السلام عليكم ورحمة الله تعالى وبركاته

بسم الله الرحمن الرحيم

إن شاء الله تكونوا بألف خير وعافية يا رب أنت وحبايبكم

حبيباتي من منا لا تعاني عند الفطور من أولادها

والكلمات المعتادة بحب ولا أحب

بدي وما بدي

وما شاء الله الخير كثير وأطفالنا عم يتأمروا ولهم زمان غير زماننا تماماً

ففي زماننا كنا نحب أي شيء يعمله أهلنا بدون تذمر ولا تكبر

والله يديم النعم

ولأني ممن يعانون مع ابني على الفطور ولترغيبه بالبيض

فكل مرة بعمل له توليفة جديدة مع البيض حتى يتقبله

وهالمرة التوليفة سهلة كتير ولذيذة كتير

تشبه مفركة البطاطا مع الاختلاف البسيط بينهما

بيض بالبطاطا

المقادير:

حبتين بطاطا متوسطة الحجم تسلق ثم تقطع لقطع متوسطة

حبتين بصل مفروم ناعم

4 حبات بيض

ملح

بهارات

زيت نباتي أو سمنة

الطريقة:

يقلى البصل في الزيت النباتي أو السمنة

وعندما يستوي نضع فوقهم البطاطا ونقلبها قليلاً مع البصل

ثم نسكب فوقهم البيض المخفوق مع الملح والبهارات

وننتظر حتى ينشف البيض

ما صدق ابني ايمتى خلصت عمل الصحن بس

بده ياخذه وياكله مشان هيك طلعت اصبعته بالصورة

والحمد لله اللي لحقت صوره ههههههههه

يؤكل بالخبز ويقدم معه البندورة أو اللبن الزبادي

ولا تنسوا الفجل والفليفلة الخضراء

ويمكن رش بعض البقدونس عليه

وصحة وعافية

مع تحياتي ومحبتي

أم محمد خير وبشرى الخير

وااااااااااااااااو
رائعه تسلم يمناكي
جميله اوي
الله يخليلك ابنك
بوركتي

يسلمو دياتك يا رب انا بعملها بدون بصل الف صحه حبيبتي

يسلمو ايديك والله يعينا علي هالاولاد
صحتين وعافية يارب

تسلم ايدك جميلة

ربنا يباركلك فى ابنك ويحفظهولك

صحتين و عافية على قلبه
ماشاء الله يعجبني ابنك اللي بياكل هيك أكلات
أخ من ولاد ها الايام ما بيعجبهن العجب
هاي الأكلة كتير طيبة و كنا بنعملها بالشغل عا الفطور أنا و رفقاتي
ذكرتيني بالذي مضى
تسلم ايديكي

يسلمو ايديك وصحتين وعافيةيارب

سلمت يداكِ يالغاليه على الوصفه الطيبه

وأنا كمان بحبها كتير
سلمت يداك

ما شاء الله تسلم ايديك