الشرمولة السلطة الليبية
اقدم لكم هذه السلطة ونطلق عليها بلهجتنا الشرمولة واكثر شئ نعملها
فى الصيف والجو الحار الواحد بيكون مش طايق الطبخ والمطبخ
بندير طريقة امى الله يحفظها بس سبحان الله متع مامى احلى حتى
اولادى دايما يقولولى متع نانا احلى خخخخخخ الباين سر النكهة يطلع
من اصابعها لما تعملها ههههههه
المقادير سهلة
طماطم -- بصل --وبصل اخضر بس للاسف ماكان عندى--فلفل اخضر حاااار ممممممم -- خيار
عصير ليمون --ملح -- زيت زيتون -- نص م ص فلفل احمر بودرة
م ص كروية مدقوقة او مفرومة -- ماء حسب الرغبة
الطريقة
تؤكل بالخبز وكل ماكان الخبز قديم بيكون احلى مع الشرمولة
نقطع الطماطم والبصل ونهرسهم باليد حتى يخرج ماء الطماطم
نضيف الفلفل والخيار والملح والليمون والفلفل الاحمر والكروية
والماء تتحكمى فى الكمية وفى الاخر نضيف الزيت
وتغمس بالخبز او يفتت الخبز فى الشرمولة
دمتم بود
رد مع الاستدلال
كتبت بواسطة بيتي حياتي
الروابط المفضلة