بسم الله الرحمن الرحيم
ازيكم يا حلوين ده اول موضوع ليا بالمنتدي ويارب يعجبكم
عملت حواوشي بعجينه العشر دقايق وطلع والله تحفه و عجب جوزي واهلي جدا
يارب يعجبكم انتوا كمان
طبعا عجينه العشر دقايق غنيه عن التعريف والله انا بدعي للي كتبت طريقتها
انا بقيت بعمل بيها كل المعجبنات طبعا انا مش عارفه مين صاحبه الطريقه لاني لسه جديده
بس ربنا يجزيها كل خير يارب
طولت عليكوووا نرجع للحواوشي
اول شئ نجيب اللحمه المفرومه ونتبلها
( بصل + ملح + فلفل+ بهارات + زنجبيل +جوزه الطيب )
يفضل نتركها تتبل شويه
وبعدها نعجن العجينه طبعا مش محتاجه اكررها لانها محفوظه
نفرد العجينه
نضع اللحمه المفرومه
نقفل عليها بالشكل ده او ممكن علي شكل دائره زي ما انتو عايزين
( انا بغرزها بالشكوه شويه عشان تستوي اللحمه )
نضعها بصينيه مدهونه زيت او سمنه
نضعها بالفرن ونكون مسخنينه قبلها بشويه
قبل ما نطلعها نحط علي وشها بالفرشه يادوب شويه مايه
عشان الوش يتحمر ويكون لونه ذهبي
وده شكلها بعد ما طلعت
وبالهنا والشفا
وهنا فضلت حته عجين روحت عاملاها سينابون
يارب اول موضوع ليا يعجبكم
وسمحوني الصور طلعت كبيره
بالنسبه لمقادير العجينه (( عجينه العشر دقايق ))
لاني مكتبتهاش مع الوصفه
المقادير
2 كوب دقيق
2 معلقه كبيره لبن بودره
2 ملعقه كبيره خميره
2 معلقه سكر
1 معلقه ملح
2 كوب ماء دافئ
الطريقه
نضيف كل المقادير المذكوره مع بعض ونتركها 10 دقايق حتي تخمر
ثم
نضيف 3 كوب دقيق + 2/1 كوب زيت ونعجن وكل لما نعجن اكتر احسن
ونستخدمها علي طول
وصحه وعافيه
الروابط المفضلة