السلام عليكم ورحمة الله وبركاته :

صدقوني طفشت ومليت ساعدوني زوجي يحب الفطائر بكل انواعها وماعمري سويت لع فطائر الا ويطلعون ناشفيين مرة كانهم كرات تنس
الي تعرف طريقه فطائر طريه ولذيذة تفيدني والله يعطيها العافيه

لاتخلوني ردوا هلى ضروري ضروري
والله يعطيكم العافيه وماراح انساكم من الفطاشالله هذا اذا ماخربتها

السلام عليكم و رحمة الله وبركاته
سلامتك من الطفش يا حبيبتي
اقول لك المنتدى مليان ما شاء الله بالطباخات تبارك الرحمن بيساعدونك و ممكن تبحثين بنفسك في المعجنات انا داخلة اقولك الغلطات اللي كنت اسويها فتطلع الفطاير عندي ناشفه :-
1- كنت اطلع عينها من التخمير عادة هي تحتاج ساعة او ساعة و نص بالكثير .
2- كنت اطلع عينها بالخبز ( يعني تشقر شويه تطلعينها من الفرن ) اذا تركتيها فترة طويلة بالفرن تصير ناشفة
انا متأكدة الاخوات بردون عليج بطرقهم الحلوة المبتكرةمع انج لو دخلت قسم المعجنات بيكون اسرع لج
مع تمنياتي لج بالتوفيق في الدنيا و الآخرة و انشاء الله تصير فطايرج لينة و يرضى عليج ابو الشباب

أنا عندي نفس مشكلتك ؟؟؟؟؟؟؟؟؟؟؟؟؟؟ يعني مستحيل الفطائر تضبط معي مهما سويت ؟؟؟؟؟؟؟؟؟

الاهم حاجه في وصفة المعجنات استعمالالحليب بودرة اوسائل اولبن اوزبادي واستعملى الزبدة ولا تنسى التخميرلمدة كافية واهم شئ درجة حرارة الفرن المنا سبة

انا كنت نفسج بالضبط بس الحين الكل يتكلم بطراوة فطايري
وزوجي يقول احلى من المطاعم
شوفي اهم شي العجينةتكون تمام وادهني وجه الفطاير بيض ورشي سمسم مهم
والفرن حيل مهم لا تعرضي الفطاير للنار العاليه والقريبة ابدا
اناجبت فرن خاص للبيتزا والفطاير وارتحت
شوفي هذا الرابط لفطايري انشالله تعجبك

http://www.lakii.com/vb/showthread.p...0609&highlight

بقولك على طريقتي وانشالله تعجبك
_ في الكاس الخلاط ( شوي زيت ، زبادي ممكن نص العلبه اذا كنتو شويين ، شوي سكر وملح ، نص ملعقه خميره ، نص كاس ماء ) تخلطينهم زين
_ وبعدين تصبين الخلطه في علبه بلاستيك وتبديت تضيفين لها الدقيق المنخول ( لازم تنخلينه ) وتعجنيين وتضيفين شويت زيت اذا احتاجت العجين لازم تكون العجينه رخوه شوي .
_ السر في معجناتي !!!!!!!!!!!!!!1 اذا خلصتي عاجنتها قومي خذيها وخبطي فيها 4او5 مرات وشلون ؟
تقومين تحطين العلبه البلاستيك في الارض وتمسكين العجينه وترفعينها وتخبطينها في العلبه وهكذا < يعني اذا زعلانه انتي وزوجك هذي الطريقه تخليك تطلعين الي في خاطرك خخخخخخخخخخخ> وتطبقين العلبه وتلفينها بمنشفه وتحطينها في مكان دافي لمده ساعه ( انا احطها في الفرن وهو مسكر )
انا احشيها بجبن شيدر مبشور +بيض مسلوق روعه
- لازم الفرن يكون مشغل قبل بوقت وماتكون حرارته عاليه
- عطيني النتيجه انتظر ولا اقولك ارسليلي شوي

انشالله ياختي
اكيد برفع لك مالخير والبرك فيك

عجينةال10 دقايق لام عزيزان روووعة ممكن تعتمديها

أختي لمسة حنان, أحسن و أضمن وصفة لعجينة الفطائر هي عجينة العشر دقائق, كنت أستعمل عجينة مختلفة من قبل و لكن منذ عرفت عجينة العشر دقائق أصبحت أستعملها في معظم وصفاتي مثل الفطائر و البيتزا و الكيش, إلخ.
هاهي عجينة العشر دقائق:
المقادير:
فنجان قهوة سكر, 2 ملعقة اكل خميره فوريه, 2 كاس ماء دافىء, ذرة ملح, 2 كاس دقيق.
الطريقه:
تخلط هذه المقادير مع بعض وتترك لمدة 10 دقائق
بعدالعشر دقائق يضاف لها:
3 كاسات دقيق, نصف كاس زيت.
وتعجن جيدا وتستخدم على طول
ملاحظات
مثل ما شفنا العجينه تنقسم لقسمين وتتخمر عشر دقايق في القسم الاول, وتضاف عليها باقي المكونات, يعني مجموع الطحين في العجينه هو خمس كاسات.
الكميه ممكن تكون كبيره على بعضكم لكن ممكن تشكلي فيها وتنوعي يعني تقسمي العجينه لعمل فطاير و عمل البيتزا او لخليه.

يمكن أن تستعملي نصف هذه المقادير إذا كنتي ستعملين فطائر فقط و للتجربة لأول مرة.
أنا عادة أعمل نصف هذه المقادير لأنها كافية جدا.

و هذه بعض النصائح من الأخت أم عزيزان, جازاها الله خيرا:
اسباب فشل ونجاح المعجنات وملاحظاتي

بصراحه طريقه محدده ومقادير انا مابعرف
انا بعجن العجينه دائما على البركه من غير حساب وعيار
بس ممكن علشان تكون طريه بس تخلصي عجين حطي كاسة زيت زيتون فوقهم وعجنيهم كمان مره مع زيت بس
ويارب انه تزبط معك وماشاء الله الاخوات ما قصروا