LinkBack URL
About LinkBacks
**متميز ** تطبيقي لعجينة الكيش للغالية نور الهدى وعمل الكيش لوران في مطبخ رضوى
حبايبي وأخواتي في أحلى منتدى على النت كله بجد وحشتوني أخر حاجة ومش في أي كلام يقدر يعبر عن شوقي ليكم.
الفترة اللي فاتت كنت بعيدة عنكم خالص بسبب شغلي ودراساتي والحمد لله ربنا معايا وموفقني دايما لطريق النجاح.
أنا جاية تاني المنتدى وكنت ناويه انزل شوية وصفات ليه عشان أعوض الغياب بس شفت موضوع الغالية نور الهدى والأخت الخدومة دايما والفنانة عن الكيش، فقررت انزل تطبيقي لكيش نور الهدي.
بصراحة أنا من عشاق الكيش أوي بس كل تجاربي في العجينة قبل كده فشلت لغاية ما جربت طريقة نور الغالية وكعادتها دايما نجحت العجينة وبجد أحلى كيش وعملت الكيش لوران بخلطة الدجاج بتاعتي والحمد لله طلع تحفة.
بس للأسف حصل لي مقلب مش ظريف بعد ما جهزت اكتشفت إن الكاميرا محتاجة شحن فصورت بكاميرا الموبايل فاعذروني الصور مش واضحة أوي.
المقادير للعجينة والطريقة كلها موجودة بالتفصيل في رابط نور:
-ملف متميز-روائع من الكيش بلمسات مصريه أصيله من مطبخ نور الهدى بالخطوات المصوره
الحشوة :
صدور دجاج شرائح مقطعة مكعبات وتشوح حتى يتغير لونها ليصير وردي ثم نضيف البصل المفروم ويشوح حتى يذبل ثم نضيف الفلفل المقطع مكعبات ونقلب ليذبل ثم نضيف 2 طماطم مبشورة ونقلب ونملح بالملح والفلفل وبهارات الدجاج حتى يتجانس الخليط ويصير جاهزا مع مراعاة التمليح يكون خفيف لإضافة الزيتون والجبن المبشور فيما بعد.
بعد تجهيز العجينة كما بالصور ووضعها بصينية التارت يتم تخريمها بالشوكة وتركها ربع ساعة ثم نضيف الحشوة وزيتون اسود وقليل من البسطرمة (ممكن الاستغناء عنها لأني بستخدمها بس عشان جوزي مدمن بسطرمة بس مش محتاجين تضيفوها لان طعم حشوة الدجاج كفاية جدا).
نضيف خليط نور ( 2اصفر بيض+ كوب كريمة لباني+ ملح+ فلفل اسمر) على الخليط في الصينية ثم نضيف قليل من جبن البار ميزان أو الرومي المبشور على الوجه.
وتدخل الفرن الذي تم تشغيله قبلها بربع ساعة على الأقل في الرف الأوسط على درجة حرارة 200 لمدة 45-50 دقيقة وقد تصل لساعة ثم نطفيء الفرن ونتركها لتهدأ ثم تقطع وتقدم بالهناء والشفاء.
ودي قطعة لأول رد
بس متنسوش تدعوا لنور الهدى بالصحة والعافية ليها ولأسرتها الكريمة.
يا رب يعجبكم تطبيقي
رد مع الاستدلال
كتبت بواسطة شخبط شخبيط
[
الروابط المفضلة