ازيك اخواتى فى الله

ياااااااااااااااا رب تكونزا كلكم بخير

انا النهادردة جيبالكم طريقةالعيش الفينو المعتمدة عندى فى البيت

و كل حبايبى و اصحابى لما داقوه علاطول خدو طريقته و عملوهو نال اعجاب الجميع بفضل الله

عشان كدا قولت لااااااااااااازم انزله لاخواتى حبايبى

لانه اكيد الحاجة اللى بتتعمل فى البيت بتكون انظف و اضمن

يلا نبتدى بسم الله

المقادير




انا هنا قولت طريقة يعنى تلات اربعات عشان نفضل فاكرين المقادير بسهولة

جدااااااااااا و هنفسرها كلاتى :-

4 كوب دقيق

4 معالق صغيرة زيت

4 معالق صغيرة سكر

نصف معلقة صغيرة ملح

قطعة خميرة فى حجم الليمونة

كوب و نصف ماء دافئ( يقل او يزيد حسب نوع الدقيق)

اهى دى بقى المعادلة السهلة ههههههههههه




الطريقة




1- هناخد قليل من الماء الدافئ و معلقة سكر و قطعة الخميرة و ندوبهم مع بعض و نغطيها تخمر لحد ما نجهز باقى الحاجات

2- هنضيف على الدقيق الملح و السكر و الزيت و الخميرة والماء بالتدريج و نعجن من10 الى 15 دقيقة

ممكن تلاقى العجينة بتلزق شوية فى الايد عااااااااادى جدااااااااااااااا






3- اكيد لازم نغطيها و نسيبها تخمر ...انا كنت بسيبها فى الصيف تخمر ساعة لكن فى الشتاء يفضل
ساعتين







4- و بعدين نحضر الصوانى بتعتنا و ندهنها زيت و بعدين نشكل العجين حسب الرغبة يعنى ممكن تعمليه كيزر و ممكن طويل

و كمان شكل ضفيرة انا عملت منه اشكال تانية مختلفة

يا رب تعجبكوا

و على فكرة الكيلو عندى 5 كوبايات بعمل 4 كوب بيعملى حوالى 22 رغيف

و بقرص الاول 22 كورة و بعمل نصهم كيزر و النص التانى بفردهم فينواو على شكل ضفيرة بس الافضل انك نحشى شكل الضفيرة قبل ما نخبزه

5- طريقة الكيزر معروفة هتقرص العجينة فى حجم البيضة و اما الفينو الطويل طبعا هتفرد كورة العجين بالنشابة

و بعدين تلفيه رول و طبعا لازم تقفلى الجانيبن بتوع العجين عشان الهوا ميطلعش منها فى السوا فى الفرن

و بعدين ترصيه فى الصوانى و تغطيه يخمر ساعة و نص فى الصيف يبقى 3 ساعات اكيد فى الشتاء































































6- و بعدين نشغل الفرن يسخن جامد و بعدين اجيب العيش ادهن وشه زيت بالفرشاة

براحة جدا عشان ما اطلعش الهواء العجين و ممكن تدهنيه بصفار البيض مع فانيليا بس انا بفضل الزيت

7- تدخليه الفرن على نار متوسطة وبعد مايطلع من الفرن نغطيه بفوطة او بقماشة
نظيفة عشان يفضل طرى و بالف هنا و كلى احلى عيش فينو













وادعى لاختك ام يحيى و مازن

استنوووووووووووو لسه فى باااااااقى

انا كمان عملت اشكال تانية زى ما قلت لكم
**عملت قرص الشمس و طريقته
ان هنا انا فردت العجينة زى ما بعمل فى الفينو بالظبط و بعدين افرد عليها الحشو بتاعى
انا هنا فردت جبنا فيتا مع الزيتون مقطع مع الشبت و لفيتهم رول و بعدين لزقت طرفين

الرول ببعض كويس جدا و حطيته فى الصنيه
** و بعدين جيت بالمقص و قصيت حروف الرول بالمقص بالورب تقريبا
و جيت من قلب الدايرة بتاعة الرول و بقيت اوسع فى العجينة و افرد فيها براحة
عشان الفتحتات توسع و متلزقشى فى بعضها





















































**و كمان عملت رول تانى و قطعت منه بالسكين عادى
**و عملت رول كمان و قطعت منه مثلثات









يااااااااااااارب يعجبكوا
و عايزة اعرف منكم انا استاهل كام على 10


فى رعاية الله اخواتى فى الله

ايه الجمااااااااااااااااااااال دا

روعه

اكيد عجونا وعجبونا كمان
تسلم ايدك اختي
وريته بالف عافيه عليكم يارب

تسلم الايادي غلاتي

تشكيلة رائعة من الخبز والمخبوزات

الف صحة وهنا على قلبكم وربنا يبارك فيك وفي اولادك

في انتظار المزيد من الابداعات يا غالية

ربنا يباركلك يا ام يحي
زي الفل برافو عليكي
10 على 10
تسلم الايادي

ربنا يبارك فيكى يا ميس فاتى
بجد نورتينى

كتبت بواسطة أم مــــالــــك

اكيد عجونا وعجبونا كمان
تسلم ايدك اختي
وريته بالف عافيه عليكم يارب

تسلمى يا ام مالك
و الله انا مبسوطة جدا لانى عديتى على موضوعى
و كتبتيى الكلام الحلو ده
ربنا يحلى ايامك حبيبتى

كتبت بواسطة ام ليانة

تسلم الايادي غلاتي

تشكيلة رائعة من الخبز والمخبوزات

الف صحة وهنا على قلبكم وربنا يبارك فيك وفي اولادك

في انتظار المزيد من الابداعات يا غالية

ام ليانة ... استاذتنا الكبيرة المتالقة المبدعة ...............
بجد نورتينى و شرفتينى
و كلامك ده وسام على صدرى و الله
ربنا يبارك فى عمرك حبيبتى

كتبت بواسطة MAMA DODO

ربنا يباركلك يا ام يحي
زي الفل برافو عليكي
10 على 10
تسلم الايادي

ماما دودو اهلا حبيبتى نورتينى
تسلمى حبيبتى على ذوقك و على مرورك اللى عطر موضوعى