تطبيق متميزفتوش.... الشوربة غير شكل.... بس تعالي

**وعود الخير** · 24-08-2009, 11:16 AM

السلامة عليكم ورحمة الله وبركاته

شوربة الفطر .... الكل بيعرفها
والفطر بالشوفان اول مرة اعملها
والطريقة للغالية فتوش ... أم المجد

الشوربة حكاية والاحلى فتوش..
طبعا بالتشاور بين بنتي وفتوش وصلت الشوربة للركن بسلام
نشوف المقادير الفتوشية

بدك بصل مفروم .. مشروم مفروم او قطع اللي بتحبيه

مرقة لحمه او دجاج .. أو ماي انت تملحيه وتبهريه
حليب عادي او حليب جوز هند لو عندك << بتعطي طعم كتير بجنن
شوفان والكميه حسب الشوربه تبعتك .. بس ما بنحط كتير لانه بنفش

يعني أد ربع كوب بكون منيح

معلقه كبيره طحين
ليموووون

فيه اختياري .. قشطه وجنبه بشر

هلا لو بدك تحطي القشطه .. اخلطيها مع الحليب على جنب

حمري البصله في الزيت بعدين ضيفيله الفطر وقلبيهم منيح لحد
ما يدبل البصل والمشروم ..
ضيفي الطحين وقلبي بسرعه بعدين ضيفي الشوربه اللي عندك
حطي الحليب والشوفان وخليهم على النار لحد ما تتماسك الشوربه
ويستوي الشوفان .. ما بياخد وقت كبير

ولما تيجي تقدميها كل واحد بعصر ليمون أد ما بده .. عشان ما تمرمر كلها
بس الليمون بيعطيها طعم حلو

انا بحب احس بطعم المشروم .. انت ممكن تخلطي الشوربه قبل
ما تضيفي الشوفان .. لو حابه الفطر يكون مو مبين

ونشوف تطبيق بنتي
البصل مع الفطر المعلب لانه ما في عندي فرش

الله يرضى عنها زادت كمية الشوربة فاستدعى الامر تدخل عاجل من فتوش
وكان لا بد من زيادة كمية الطحين للحصول على القوام المطلوب..

والنتيجة

بيض الله وجهك يا فتوش
وصحتين وعافية
يمييي
نصيحة جربوها واي استفسار
ام المجد في خدمتكم ليل نهار (شركة اتصالات)

**حنان(البحرين)** · 24-08-2009, 11:18 AM

**رندوش** · 24-08-2009, 11:19 AM

الحمد لله من نصيبي اول طبق شوربه
تسلمي انا بموت بالمشروم والشوفان تسلمي
اخيرا نزل السوق الشوفان حتى طبقها
بارك الله فيك وفي بنوتك وفي فتوشه
والاتصالات الدوليه ههههه

**وعود الخير** · 24-08-2009, 11:37 AM

حنونة.... اسعدك الرحمن في كل وقت وآن

رندوش..

اخيرا نزل السوق الشوفان

بس شوفان ابيض يا خسارة مافي كويكر
طبقيها كتير طيبة
بدل القشطة استعملت شمينت مع جبنة K

**noorelhoda** · 24-08-2009, 11:40 AM

ماشاء الله رائعه يا ام عدى وكل عام وانت بالف خير

**زوزوعلي** · 24-08-2009, 11:44 AM

تسلم الايادي
شوربة مبينة طيبةةةة الف عافية
لاكن ماعندي شوفان ماذا افعل وما هو البديل
لان نزولي الى السوق صعب يطول واعجبتني الشوربة
تسلميييييييين

**soso22** · 24-08-2009, 11:45 AM

ماشاء الله رائعه يا ام عدى وكل عام وانت بالف خير

**وعود الخير** · 24-08-2009, 01:08 PM

كتبت بواسطة soso22

ماشاء الله رائعه يا ام عدى وكل عام وانت بالف خير

وانت بألف خير يا غالية نحن من بعدكم يا غالية

**وعود الخير** · 24-08-2009, 01:09 PM

كتبت بواسطة زوزوعلي

تسلم الايادي
شوربة مبينة طيبةةةة الف عافية
لاكن ماعندي شوفان ماذا افعل وما هو البديل
لان نزولي الى السوق صعب يطول واعجبتني الشوربة
تسلميييييييين

هلا زوزو
هي من ناحية طيبةما في شك انها طيبة جدا وكل الشكر لام المجد صاحبة الفكرة

اعتقد في حال عدم توفر الشوفان ممكن نزيد كمية الطحين