◕‿◕ النيسكافه ◕‿◕ من مطبخ بيرو لعيون ميسو ◕‿◕
اهلا يا حبيباتى
لعيون ميسو العسل قررنا نعمل نيسكافه علشان التلج اللى احنا فيه ده
وانا النهاردة ان شاء الله هاقولكم على طريقة سهلة وسريعة ورغوووووة كبيرة علشان تعملى النيسكافه فى اى وقت وبدون كسل
ثلاث مقادير متساوية من
النيسكافه الفاتح
السكر
الماء
يعنى نفس المقدار استخدميه لل3 حاجات دول
انا استخدمت فنجان الشاى كمعيار
نضع السكر فى الخلاط الكأس
وكمان النيسكافه
وعلى الخلاط كمان معاهم الماء نفس المعيار
ونخلط لمدة 3 دقائق
وبعد كدة نصب الخليط فى علبة نظيفة
والعلبة دى نقفلها ونحفظها فى الفريزر
ووقت ما تحبى تعملى نيسكافه
تسخنى الحليب
وتاخدى مقدار ملعقة كبيرة من الخليط وهو جامد يعنى وهو لسة طالع من الفريزر
وتحطيه فى الماج
ولو تحبى تزودى السكر زودى
(الخليط ده السكر فيه مظبوط وأقل من المظبوط)
انا عن نفسى بحط ملعقة ونصف سكر زيادة
وتصبى الحليب ببطء على الخليط
وتقلبى بالملعقة أو بسيخ خشبى ببطء برضوا لغاية ما يدوووووب
واستمتعى بالنيسكافه الساحر
بالف هنا حبيباتى
(اعتذر عن عدم جودة الصور << الصور قديمة من كاميرا الموبايل)
رد مع الاستدلال
الروابط المفضلة