العجينة المورقة ورقت بس ...

السلام عليكم
اخواتى الكريمات
من كام يوم قولت اجرب اعمل عجينة الميل فوى و انا كنت خايفه منها جدا و خايفه افشل و متطلعش حلوة
فجربت فى اقل كمية ممكنة يدوب كوباية و نص دقيق و الزبد اللازم لها و اشتغلت فيها
و الحمدلله نجحت معايا ميه الميه و عملت منها تورتة ميل فوى بالكريم باسترى و زوجى قالى طعمها زى الجاهز بالظبط فعلا كانت رائعة
وانا اخدت الطريقة من هنا من موضوع لاختنا عذبة الاحساس
المهم جيت امبارح قولت طالما طلعت معايا كويسه اعمل بقى كميه اكبر و افرزنها و اخد منها كل ما احتاج
و عملت كيلو دقيق و كيلو الا ربع زبدة و يالاسف اخواتى معرفش العيب فين العجينة مطلعتش زى الاولى ابدااااااااا برغم انى عملت نفس الخطوات لكنها للاسف فشلت
صحيح عملت منها ام على و كرواسون و ميل فوى تانى بس الطعم لااا خالص مش زى الاولى كانت ناجحة و شجعتنى
و انا مش عارفه العيب فين دلوقتى
هل دا عيب دقيق مثلا نوع الدقيق يكون مش حلو
والا ايه بالظبط مش عارفه
وهل من الممكن معالجة باقى العجين الموجود فى الفريزر مثلا ؟؟

هى بتطلع مورقة لكن طعمها زى ما يكون كابس مش مورقة كفايه او ايه مش عارفه

بانتظار افادتكم و شكرا لكم

هلا حبيبتي
جميل انك بتجربي و بتفيدينا بتجربتك
و ياريت البنات كلهم يتبعوا هالاسلوب لنستفد سوا من اخطاء بعض

بما انك قلتي

زي ما يكون كابس مش مورق

فهدا دليل ان كمية الدقيق كانت اكثر من الازم
او الدقيق نفسه نوعيته ليست جيدا
عن تجربتي الشخصية لعجينة الباف
استعمل نفس الوزن اكان للدقيق او للزبدة
و لا زم الاثنين يكونوا من نوعية جيدا
و الزبدة تكون باردة و ليست بحرارة الغرفة


اتمنى البنات يفيدونا اكثر بتجاربهم
و حياك الله حبيبتي


هو بالنسبة لسؤالك هل ممكن اصلاح العجين
الصراحة ما لي فكرة
لكن انصحك بعمل فطائر محشوة مثل تورتات حادقة
و انثري عليها قطع زبدة

عزيزتي اعتقد فعلا ان الدقيق السبب
اما المتبقي عندك
انا حصل معايا مرة مشكله مشابهه لاني وزنت غلط
عملتها معجنات وكرواسانات عاديه حشيتها جبن او سكر وقرفه طلعت جميله وجمعت بين الطعمين
حتى كمان عملت منها ساده وماشاء الله طلعت حلوة
متزعليش انشاء الله المرة الجايه هتبقى احلى

معلش يا قمر تتعوض المره الجايه

بس ممكن تعملى بيها فطاير او بيتزا وهتبقى ان شا الله تحفه

ونوعى ما بيين الحلو والحادق

كتبت بواسطة **ام البنات **

هلا حبيبتي
جميل انك بتجربي و بتفيدينا بتجربتك
و ياريت البنات كلهم يتبعوا هالاسلوب لنستفد سوا من اخطاء بعض

بما انك قلتي
فهدا دليل ان كمية الدقيق كانت اكثر من الازم
او الدقيق نفسه نوعيته ليست جيدا
عن تجربتي الشخصية لعجينة الباف
استعمل نفس الوزن اكان للدقيق او للزبدة
و لا زم الاثنين يكونوا من نوعية جيدا
و الزبدة تكون باردة و ليست بحرارة الغرفة


اتمنى البنات يفيدونا اكثر بتجاربهم
و حياك الله حبيبتي


هو بالنسبة لسؤالك هل ممكن اصلاح العجين
الصراحة ما لي فكرة
لكن انصحك بعمل فطائر محشوة مثل تورتات حادقة
و انثري عليها قطع زبدة

اهلا بيكى ام البنات منورانى وانا احب موضوعاتك كتير و طلتك الله يسعدك يارب و يباركلك

انا فعلا شاكة الى حد كبير فى الدقيق لانى بعت بنتى تشتريلي كيلو مخصوص برغم كان عندى بس كانوا كيسين مختلفين وخفت اخلط النوعين على بعض ميكونش حلو
فجابتلى هى من عطار مختلف غير ال بتعامل معاه وعشان كدا حاسه ان نوع الدقيق هو ال عملى المشكلة دى

طبعا انا هحاول اعمل فعلا اصناف مختلفة خصوصا ان طعمها مش وحش هو بس معيوب لكنها تتاكل عادى يعنى فطبعا مش هرميها حرام الزبد و اكتر شيىء تعبى انا تعبت فيها جدا والله و الحمدلله بردو مش بيأس هههههههههه

منورانى اختى الكريمة

كتبت بواسطة wbaby

عزيزتي اعتقد فعلا ان الدقيق السبب
اما المتبقي عندك
انا حصل معايا مرة مشكله مشابهه لاني وزنت غلط
عملتها معجنات وكرواسانات عاديه حشيتها جبن او سكر وقرفه طلعت جميله وجمعت بين الطعمين
حتى كمان عملت منها ساده وماشاء الله طلعت حلوة
متزعليش انشاء الله المرة الجايه هتبقى احلى

والله يا اختى انا عملت الوزن بناءا على مضاعفة الكمية الصغيرة الاولى اللى عملتها و راجعت حتى موضوع اختنا عذبة الاحساس مرة اخرى لقيت ان الزبد بتكون تلات ارباع الدقيق و فعلا نجحت فى الكمية الصغيرة و فى الكبيرة لاء
يعنى هو نصيب على ان بردو الواحد بيلزمه يكرر العجينة كام مرة عقبال ما يتقنها تماما و برغم من ذلك الحمدلله انا سعيدة من التجربة

نورتيني حبيبتى

كتبت بواسطة shamosaa

معلش يا قمر تتعوض المره الجايه

بس ممكن تعملى بيها فطاير او بيتزا وهتبقى ان شا الله تحفه

ونوعى ما بيين الحلو والحادق

فعلا انا عاوزة اجرب البيتزا بالعجينة دى لانى دوقتها مرة بالعجينه المورقة و كانت هايلة فهحاول طبعا انوع على اد المتاح
مشكورة اختى على اهتمامك تسلمى يارب