تويت
شوربة السى فود .. من منتجع موفنبيك الى مائدتك .. مشاركتى فى ملف السمك للغالية تغريد
كنا فى احدى السفريات بمنتجع موفنبيك ..
وفى العشا كان فيه شوربة السى فود .. بصراحة كانت تحفة ..
رحت (كالمعتاد) سألت الشيف عن المكونات وطريقة العمل وفعلا اعطاها لى ورجعت طبقتها فى مطبخى وطلعت هى هى .. نفس الطعم مافيش اى اختلاف ..
(مشاركة بسيطة منى للغالية تغريد فى ملف السمك)
شوربة السى فود ( التشاودر )
البحريات
كوب جمبرى (روبيان) صغير
قطعة كاليمارى (حبار - سبيط) تقطع مكعبات
قطعة سمك فيليه تقطع مكعبات
زيت ذرة
كريمة لبانى
كوب لبن (حليب)
كوب مرقة (شوربة دجاج او لحم)
كوب ماء
2 ملعقة دقيق
بصلة متوسطة مفرومة
نصف كوب شبت وكزبرة خضراء مفرومين
اول شئ نشوح البحريات مع ملعقة زيت فى طاسة على نار عالية
نجيب حلة ونضع فيها ملعقتين زيت ونشوح البصل فيها لمدة 3 دقايق
وبعدين نضيف الدقيق ونقلب لمدة 3 دقايق
وبعدين نضيف اللبن الحليب والمرقة والماء ونصف كوب كريمة لبانى ونقلب
ونظبط الملح .. مع رشة فلفل ابيض
واول ما تبدأ الشوربة فى الغليان .. نضيف البحريات
وبعد خمس دقائق نضيف الشبت والكزبرة الخضراء ونطفى النار (فى الأصل كانوا حاطين كرفس ولكن الشيف قالى ممكن استبداله بالشبت والكزبرة الخضراء وبصراحة طلعت احلى من الكرفس)
ونقدمها بالهنا والشفا
تعليق