هالطبق متعب شوي بس بيستاهل التعب
واكيد الكل بيحيه وميزته انه ممكن يتحضر قبل بيوم وكل ما كان بارد بيكون اطيب


كمية من ورق العنب تقريبا نص كيلو
منظف ومسلوق
كوب رز مصري مغسول بس
ضمة بقدونس كبيرة مفرومة ناعم
2 راس بصل مفروم ناعم
4 حبات بندورة حمرا مفرومة ناعم
2 ملعقة كبيرة نعنع ناشف
فنجان قهوة دبس رمان
2 فنجان قهوة زيت زيتون
ملعقة صغيرة بن
ملح – فلفل اسود- بهار حلو- رشة هيل

بعد فرم الخضار واضافة فنجان الزيت وتقريبا ثلاث أرباع فنجان دبس الرمان والملح والبهارات والبن
نضيف الرز المغسول ونتركه لمدة نص ساعة حتى يتشرب الرز جميع النكهات (ننقع الرز بالخضار)


بعدها نقوم بحشو الورق بالطريقة العادية فقط نترك الحبة كبيرة (لا نقوم بلفها طويلة متل السيجارة)
ولا نقوم بشد الورق نتركه مرخي شوي

هنا نقطة مهمة:
في قاع الطنجرة نضع شرحات من البندورة والكوسا
ولا نضع البطاطا كي تتركز النكهة في الورق وليس البطاطا
بعدها نملأ الطنجرة بالورق ونغطي الوجه
إن تبقى شيئا من ماء الخضار نضيفه فوق الورق وفوقه فنجان من زيت الزيتون
وما تبقى من دبس الرمان
وماء مغلي ونضع فوقه صحن وفوقه ثقل ونتركه يغلي على نار عالية
ثم نخفف النار ونرفع الثقل ونتركه حتى ينضج تقريبا يحتاج من ساعة ونص لساعتين على نار هادية

يقدم باردا

على فكرة دبس الرمان والبن بيعطي لون وصوص كتير طيب



وصحتين وعافية

يا سلااااااااااااااام
احلى طبق ورق عنب
تسلم الايادى الحلوة حبيبتى

انا اخذت هذا الصحن


وااااااو على ورق العنب مممم جوعنى
شكله مغرى يسلمو يديك الحلوة

فكرن البن جديدة عليي

رح جربها بإذن الله

تسلم ايديكي

​سلمت يداك يالغاليه على ورق العنب الطيب

يسلمواااااااااااااااااا يا احلى صبيه

حبيبتى الله يسر امرك ويرزقك بابن حلال يستاهلك يا غاليه بشهى

ما شاء الله ست بيت من الدرجه الاولى نيال البطه

جزاك الله كل خير

ياي
لي رجعه قريبة ان شاء الله وانا مجربته
عشقي ورق العنب

بيشهي هالطبق منك يا نغومة

تسلم دياتك
وياليت هالنشاط ع طول يا عسل

صحتين وعافية

بسم الله ما شاء الله

تسلم الأيادي يا نغومة يا قمر

شكله بيشهي وأكيد طعمه لذيذ مع إضافاتك

ميرسي يا سكرة (: