معجناتى من عجينة العشر دقائق الله يحغظها الاخت اللى كتبتهلنا وبعمل بيها كل المعجنات طبعا انتوا عارفينها الجديد النهارده انى عملت صنفين وهم
الاول حوواوشى بس قسمت العجينه نصفين بعد المرحله الاولى من التخمير الاول كملته بالدقبق العادى والتانيه بالدقيق الاسمر علشان الريجيم بتاعى
وده صورته
وبعدين شكلتها وحشيتها رغيف بالبسطرمه والفلف الروم والموتزاريلا والاخر باللحمه المفرومه والبهار والبصل المبشور وملح وفلفل اسود ودهنت الوجه بالبيض ورشه حبة البركه
وده بعد الخبز
وده الدايت
الصنف التانى البريوش واضفتله مع الدقيق قليل من الكركم والمحلب لاضافه الطعم الجميل و بعد العجن قسمته نصفين الاول ضفت عليه زبيب اما التانى ضفت فواكه مسكره
وده العجينه
وده بعد التشكيل والدهن بالبيض ورش السكر فوق الوجه
بعد الخبز مقلكمش على الريحه الحلوه والطعه الهش الجميل
ملحقتش اصوره فى طبق التقديم لانى كنت وخداه معايا فى رحله
اتمنى انه يعجبكم
والصور شكلها كده حتطله كبيره بس استحملونى ده اول مره ليه
رد مع الاستدلال
الروابط المفضلة