ربع الدجاجة الحيران .... تفضلوا شوفوا ليه ؟؟؟؟

**الشيف رانيا** · 29-06-2006, 11:37 AM

امبارح كنت جوعانة جدا ... وفكرت ..آكل ايه ؟؟؟ آكل ايه ؟؟؟ آكل ايه ؟؟؟

فجأة دخلت المطبخ .......وشفته ....

ربع دجاجة ( كانت الورك ) .. مسكين جالس لوحده في الصحن ...

الصراحة هو كان باقي من صينية دجاج كنت عاملاها ...

المهم عشان ما اطولش عليكم ...

(دلوقتي الناس تقول عليا ام البواقي ..ههههه ... بواقي سمك وبواقي دجاج .... )

رحت قلت لازم اعمله واحد من اختراعاتي ...

واحوله من ربع دجاجة مسكين ... الى ساندوتش خطيييير !!!

وفعلا ...

فصلت العظام عن اللحم ...
قطعت ربع فلفة رومي الي اصابع رفيعة قصيرة
1/2 كوب من شرائح المشروم ( الفطر ) المحمر قليلا
1 طماطم صغيرة مقطعة الى اصابع طويلة
1 فص ثوم صغيييييير مهروس
2 شريحة لانشون ( مرتديلا معلبة ) مقطعة اصابع رفيعة
كمية مناسبة من اعواد البقدونس المفرومة
1 ملعقة من الصوص الحار الجاهز
عصير 1/2 ليمونة
1 ملعقة خل ابيض
2 ملعقة كبيرة مايونيز
1 رغيف خبز ابيض عربي كبير (الخبز الشامي )

وبعدين ..... وضعت كل المكونات السابقة مع رشة بهار وفلفل اسود وملح بسيط على النار مع شوية دهن ( انا استخدمت السمن وممكن زيت )
ماعدى البقدونس لانه هيذبل بسبب الحرارة ... فدايما نخلي الخضرة في الاخر لتحتفظ باللون والشكل المتماسك ...

وانتظر لما كل المكونات تتخلط كويس مع بعض وتصبح حارة وتتحمر ... وريحتها الذييييذة تطلع وتجوع البيت كله ...

.
بعدين ...

فصلت وجه الرغيف عن ظهره .. ودهنت كل وجه بالمايونيز ( ممكن تستغني عنه لو ما بتحبيه)
وصبيت جزء من الخلطة على هذا الوجه والجزء الثاني على الوجه الثاني ...
ورشيت البقدونس على الوجه ولفيتهم على شكل رول ....

بعد كدة .. حطيتهم في جهاز التحميص ( التوستر ) ...
وياسلاااااااااام اتسخن ... وبقى شكله فظييييييع !!!!

رحت قسمت كل رول الى جزئين بالميل .... عشان كمان لما تتقدم يكون شكلها حلو ...
واكلته مع بطاطس شيبسي ولبن آب ... ( وطبعا دي حاجة حسب ذوقك )

شفتي بقى ان ربع الدجاجة الحيران ممكن يبقى كنز ازاي ؟؟؟؟؟

على العموم جربوا واحكولي النتيجة .... ويااااارب تعجبكم ...

دعواااااتكم .... اللهم آآآآمين ...

**عاشقة الرحيق** · 29-06-2006, 12:00 PM

يسلموايديكي طبق لذيذ انا بحب ساندويشات الدجاج

**أم العلاء 2** · 29-06-2006, 12:49 PM

يعطيكي العافية .. حبيبتي

**omroro-4** · 29-06-2006, 03:53 PM

جزاك الله خير وتسلم ايدك مهم جدا انه الواحده تعرف يتدبر في الاكل اللي يزيد لانها نعمه
ونكسب اجر لو ما ضيعناها الحمد لله الله يديمها يارب

**ام البنات ** · 29-06-2006, 05:16 PM

حقيقي مش ربع الدجاج الي حيران

احن الي احترنا يا قمر نطبق ايه و لا ايه من اكلاتك الزكية و الطيبة

تسلم الايادي يا احلى شيف و لا تحرمينا جديدك

**أم فئ** · 30-06-2006, 10:13 PM

كتبت بواسطة أم العلاء 2

يعطيكي العافية .. حبيبتي

*** ام اشرف *** · 30-06-2006, 10:22 PM

يسلمو ايديكي يارب

**olaaa** · 30-06-2006, 10:26 PM

تسل هالايادي يا رب

بجد جوعتيني هلا بوصفتك هاي

مشكورة

**bébé** · 30-06-2006, 10:35 PM

يسلمو تعرفي راح اهمل نفس الشي ء زوجي خرج او ماراح يأكل هنا مرسي

**الشيف رانيا** · 01-07-2006, 10:58 AM

يا هلا .... علااا ... بيبي ..... شكرا على المرورو ... والصراحة هو ساندوتش يستاهل فمكم ... لو جربتوه قولولي ايه الاخبار !!!

أم فيء ... أم العلاء 2 ... الف شكر على ردودكم يا قمرات ..

أم رورو العسل ... الله يديمها علينا وعليكم يا رب .... في ميزان حسناتك ان شاء الله

أم البنات يا غالية .... ردك ابهج قلبي ...
دايما معانا يارب ... يا مشرفتنا يا عسل ...