مقبلات متميزهكبدة اسكندرانى بأسهل طريقة من مطبخى

**chrysanthemum** · 16-07-2009, 12:45 AM

كبدة اسكندرانى بأسهل طريقة

ازيكم يا احلى منتدى ..يارب تكونوا بخير أجمعين ...النهاردة جايبالكم طريقة سهلة جدا للكبدة الاسكنرانى من مطبخى....طبق لذيذ وسهل ومش هياخد وقت فى تحضيره أو طبخه....نبدأ بسم الله..
المطلوب:
· كبدة بقرى مكعبات (اى كمية عندك)
· طماطم /بندورة مقطعة مكعبات
· بصل مقطع صغير
· فلفل أخضر مقطع صغير حار أو حلو (حسب الرغبة)
· ثوم مقطع صغير
· خل..ملعقة كبيرة لكل 250جم كبدة
· ملح ، فلفل أسود , بهارات , زنجبيل ،كبيبة صينى ، أو أى توابل تحبيها
· زبدة أو اى مادة دهنية تحبيها

و دى صورة تبين نسب المكونات مع الكبدة

الطريقة:

احضرى قلاية وضعى بها المادة الدهنية اللى تحبيها..أنا بفضل الزبدة خفيفة وبتدى طعم حلو

ضعى عليها كمية البصل وضعيهم على النار

بمجرد ان يذبل البصل ضعى التوابل والثوم والفلفل الأخضر مع التقليب الى ان تفوح رائحة الثوم ويذبل الفلفل قليلا

ثم اضيفى الطماطم وقلبى الخلطة كلها حتى تذبل الطماطم قليلا

وضعى الكبدة والملح على الخلطة

قلبيها حتى تتشرب صلصتها/صوص ثم ضيفى الخل وقومى بالتقليب الى ان يجف ثم ضيفى كمية ماء بسيطة.

الان لديكى خياران: اما ان تتركيها تنضج على النار
أو ان تضعيها فى صينية أو وعاء بيريكس وتضعيها فى الفرن لتكمل النضج ويمكنك بعد اخراجها من الفرن أن تسكبى على الوجه سلطة طحينة وتعيديها للفرن مرة أخرى لتأخذ لون فقط.

انا أفضل اكمال نضجها على النار وايضا أحب اكلها نصف تسوية حتى لا تفقد الكثير من فوائدها خاصة انى استخدم الكبدة الطازجة.

توضع فى اطباق وتوضع على وجهها سلطة طحينة
و ده طبق بسلطة خفيفة

وكمان ده بسلطة اكتر

ممكن تتقدم جنبها بطاطس مقلية أو مسلوقة ومحمرة وممكن تتاكل جنب رز بشعرية
بس أشهر أكل لها فى مصر بالعيش/الخبز خصوصا لوكانت ساندوتشات/شطائر.
وعشان يكمل الطبق من مطبخى هقولك مكونات سلطة الطحينة لطبق الكبدة.

سلطة الطحينة:
طحينة وملح وماء وخل أوليمون حسب الرغبة..انا افضل الخل ..لا أضع بها أى توابل أو ثوم لان الطبق به ما يكفى .

اتفضلوه بالهنا عليكم يارب

ومستنية ردودكم المشجعة