مبتدئه وعايز حد يساعدنى وجزاكم الله خيرا

انا لسه مبتدئه وحابه ابتدى بالمعجنات بس للاسف بدأت بعجينه 10 دقائق من كتر منا شفت ابدعاتكم مشاء الله جميله بالعجينه ديه، بس للاسف فشلت فشل ذريع العجينه مخمرتش معايا مش عارفه الغلط فين بس عايزه استفسر عن حبه حاجات واتمنى انكم تفيدونى

1_ الخميره الفوريه هى الكياس اللى مكتوب عليها جافه ونشطه اصل مش عارفه شكلها ايه؟ وهى اللى استخدمتها كانت مكتوب عليها جافه وياريت حد يقولى وخاصه اللى من مصر
2_هو ينفع استخدم بدل منها خميره بيره وبنفس المقادير ولا لازم فوريه؟
3_اى معجنات بتتحط فى درجه حراره كام خاصه البيتزا وفى الفرن السفلى ولا الاوسط؟
4_وايه اللى يخلى المعجنات هشه وفيها مسامات ؟
انا اسفه انى طولت عليكم بس انا متأكده انكم مش هتبخلو عليه بالرد ولكم جزيل الشكر

بصى حبيبتى لو حتستعملى خميرة فوريه يبقى تجيبى النوع المستورد الى علبته مرسوم عليه الخباز
والاحسن طبعا انك تستخدمى الخميره العاديه
وطريقتها انك تدوبيها فى معلقة سكر وقليل من الماء الدافىء وليس الساخن وتسيبيها شويه لحد ما تخمر يعنى ترتفع و يظهر بيها فقاعات و بعدين تضيفيها للعجين و تشتغلى
وطبعا كل ما تعحنى اكتر كل ما يزداد هشاشه اكتر
وخلى بالك الماء لازم يكون دافى و مش ساخن لان الماء الساخن بيضعف الخميره ومبيخليهاش تتفاعل
اتمنى اكون افدتك

اه نسيت حراره 180 كويس على الرف الاوسط

شوفي حبيبتي :

1- العجينة لم تخمر .. جايز لأن الخميرة كانت قديمة
و جايز لما ذوبتيها في الماء .. الماء لم تكن دافئة كفاية
أو العجينة لم تأخذ راحتها في التخمير
و هناك أسباب عدة لعدم تخمر العجين
2- الخميرة الفورية نوع و الجافه ونشطه نوع آخر
3- الخميرة البيرة الطازجة أحسن من الخميرة الحبيبات أو الجافة .. و ممكن بدل 1 ملعقة كبيرة خميرة جافة تستعملي قطعة خميرة بيرة في حجم عين الجمل
4- بالنسبة لي بأخبز المعجنات على 200 على الرف السفلي ( بس طبعا الأفران تختلف )
5- المعجنات تكون هشة من العجن الكتير كما ذكرت أختنا ام بودى و رومة .. و أيضا لا تكثري من الدقيق لأن الدقيق الكثير يجعل المعجنات مكتومة .. لذلك ضيفي الدقيق بالتدريج .. فقط حتى تتلم العجينة و لا تلصق باليد

آمل حبيبتي أن أكون قد أفدتك و لو بالقليل
و إن شاء الله الأخوات يساعدوكي بخبراتهم

**موضوع متميز** عحينتي الخاصة لجميع انواع المعجنات الخليه والفطائرعجينه السبع اكواب


جربي العجينه هاي وخبريني

**موضوع متميز** عحينتي الخاصة لجميع انواع المعجنات الخليه والفطائرعجينه السبع اكواب

وكمان هاي برضواا

كتبت بواسطة ام بودى و رومة

بصى حبيبتى لو حتستعملى خميرة فوريه يبقى تجيبى النوع المستورد الى علبته مرسوم عليه الخباز
والاحسن طبعا انك تستخدمى الخميره العاديه
وطريقتها انك تدوبيها فى معلقة سكر وقليل من الماء الدافىء وليس الساخن وتسيبيها شويه لحد ما تخمر يعنى ترتفع و يظهر بيها فقاعات و بعدين تضيفيها للعجين و تشتغلى
وطبعا كل ما تعحنى اكتر كل ما يزداد هشاشه اكتر
وخلى بالك الماء لازم يكون دافى و مش ساخن لان الماء الساخن بيضعف الخميره ومبيخليهاش تتفاعل
اتمنى اكون افدتك

انا بجد بشكرك يا أم بودى ورومه على ردك الجميل واهتمامك انك تساعدنى وجزاكى الله كل خير على المعلومات الجميله ديه وطبعا افيدتينى وان شاء الله هجرب تانى واقولك النتيجه

السلام عليكم ورحمه الله وبركاته
اشكرك اختى العزيزه أم العلاء2 على المعلومات القيمه والمفيده وجزاكى الله خيرا على اجابه لكل اسئلتى وفيها معلومات كتيره جديده ليه وفعلا موضوع الخميره ده كان محيرنى واشكرك على اهتمامك بمساعدتى

جزاكى كل خير اختى الكريمه السوسنه _ السوداء على الروابط اللى اضفتيها الى معلومات الاخوات الكريمات واشكرك على تقديم المساعده وبأذن الله هجرب تانى وأقولكم على النتيجه واكيد ان شاء الرحمن هتكون كويسه وبارك الله فيكم جميعا

ماشا ء الله الاخوات ماقصروا معاكي اختي

ان شاء الله تجربتك الجديده ناجحه بأذن الله تعالى

ما قصروا الحلوات الله يسعدهم يا رب
و اتمنى نعرف نتيجة تجربتك حبيبتي