طبعا بايام المدرسه ما بكون في فطور يا دوب حليب مع بسكوت او قطعة مافنز
او حتى كورن فليكس وسندويشه علىالسريع
لكن بيوم العطله بحب ادلع الاولاد واعمللهم فطور
الفطور عباره عن قلاية بندورة بزيت الزيتون والتوم
يحمي زيت الزيتون ونضع فيه قرن فلفل اخضر وتقشر حبات من التوم وتقطع بشكل دوائر توضع في الزيت حتى يتحول لونها لبني فاتح ثم نضع البندورة المغسوله والمقطعه والافضل مقشرة
نضع رشة ملح وتترك خمس دقائق حتى تنضج وصحه وهنا ما في اطيب منها
ايضا بطاطا مفركه بالبيض
تقطع البطاطا مكعبات وتغسل ونضع مقدار من زيت الزيتون ما يعادل فنجان قهوة من الزيت لتحضير اربع حبات من البطاطا
يوضع الزيت في مقلاه عميقه ويحمى ثم نضع البطاطا المقطعه ويحرك ونغلق عليها بغطاء حتى تنضج جيدا
ومن وقت لاخر تقريبا لمدة عشر دقائق حتى تنضج البطاطا جيدا
ثم نضع مقدار ثلاث بيضات على البطاطا وملح وتقلب جيدا حتى ينضج البيض
وبالف عافيه رووعه مع رشه بابريكا على الوجه وكاسة شاي بنعنع
وكمان كان في جبيه بيضاء وخيار وبندورة وجبنه مثلثات
وطبعا العلامه المسجله في فلسطين زيت الزيتون والزعتر والزيتون الاخضر البلدي
اتمنى يكون فطورنا عجبكم اليوم
الروابط المفضلة