لخبيــــــــــــــــــرات ركن المعجنات

**asalah 2** · 09-03-2008, 12:27 AM

بجد انا استفدت منكم كتير
وابتديت اثق فى نفسى معاكم

هدخل فى الموضوع على طول
انا اتشجعت وعملت كرواسون
كان بعجينة اخذتها من موقع اسامة السيد
والحمد لله طلعت جميلة وعجبت كل اللى فى البيت

بس كان فيه حاجة واحدة ماعجبتنيش انا
الشيكولاتة داخل الكرواسون كانت سايحة طبعا لما طلع الكرواسون من الفرن
لكن لما برد الشيكولاتة مسكت وبقت جامدة

وانا لما باكل الكرواسون اللى موجود فى السوبر ماركت بلاقى
الشيكولاتة جواه سايحة حتى وهو بااااااااارد

ياترى ايه السر ؟
عارفة انكم مش هتبخلوا عليا بنصايحكم
فى انتظار ردودكم

**ymk200380** · 09-03-2008, 11:47 AM

على حسب خبرتى المتواضعة
الشيكولاته السايحة دى مثل الجناش يعنى
نسيح الشيكولاته مع كريمة لبانى فى حمام ماء
وهتفضل زى ما انت عايزة حتى لما تبرد

**noorelhoda** · 09-03-2008, 11:52 AM

حبيبتى انا لما بحشى الكرواسون مش بحشيه شيكولاته خام لان زى ماقلتى حتسيح لكن فى النهايه حترجع تتماسك زى بالظبط لما بنعمل التورته ساعات بنسيح شيكولاته خام فى حمام مائى بس مينفعش نصبها كما هى عالتورته لانها حتتماسك وحترجع لطبيعتها وحتبقى ناشفه وقاسيه فبنضيف عليها كريمه لبانى مثلا ممكن تعملى كده بس انا بفضل للكرواسون احشيه بالنوتيلا قبل وبعد الخبز بتحتفظ بطبيعتها لاهى سائله ولا متماسكه وسط يعنى
يارب اكون افادتك

**el-haboba** · 09-03-2008, 02:00 PM

السر يا اختى الغالية ان حشو الكرواسون يتم بعد النضوج حيث يتم حقن الشكولاتة داخل الكرواسونات بمحقن خاص بعد ما بتستوى حتى لا تسيح ولو انتى دققتى النظر فى هذى الكرواسونات الجاهزة هتلاقى فيها ثقب من اسفلها وهو مكان دخول المحقن (زى حشو الدوناتس بعد القلى )وفكرة الاخت noorelhoda كويسة بس انصحك احشيه بعد النضوج عشان صوانى الفرن ما تتبهدلش(مش ناقصين ندعك الصوانى ,,,,) ويارب اكون افدتك يا ست الكل

**asalah 2** · 09-03-2008, 05:51 PM

اكيد افدتونى
متشكرة اوى ليكوا

اما بالنسبة لبهدلة الصوانى ياجميل
دى مش مشكلة لانى بقفل الكرواسون كويس
ومش بيخرج منه الحشو خالص

**وعود الخير** · 09-03-2008, 10:15 PM

الشيكولاته السايحة دى مثل الجناش يعنى
نسيح الشيكولاته مع كريمة لبانى فى حمام ماء

وكمان

حشو الكرواسون يتم بعد النضوج حيث يتم حقن الشكولاتة داخل الكرواسونات بمحقن خاص

**ام البنات ** · 09-03-2008, 10:19 PM

هلا بلقمر
سامحيني انشغلت فما رديت على رسالتك
و سعيدة انك طرحت السؤال ليستفيد الكل

حبيبتي انا باشتري شكلاةخاصة للكرواسون
و اكثر شيء احشيها نوتيلا
و عشان ما تسيح كثير بجمدها
من الثلاجة للحشو للفرن على طول