*ملف متميز*لبوريك المصرى واكسكسى المصرى والعدليه بالخطوات التفصيليه من مطبخ نور الهدى

اخواتى اقدم لكم الان بعض من وصفاتى المشاركه فى مسابقه المعجنات التقليديه من كل البلاد العربيه
البوريك المصرى

طبعا مشهور فى مصر جدا ودائما نجده مع الباعه المتجولين لكن الافضل طبعا عمله فى المنزل واليكم المقادير

3 كوب ونصف دقيق

2 بيض

نصف كوب حليب

ملعقه كبيره ممسوحه خميره

ملعقه صغيره سكر

ربع كوب زبده

ذره ملح

ذره فلفل اسمر

الطريقه

نذوب الخميره فى اللبن والسكر وبنتركها جانبا خمس دقائق ثم نضيف اللبن على الدقيق ونعجن

وبعد خمس دقائق عجن نضيف البيض

نضيف الزبده فى الاخر ونراعى ان تكون طريه لا متجمده ولا سائله ونعجن الى ان تتكون العجينه هكذا

نتركها ساعه ونصف تختمر جيدا وهذا شكلها بعد تمام الاختمار

نبدأ فى تحضير الحشوه

وده طبعا اختيارى

انا استخدمت جبنه ونعناع

وتمر وقرفه

ومننساش بيض للتزين وسمسم وحبه البركه

نفرد العجينه ونضع الحشوه اعذرونى نسيت اصور الخطوه دى وبعدين نقطع العجين مثلثات او على شكل المنين او القطايف

اى شكل انتوا تحبوه ونرصه فى صينيه الفرن وندهنه بالبيض والسمسم وحبه البركه

نتركه حوالى ربع ساعه على حراره 200 وبعدين نشغل الشوايه من فوق علشان ياخذ لون

وده شكله بعد الخبز يارب يعجبكم

الكسكسى المصرى

هنا حقدم لكم الكسكسى المصرى بالدقيق وطريقه جدتى كانت صعبه جدا جدا وكان ليه طقوس خاصه هو الاستيقاظ مبكرا والتحضير لعمله والعيله كلها كانت تتجمع يوم الكسكسى وغالبا بيبقى يوم الجمعه

زى ماقلتلكم الطريقه صعبه لكن مع تقدم العلم طبعا اصبح الصعب سهل

هههههههههههههههه

لان فى اختراع اسمه فوود بروسيسور اه لو كان موجود ايام جدتى

اكيد كان حيريح لها ايدها كتير لانها كانت بتتعبها بعد عمل الكسكسى لما يتطلبه من مجهود فائق لفرك العجين

المقادير تكفى ل 3 اشخاص

3 كوب دقيق

ربع كوب ماء فقط

زبده او سمن بلدى

الطريقه

فى طبق عميق ننخل الدقيق وبعدين نرش عليه ربع كوب الماء

خدوا بالكم رش وليس وضعه مره مره واحده

نقلب الخليط معا وفى الكبه او الفوود بروسيسور نضع كميه كميه ونطحن

ثانيه ونتوقف وثانيه اخرى ونتوقف

الى ان يكون شكل الدقيق عباره عن حبيبات هكذا وارجوكم لا تكثروا من مقدار الماء

لو عندك حله الكسكسى استخدميها ولو مفيش زى حلاتى يبقى نضع ماء فى حله ونضع فوقها مصفاه المكرونه او منخل سلك ونضع قطعه قماش نضيفه ونضع الكسكسى هكذا

ونغلق الشاشه تماما تماما ونتركه عالنار نصف ساعه

بعد مرور ربع ساعه نفتح عليه ونقلبه بملعقه خشبيه ونغلق القماش مره اخرى

بعد مرور نصف ساعه ننزله من عالنار ونضع الكسكسى فى المنخل السلك وطبعا تحته طبق عميق

ونفرك باليد هكذا لكى تنزل الحبيبات الصغيره من فتحه المنخل

طبعا حيكون فيه حبيبات كبيره لم تنزل من المنخل ودى نفركها براحه الكفين ونتاكد انه لا يوجد اى تكتلات فى الكسكسى ويكون بهذا الشكل

نعيده مره اخرى عالنار بنفس طريقه القماشه وايضا نص ساعه وبعدها ننزله من عالنار ونضيف الزبده او السمنه البلدى حوالى كوب الا ربع للكميه المذكوره ونفرك الزبده بالكسكسى براحه اليد شوفوا لونه تحول للذهبى نتيجه للزبده

هنا يكون جاهز للتقديم ممكن مع بط او فراخ وطبعا اخواتنا المغربيات والتونسيات بيعملوه بالخضار بس ياريت يقولولى عالطريقه

وممكن نضع عليه سكر بودره ويزين بالمكسرات والقرفه

ملحوظه

ممكن نعمل كميه ونضعها فى الفريزر شهر او اتنين ولكن بدون زبده وعند الاستخدام نسخنه ونضيف الزبده

دلوقتى حقدم لكم اكله غريبه شويه او شويتين هى مصريه اصيله لكن قليل جدا جدا اللى يعرفها

لماذا

لانها تقريبا بنفس طعم الغريبه لكن تختلف عنها فى التزيين

وحنشوف طريقتها مع بعض

الوصفه اسمها

العدليه

المقادير

2 ونصف كوب دقيق

كوب زبدة طرى وليس سائل بدرجه حراره الغرفه

كوب سكر بودره (مهم يكون بودره )

بياض بيضتان

فانيليا

3 ملاعق كاكاو (اختيارى)

نصف معلقة بيكنج بودر

للتزيين

سمسم -حبه البركه- مكسرات

الطريقه

ننخل الدقيق مع البيكنج باودر ونضعه جانبا

نضع فى العجانه(او باستخدام المضرب الكهربائى) الزبده والسكر

نضرب بالسلاح السلك الشبيه بالمضرب

الى ان يتحول الخليط الى الشكل الكريمى هكذا

نضيف بياض البيض والفانيليا ونضرب مره اخرى وبعدين نضيف الدقيق على مراحل الى ان تتكون عجينه بهذا الشكل

نقسم العجينه قسمين وده اختيارى ممكن جزء نتركه ابيض والاخر نضيف عليه الكاكاو هكذا

بعد تقسيم العجينه نبدأ فى تشكيلها بهذا الشكل

او بعد تشكيلها نضع وجهها فى السمسم او حبه البركه ونغرز المكسرات فى المنتصف

نرصها فى رف الفرن المبطن بورق زبده ونراعى ان نباعد بين الحبات لانها بتتسع وطبعا نزينها باى طريقه كما فى الصوره

نضعها فى الرف المتوسط على حراره 180 لمده ربع ساعه وبعدها المسى بايدك سطحها لو تجمد تبقى استوت ومش محتاجه تفتحى الشوايه من فوق تتحمر ابدا

وطبق تانى لاحلى بنات

يارب وصفاتى اليوم تكون عجبتكم

الى اللقاء فى وصفات مصريه صميمه من مطبخ ام نور

وبالتوفيق للجميع

ما لحقته بالمسابقة الحقه هنا

ما شاء الله
شو هالوصفات الحلوة هي
عن جد ابدعتي
يسلموا ايديكي حبيبتي

اهلاااااااااااااا ام البنات بالفعل انتي دايما بالقلب يسلموااااااااااا اختي نور موضةوع اكتر من رائع بتخوفي يا قمر كنتي مخبيعه العدليه فينننننننننننننننن انا حتبقهم يا عسل

رااااااااااااائع يا احلى نووور
انا فضلت كده لما شفتةموضوعك
جهد راائع و وصفات جميلة تسلم ايدك

اهلا يبالست نور نورتينا والله يسلموا بس كنتي مخبيه الحاجات دي فين انتي بتخوفي يا قمررررررر ام الخبايا طلعتيي انا حطبق العدبليه والارائيش يا قمررررررررر ام البنات وراكي وراكي والله يحفظها يا رب

واااااااااااااااااااااااااااااو يجنن يا ام نوررررررررر
شغلك رائع واكلاتك تجنننننننننننننننننننننننننننن
تسسسسسسسسسسسسسسسسسسسسسسسسسلم الايادى
بصراحه كلهم عاوزة اطبقهم بس عازوة اخس مش اتخننننننننننن
اعمل ايه شكلى هعمل اضراب عن القسم المعجنات

سلم يدك يا ام نور..

و الكسكسي..طريقتك جميله و خفيفه..زمان كانوا بيعملوه بشوربة بط..

و حلو موضوع لافود بروسيسور..

بسم الله ماشاءالله
كل الاطباق تشهي
اكل زمان كانت له نكهة خاصة
الكسكس المغربي يختلف شيئا ما
اما الكسكس بالسكر والمكسرات فهو مثل السفة عندنا
تسلم اديك كل الاطباق رائعة

ما شاء الله تبارك الرحمن
تسلم ايدك ام نور
يعني بجد الله يحرسك من العين
ماشاء الله ولا قوة الابالله
والله موعارفه حبيبتي شو اوصف
رااااااااااااااااااائع