هدا خبز وقت بعمل مساوي بعمله وان كنت عامله عزيمه بيحبوا الخبز اكتر من اللحم
خبز مقطع كل رغيف قطعتين

بقدونس مفروم

بصل مقطع شرائح ناعمه

دبس فليفله

فليفله خضراء مقطعة ناعمه

زيت بلدي

ندهن الخبز بدبس الفليفله
ونرش فوقه البقدونس والبصل والفليفله وقليل من الزيت
ثم نشوي الخبز على الفحم مع اللحمه
يجب ان تكون الجميع مفرومه ناعمه جدا

عطوني رأيكم

تسلم ايدينك
بس عندي سوال
ابغى اعرف شو دبس الفليفله

مبين عليها لذيذة تسلم ايديك
اكيد هي الاكلة من ابتكاراتك

يعطيك العافية ضوء القمر شكلها رهيبة

يممممممممي شكلها لذيههههههههه
بس سؤالي متل الاخت وسام ما هو دبس الفليفله

باين عليه لذيذ ولكن نفس سؤال الاخوات .... ماهو دبس الفليفلة؟

وآنا بعد نفس السؤال ؟؟

ارد عليكم يبدوا ان ضوء القمر غير متواجدة

دبس الفليفلة مثل عصير البندورة المركز ولكن يكون بعصير الفليفلة ويكون مركز ايضا

تسلم إيدك يا ضوء القمر الناعم
و عندي إضافة إذا سمحتوا .......
يا أخواتي
دبس الفليفلة مو مثل دبس البندورة
شوفوا يا حلويين كيف نصنع دبس الفليفلة الحلبية في البيت
نحضر الفليفلة الحمراء و بتكون يا إما حرة أو حلوة أو وسط حسب الذوق و نغسلها جيداً ثم نجففها
نقطعها بالنصف و ننزع البزور
و نصيحة مني إرتدوا كفوف أثناء هذه العملية حتى لا تتحسس الأيدي من الفليفلة

ثم ننشر الفليفلة في مكان مشمس و يجب أن تكون الشمس حدة و إلا بتنتزع كل الفليفلة
و كمان لازم ننشر الفليفلة مباشرةً بعد التقطيع لأن الفليفلة بتكون سريعة العطب

نترك الفليفلة في الشمس مدة يوميين أو ثلاثة أو أكتر حسب حدة الشمس
و يجب أن تكون الفليفلة قد جفت و لكن موكتير كتير
يعني تكون ثلاث أرباع جافة

نطحن الفليفلة بماكينة طحن اللحمة على الشفرات المتوسطة مرتان
نرش الملح العادي عليها ( لا نستعمل الملح باليود ) و نقسمها حصص صغيرة و نضعها في الفريزر

جربوها يا أخواتي مع الكبة النية أو المحمرة أو اليلنجي .....
و إدعولي