ازيكم اخواتى فى الله
يا رب تكونوا كلكم بخير

بجد مفيش احلى و اطعم من شوربة العدس فى الشتاء البارد
انا متعودة لما اعمل العدس بعمل نصفه عدس عادى للتغميس
و النص التانى شوربة و بتتخفف بشوربة لحم او فراخ اوبط و يا عينى على شوربة البط
لما تشترك مع العدس بيكونوا احلى و اطعم شوربة ممكن تشربيها بحياتك

المكونات
انا بعمل حوالى ربع كيلو عدس اصفر
بصلة صغيرة + بصلة كبيرة
2 طماطم متوسطة او واحدة كبيرة
4 فصوص توم 2+2
شوربة اى نوع لحوم( و لو مفيش خفيفيها بميه )
حبة جزرة او بطاطساية او بطاطا حلوة ( اختيارى)
ملح .فلفل .كمون .شطة

الطريقة
** هنغسل العدس و نحط عليه البصلة الصغيرة مقطعة + الطماطم +2 فص توم+الجزرة
( انا هنا اخدت الصورة بعد خمس دقايق من الغليان )





** و هنسيبهم على النار لغاية ما يستوى العدس و يبقى بالشكل ده




** هنيبه لما يبرد و نضربه فى الخلاط مع 2 فص توم التانين لان ضرب التوم الصحيح مع العدس فى الخلاط
بيخليه ريحته روعة بجد زى ما كانت جدتى الله يرحمها بتعمله

** انا هنا هجيب البصلة الكبيرة مع شويه ذبدة و زيت اقليها لحد ما يصفر لونها و احط العدس كله عليها و اقلبه




و بعدين انا باخد نص العدس اخليه للغموس و احط له الملح و الفلفل و الشطة و الكمون
و النص التانى بخففه بشوربة اللحم اللى عندى و بعدين احط ليها ملح خفيف لان الشوربة اصلا بيكون
عليها ملح و احط كمون و شطة و فلفل حسب الرغبة و لمون طبعاااااااااااا



و دوقى احلى شوربة عدس و ادعى لاختك ام يحيى و مازن
يا رب موضوعى البسيط ده يعجبكم
فى رعاية الله و حفظه
احبكم فى الله

لطششششششششششش

من عجلتي : لطشت الطنجرة و هيي لساتها عالنار
( احترقوا أصابيعي )

روووووووعة هالشوربة
الله يرحم جدتك
و يعطيكي العمر الطويل إنت و كل أحبابك

مأكول العوافي و السرور

بارك الله فيكي
دمتي بود

( أحبك الله الذي تحبيننا فيه , و جعلك على منابر من نور يوم القيامة )

شوربة مشهية ومغذية ولذيذة
الله يرحم جدتك
ويسكنها فسيح جناته
ويجزيك الخير على الشوربة الجميلة

كتبت بواسطة إيثار الشام

لطششششششششششش

هههههههههههههه
انا هسميكى ايثار لطش هههههههههه

كتبت بواسطة إيثار الشام

من عجلتي : لطشت الطنجرة و هيي لساتها عالنار
( احترقوا أصابيعي )

روووووووعة هالشوربة
الله يرحم جدتك
و يعطيكي العمر الطويل إنت و كل أحبابك

مأكول العوافي و السرور

بارك الله فيكي
دمتي بود

( أحبك الله الذ تحبيننا فيه , و جعلك على منابر من نور يوم القيامة )

يا حبيبة قلبى الف سلامة على صوابعك ان شا الله اللى يكرهك
و لو انى اشك ان فى حد يكره القمر و الذوق ده
تسلمى حبيبتى
و الله انا بفرح كتيييييييير بطلتط الغالية دى
ربى ما يحرمنى منك ابداااااااااااا و يديكى العمر و الصحة و نفرح بيكى عن قريب يا رب

كتبت بواسطة ام مرمر و ليلو

شوربة مشهية ومغذية ولذيذة
الله يرحم جدتك
ويسكنها فسيح جناته
ويجزيك الخير على الشوربة الجميلة

الله يبارك بعمرك ام مرمر
نورتينى و شرفتينى حبيبتى
سعيدة بوجودك

ما شاء الله تبارك الله


تسلم الايادى الحلوة ياعسل

يسلم الايادى على الطبق اللذيذ
وصحه وعافيه للى اكلها

بحبها كتير في الشتا
الف صحه وتسلم دياتك يا رب

ماشاءالله شوربه شهيه تسلم ايديك

يا سلام على اللون اللى ياخد العقل
انا اموت بشوربة العدس
ماما كل ما تيجى عندى اقولها تتغدى ايه تقولى عدس

تسلم ايدك الحلوة حبيبتى