اخواتى الحبيبات عضوات احلى منتدى
هل اجد بعد اذنكم من تدلنى على افضل طريقه لحفظ الفاصوليا و الملوخيه و البسله فى الفريزر و لكم منى جزيل الشكر و العرفان

تفضلي اختي الكريمة

http://lakii.com/vb/showthread.php?s=&threadid=21149

ماشاء الله عليك ياestrellas كل ما نسأل نلقاك تفكي ازماتنا كان الله معك ولله لا يحرمنا منك

حقيقى لا اجد من الكلمات ما يعبر عن شكرى و امتنانى لكى لقد اضفتى لى معلومات قيمه اكثر مما طلبت فجزاكى الله كل الخير و بارك فيكى بصراحه معلومات قيمه و اول مره اعرف انى ممكن احفظ الاعشاب لكن من فضلكestrellas هل دا شامل كل الاعشاب الخضراء الكسبره و البقدونس --- الخ لان بصراحه انا اول مره اعرف الاعشاب ممكن تحفظ لدرجة انى الاسبوع اللى فات كنت مجهزه اعشاب للمحشى و حصلت ظروف و معملتوش بقيت محتاره اعمل فيه ايه لانى اعرف انها مبتستحملش و بتبوظ بسرعه و كمان معرفش انها ممكن تحفظ و سؤال اخر معلش حبيبتى باثقل عليكى لو نوع من المعجنات مستخدم فيه خميره و زيت فى نفس الوقت دى احفظها ازاى لانك ذكرتى حفظ كل واحد على حده و لكن هناك بعض الاصناف فيها الاثنين 0
و شكرا ليكى مره تانيه و جزاكى الله خير 0

ازيك يا نوشى أقولك انا عن تجربتى هنا ويمكن تفيدك عموما انا عن نفسى مش بفضل سلق اى خضار قبل حفظه ألا ورق العنب والمعلومة دى عرفتها عن طريق ماما و جدتى لأننا بنستخدم الطريقة دى من زمان وده فى اغلب اصناف الخضار بيكون احسن لأن اى شيئ تضعيه فى الفريزر يظل على ما هو عليه و محتفظ بكل قيمته الغذائية ومش بتحتاج اكثر من انك تغسليى نوع الخضار مثلا الفاصوليا ( بما انها من الخضار القليل المتوفرعندى خصوصا فى الصيف ) وتتركيها تتصفى كويس وبعدين تنظفيها من الطرفيين وتقطعيها بطريقتك وتعبيها فى اكياس حسب مقدار طبختك وكذلك البسلة لكن الملوخية ليس عندى بها اى علم لأن زى ما انت عارفة انها متوفرة فى مصر علشان كده ماما مش بتشلها وممكن بنفس الطريقة تحفظى الفواكه مثلا الجوافة او الفراولة لأستخدمها فى العصائر الفرش اما اهم شيئ فهو الأعشاب الخضراء
( الشبت والبقدونس والكسبرة ) بما انها هنا غالية جدا جدا جدا وده ان وجدت فأنا اكتشفت انها موجودة عندى فى السوبر ماركت مجففة وجربتها وطلعت رائعة واخدت طبعا فكرة التجفيف وهى زى طريقتنا العادية لتخفيف النعناع الأخضر ومعلش طولت عليكى لكن حبيت اقولك المعلومات اللى عندى ويارب اكون فيدك باااااااى .

ربنا يخليكى يا نجوان شكرا على ردك و على فكره كنت لسه باتناقش مع ماما فى نفس الموضوع و قالتلى زى كلامك بالضبط قالتلى انها بتحفظها من غير سلق و بتطلع ممتازه بس ليها تعليق على الفاصوليا بتقولى بتطلع شويه مش عارفه اوصلهالك ازاى يعنى زى ما تكون شاربه ميه بالبلدى كدا مهريه شويه بس انا قلتلها يمكن تكون مصفتهاش قبل الاستخدام او ممكن اتغلب على الموضوع دا ب frizen box وهى علب خاص بالفريزر لحفظ الاطعمه حاجرب و اقولك اما بالنسبه للشبت و البقدونس انتى عاره طبعا انها متوفره ف مصر بس انا شخصيا بيتى بعيد عن اى سوق للخضراوات و محتاجه دايما للحاجات دى فى متناول ايدى بس اول مره اعرف من estrellas انها ممكن تحفظ بالفريزر يا ترى جربتى الموضوع دا و اول مره اعرف منك انها ممكن تتجفف حاجرب طبعا و ربنا يخلى منتدانا الغالى اللى دايما بيعرفنا كل ما هو مفيد و شكرا ليكى يا حبى على ردك

معلش يا نوشى فاتتنى انى اقولك انك تطلعى كيس الخضار من الفريزر على النار مباشرة كأنها لسه طازة لأنك لما بتسبيها تفك من ثلاجها بتشرب الماء اللى عليها وبتكون زى ماقولتى مهرية طبعا انا عرفت من كتر ماجربت لأنى الأول كنت بسبها تفك من الثلج وبعدين اتعلمت وسألت ماما للتأكيد وفعلا قالتلى لازم تطلع من الفريزر على النار ومن يومها وانا بستخدمها بالطريقة دى حتى مع الخضار المجمد الجاهز ( لأنى محرومة هنا من الخضار الفرش زى البامية والملوخية والقلقاس وخلافه ) وبيطلع ممتاز جربى وادعيلى .
اما بالنسبة لطريقة estrellas لحفظ الأعشاب الخضراء فى الفريزر برضه ممتازة انا ماجربتش بس شوفت كتير فى مصر بيستخدموها منهم اخت جوزى وقالتلى انها ممتازة وتعرفى ماما بتشيل ايه كمان ؟ مش هاتصدقى !! الصلق بتاع القلقاس وبرضه فى استخدامه جميل وكل ده انجاذ وقت وفك ازمات اما بالنسبه للعلب المخصصة للفريزر انا بستخدمها فقط للأكل المستوى اللى بحفظه لما يكون زايد لكن الخضار والشوربة بشيلها فى اكياس واى خدمة ياتوتة انا موجودة باااااى

اختي الكريمة ام زيزو

تسلمي عزيزتي كللك ذوق صراحة خجلتيني
وانا بالخدمة

اختي noshe

بالنسبة للاعشاب حتى اكون صادقة معك انا لم اجرب الا الكسبرة بتجميدها لانني استخدمها بشكل كثير في طبخاتنا وبتطلع روعة
اذا كنت قد نشفتيها من الماء جيدا بعد غسلها فتبقى محافظة على لونها ونكهتها اما اذا احتفظت بها وفيها نسبة من الماء فعند التفريز ستسود ويخرب طعمها واعتقد ان هذه الطريقة تمشي مع جميع الانواع
وبتفيد لوقت الزنقة على حسب قولكم عزيزتي


اما بالنسبة للفاصولياء وما الى ذالك في بداية موضوعي قد كتبت انني انظف الخضار واقطعها حسب الحاجة وافرزها بعد اخراج الهواء من الاكياس حتى لا تتكون طبقة ثلج على الخضار
وقلت راي الخبراء بهذا الموضوع

انهم يفضلون غلي ماء لوحده ومن ثم اطفاء النار تحت الماء وتسقيط الخضار المراد حفظها لمدة لا تتجاوز الدقيقة لعدة اسباب
منها ان الخضار تبقى محتفظة بلونها ووبفائدتها حيث لا تفقد من قيمتها من جراء الاحتفاظ بها لفترة طويلة
ثانيا لا يتغير لونها عندما تخرجينها من الفريزر
ولم اقل ان نغليهم

ثانيا بالنسبة لسؤوالك عن العجين اذا كانت العجينة مختمرة لا يفيد تفريزها او انه لن تكون مساعدة لان تستخدميها مرة ثانية
ولا فرق اذا كانت بزيت او سمنة المهم ان تكون الخميرة ليست متفاعلة بداخل العجين وهذا لا يسبب ضرر ولكن لن تكون كما لوانها مختمرة الان
ارجوا ان اكون اجبت على اسئلتك

اختى نجوان متشكره فعلا لتوضيحك و على فكره انا سألت ماما و قالتلى انها فعلا بتسبها تفك فعندك حق دا فعلا سبب المشكله فربنا يخليكى بصراحه استاذه انا متشكره ليكى جدا على ردك و اهتمامك و يارب ترجعيلنا بالف سلامه 0

اختى esterllas
جزاكى الله خيرا على ردودك و الحمد لله كدا انتى مخلتيش عندى الى اسئله و بارك الله فيكى يا مشرفتنا الغاليه و بارك الله فى منتدانا الغالى و حفظه من كل سؤ0