**تطبيق متميز**تطبيقى لعجينة الباف بسترى للمبدعة نور الهدى.... روووعة ((بالصور))

السلام عليكم ورحمة الله وبركاته

اليوم هاعمل عجينة الباف بسترى واللى باحبها جدااااا وكنت بأفتكر انها استحالة تتعمل بيتى لكن والله لما عملتها (وللأمانة لم تنجح 100% من المرة الاولى ) فهذه تانى مرة أعملها والحمد لله تجنبت اخطاء المرة الاولى وطبعا كله بفضل الله وعلى فكرة انا بحثت عن طريقة الباف بسترى فى كتب كتيرة عندى وعلى النت كام ولم أجد أسهل ولا أنجح من طريقة نور الهدى .. وهى طريقة سهلة بس عايزة طولة بال شويتين وكمان غير مكلفة . ولازم تجربوها وان شاء الله تنجح معاكم ..
واليكم الطريقة

اولا المقادير : 3 كوب دقيق ، 2 كوب زبدة ، 3 ملاعق زبدة (تخلط مع الزبدة) ، ثلاثة ارباع كوب لبن دافئ ، نص كوب ماء ، ملعقة كبيرة خميرة فورية ، 3 ملاعق كبيرة سكر ،3 ملاعق كبيرة زبادى ، ذرة ملح

ودى صورة المقادير


اما الطريقة فهى كالتالى :
1. نذوب الخميرة فى كوب اللبن الدافئ مع السكر ثم يغطى ويترك 10 دقايق حتى يرتفع
2. نضيف ذرة الملح الى الدقيق المنخول ثم نضيف الخميرة بعد ارتفاعها ثم نعجن قليلا ثم نضيف ملاعق الزبادى تدريجيا ونكمل عجن باضافة الماء كلما احتاجت العجينة ثم نتركها تخمر مدة ساعة او اكثر (لاحظت انه كلما اختمرت اكثر كلما اصبحت اكثر هشاشة)


3. وفى اثناء اختمارها . نخلط 3 ملاعق دقيق بكوبين الزبدة اللى بتكون طرية وليست سايحة وبعد كده نفرد الزبدة على مشمع ، انا فردته على سفرة


4. ونساويه على قد ما نقدر ثم نضعه فى الثلاجة وليس الفريزر

5. بعد اختمار العجينة نفردها دايرة كبيرة ثم نضع عليها الزبدة (بعد خروجها من الثلاجة بيبقي شيلها من المشمع سهل جدا ) ونطبق العجينة على لوح الزبدة جيدا ثم نفرد بالنشابة مرة اخرى وتوضع العجينة فى الثلاجة مده نص ساعة

6. ثم نخرجها ونفردها ونطبقها مرة اخرى (اسفة لم أصور الخطوات دى ولكنها سهلة) ونضعها فى الثلاجة نص ساعة









7. نخرجها من الثلاجة ونفردها مرة اخرى ونطبقها (نلاحظ ان عدد التطبيقات يزيد)
8. وهكذا حوالى 6 مرات بس انا ماصبرتش طبقتها حوالى 4 مرات فقط ولكن الحمد لله النتيجة مرضية.

9. فى المرة الاخيرة نفرد العجينة ونقسمها حسب اللى احنا هنعمله يعنى انا عملت باتيه بعجينى الباف بسترى وحشيته جبنةمع زعتر


وده الباتيه فى الصاج بعد مادهنت وجهه باللبن مع صفار البيض مع رشة فانيليا


وده بعد ما استوى وما شاء الله الراقات واضحة فى الباتية





واسمحوا لى ان اقدم الطبق ده لنور الهدى وانتم لكم باقى الصاج


وبالهنا والشفا

تطبيييييييييييييييييييييييييق راااااااااااائع لاخت غالية جدااااااااااااااااااااااا

تسلم يديك حبيبتي و تسلم يدين الغالية ام نور

بارك الله فيكما

باتيه روووووووووووووعه تسلم ايديكي وايدين ام نور
وشجعتيني اطبقه تاني لاني برده عملته مره ومكنش حلو
بالهنا والشفا عليكم

روعة ان شاء الله اجربها

تطبيق راااااااااااااااااااااااائع بكل معنى الكلمة
كانه جاهز بالظبط
الف هنا وشفا وتسلم ايدك انت والغالية ام نور

ما شاء الله حبيبتى
تتطبيق اكتر من رااائع
وشكله لذيذ جداااا
تسلم الايادى
والشكر موصول للغاليه ام نور

تطبيق رائع تسلم ايدك وايد الغاليه نور

برافووووووو عليك يا ام يوسف
شجاعة بصراحة
انا الي اليوم ما جربتها .. لسببين
اولا .. الجاهزة رخيصة
ثانيا : من شغلها اللى بيتعب و يوسخ المطبخ

بس انت شطورة

تيسلم ايديك و ايدين ام نور الغالية

و الطبق طبعا من نصيبي .. من غير تعب و انا مرتاحة ..

رووووووووووعة ماشاء الله تبارك الله

تسلم الايادي يارب

يسلموا اختى الغاليه

تطبيق رائع يعطيك العافيه يا عسل ويسلمو ايدين الغاليه نور

جزاك الله كل خير