كيفكم حبايب قلبي ما تتصوروا مدى سعادتي فيكم و سعادتي بكل الي رجعولنا بعد غياب و انقطاع و بنتمنى يرجعوا الباقبيين وينورونا على طول و الف مبروك للفائزات بالالقاب و عقبال عند الجميع التميز و منها للاعلى ان شاء الله وجعلنا واياكم من الفائزات في الدنيا والاخرة

بصراحة اليوم كان عندي حفلة معجنات ... عملت فيها اشكال مختلفة ... ممكن تقولوا درس رياضيات ههههههههه
حاقدم لكم فطائر فلسطينية 100 % فطائر الزعتر الاخضر..... واخيرا لقيته متوفر عنا هون وما صدقت كاني لقيت كنز و عملت فيهم شوية فطائر طلعوا طيبين و مع كاسة شاي بالمرمية ... ما في بعد كدة كلام

المقادير

كيلو دقيق ابيض

1/2 كاس زيت زيتون او ذرة او خليطهم انا عادة باخلط

ملعقة صغيرة ملح

ملعقة كبيرة سكر

ملعقة كبيرة خميرة فورية

ماء دافي للعجن حسب الدقيق الي عندك بيحتاج حوالي كاستين ماء دافي او اقل بشوي

زعتر اخضر حوالي 1/2 كيلو

2 بصلة متوسطة ناشف + حزمة بصل اخضر يعني حوالي 6 رؤوس تفرم مع الاوراق الخضراء .. ملح ... ملعقة سماق ... رشة فلفل اسود

الطريقة

تخلط المقادير معا اول شي النواشف ثم الزيت و اخيرا الماء وتعجن جيدا حتى نحصل على عجينة طرية وملساء و تترك ليتضاعف حجمها تكور الى كورات في حجم الليمونة او اكبر شوي و تترك لترتاح حتى نجهز الحشوة

الحشوة

يفرم البصل الناشف والاخضر ناعم او يبشر يضاف الملح والسماق و الزعتر الاخضر و يخلطا جيدا مع بعض و هيك بتكون الحشوة جهزت

نبدا في لف الفطائر هلا كما في الصور

ترق العجينة على الطاولة وتفرد بالنشابة اولا ثم بالزيت انا عادة بافردها بالزيت على طول ... توضع الحشو على العجين يطبق الطرفين ثم توضع الحشو مرة اخرى ويطبق و يوضع حشو ولا حظوا انا ما باكتر زعتر لانه ما بدي يكون طعمه قوي علشان الاولاد الى ان يتكون لنا الشكل المربع

نتركه يرتاح حوالي 1/2 ساعة او الى ان نخلص الكمية ثم تفرد في صينية الخبز باليد وتخبز في فرن مسخن مسبقا في الرف الاوسط من الفرن و تحمر من فوق وتقدم

وهنا شكلها بعد الخبز

و انا هنا اضفت مقدار من الزعتر لثلث العجينة و عجنته معها مع قليل من زيت الزيتون طبعا قبل التخمير و عملتها كورات تركتها ترتاح ثم فردتها على شكل الخبز

وهنا شكلها بعد الخبز

هنا حشيت الدوائر بجبنة نابلسية و عملتها مثلثات و الطعم طبعا لا يعلى عليه

وهنا دوائر الزعتر مع المثلثات ومربعات خبز الحليب الموجود على هذا الرابط

http://www.lakii.com/vb/showthread.php?p=7043733#post7043733

وهنا المجموعة كاملة

و جبتلكم كمان هذا علشان يكفي الحبايب كلهم

ان شاء الله معجناتي عجبتكم و بالاصح درس الهندسة يكون عجبكم ههههههههههههه

دمتم جميعا بالف خير

ولاتنسوني من الدعاء لي بالبركة في الصحة والوقت واهل البيت

تحياتي للجميع

انا حاخد هاى
علشان أضمن أدوق من كل الاشكال
رجعنا لدوس الهندسه


تسلم ايدك يارب
فطائر رائعه ومنظرها شهى

الله يعطيك العافيه والصحه يارب

كتبت بواسطة lonle

انا حاخد هاى
علشان أضمن أدوق من كل الاشكال
رجعنا لدوس الهندسه


تسلم ايدك يارب
فطائر رائعه ومنظرها شهى

الله يعطيك العافيه والصحه يارب

لونلي انت كاينة واقفة على الباب

يا ريت بايدي ... ابعتلك الصينية ...

ومالها الهندسة .. الرياضيات كان امتع درس بالنسبة الي ... وبعدين الاولاد من سن سنتين ممكن تعلميهم الاشكال بالطريقة هادي و حيتقنوا كل الاشكال سواء بالبسكوت او المعجنات هههههههههه ... يلا طبقي وعلمي مجودي من هلا

الف شكر حبيبتي

ربنا ما يحرمني منكم و يعطيك الصحة ويفرحك باولادك

تسلم الايادى الى تتحرم على النار
رووووووووووووووووعه حبيبه قلبى ما شاء الله
تسلم اديكى و عنيكى يا رب
ربنا يبارك لك فى صحتك و اولادك و و قتك يا غاليه

teslam eedik

يعطيكي ألف عافية
ما بتصدقي إذا قلتلك شهيتيني أعمل فطاير بالزعتر الأخضر رغم أني ما بعرفه
بس من كتر المواضيع الحلوة اللي بشوفا عنو كتير بتمنى لاقي بالسوق زعتر أخضر وجرب هالنوع من الفطاير
من هون ورايح شغلتي بالسوق أسأل عن الزعتر الأخضر وبس
لأنو عن جد شجعتيني كتير اعمل النوع المربع اللي بتبين فيه الحشوة لبرا
وإذا ما صار نصيب بدي جرب اعمل الحشوة بالسبانخ وان شاء الله بتنجح معي
طولت عليكي ...تسلم اديكي يا رب وصحة وهنا على قلبكم جميع

هذاااااااااااا لى انا
الحمد لله لحقت عالصحن هنا علشان البنات كملوا كل الخبز فى الموضوع اليابانى خخخخخخخخخ
بس شكل الفطائر يشهى و كل طبق احلى من التانى
الله يجزيك كل خيييييييييييير حبيبتى
و يباركلك فى صحتك و اولادك يااااااااااااااااااارب

مممممممممم .... شهيتيني ام ليانة .... نفسي اكل فطاير زعتر اخضر
يسلمو اديكي ياااا رب ... بجد روووعة و بتشهي يا عسل
الله يعطيكي الف عافية يا غالية

وااااااو تشكيلة معجنات ولا اروع

ربنا يبارك فيك و في صحتك و اولادك و مالك و يزيدك من نعيمه يا رب

يا ريتك جارتي يا ام اللول كنت دقت هاد الفطائر ديال الزعتر الاخضر
على فكرة فين لقيتهم؟ ممكن اطلع محظوظة و الاقيهم ايضا

والله لو كل دروس الهندسه هيك مستعده اكل قصدي اخد كل يوم درس
يسلموا ايديك رااااااااااااااائع فعلا
وشكلهم شهي جدا