نوعين ديب من عندى مع شيبس مون اممممممممم (طبق انستغرام)
بسم الله الرحمن الرحيم
السلام عليكم ورحمة الله وبركاته
موضوع الغالية مووووووووووون
http://www.lakii.com/vb/a-24/a-824854/
وتطبيقى البسيط
**هنا استخدمت بطاطس حمرا وهى نوع مخصوص للشيبس يعطى نتيجة افضل تكون الشيبسياية جامدة ومتماسكة مثل البرينجلز ولا تتفتت لكن غالبا استخدم بطاطس عادية وتطلع روعة بس انتبهوا للتكات
**نقشر البطاطس ونقطعها شرائح رفيعة جدا
**تنقع فى ماء دافئ وخل وملح وفلفل ساعة او اكثر .....واذا هتشيليها للصبح مثلا ايام المدارس غطيها وضعيها فى الثلاجة
**تصفى جيدا .... وانا لو رايقة باحطها على فوطة مطبخ واسيبها تجف تماما
**يسخن الزيت ونضيف الشيبس حبة حبة...الشيبس عايز معاملة باحترام لو سمحتم ....يعنى مش تزحميهم عشان تخلصى واما بنسقطه واحدة واحدة مستحيل يلزقو فى بعض...ويادوب 8 حبات يكفو او حسب حجم اناء القلى عندك
**الشيبس مش المفروض يحمر ...يادوب يصفر..وهاقولك ازاى تعرفى انه خلص...اول ما بتحطى الشيبس فى الحلة بيكون صوت التشتشة عااااالى اول ما يهدا صوت التشتشة تطلعيه كده هو جاهز (حلوة صوت التشتشتة دى ههههههه مش عارفة لها اسم تانى خخخخخ) .... يعنى ماتقعديش على النت وتقولى شوية واروح اشوفه
**تطلعيه على ورق مطبخ وهو مفرود برضه .... ولو عايزة ترشى عليه توابل طعم معين ترشيها وهو سخن...واول ما تقربى تطلعى الفوج الثانى ماتطلعهوش على الاول ...انقلى الاول لطبق التقديم ....وهكذا
وحطيت التاتش بتاعتى بنوعين ديب .... غموس :
ديب البنجر
المقادير والطريقة :
**نسلق البنجر وهو ياخذ وقت طويل فى السلق فممكن تسلقيه فى حلة الضغط اسرع
**يصفى ويترك ليبرد
عند هذه المرحلة انا باحتفظ ببعض حبات البنجر سليمة فى كيس فى الفريزر والبعض اهرسه واحفظه فى الفريزر والبعض اقطعه مكعبات واحفظه فى الفريزر وهذا يسهل على العمل فيما بعد اذا احتجت
**حبة بنجر + علبة زبادى + ملعقة كبيرة عصير ليمون + قليل من الملح والفلفل الاسود + حبة فلفل حار
يخلط الكل فى الخلاط جيدا ثم يقدم
ديب الزبادى السريع
المقادير والطريقة :
**اقطع فصين ثوم قطع كبيرة فى طبق
**اضيف عليهم علبة زبادى واقلبهم واحفظها فى الثلاجة لحين الاستخدام
**عند التقديم اضيف زعتر مجفف واقلب ثم سماق او بابريكا واقلب ويقدم
رد مع الاستدلال
الروابط المفضلة