بسم الله الرحمن الرحيم

السلام عليكم ورحمة الله وبركاته

عن جد الي زمان ما طبختلكو ولا ضيفتكو شي ضيافة حلوة

هذا يا جماعة الخير زوزي الله يرضى علي جابلي روبيان
لاول مرة بحياتة
بصراحة احنا مش متعودين عليه

بس قلتله بدي اجربه فبليز جيبلي
وفعلا هيك صار

وسميت بالرحمن وبلشت اعمله على البركة

جبت بيضة وملحتها وبهرتها

وهذا كعك مطحون

غطست الروبيان بالبيض

وتركته فترة ينتقع فيه...يعني قولو شي ربع ساعة يمكن

وبعدين غطسته بالكعك

وبعدين كمان مرة بالبيض

وهلاء نقلي

شوفو كيف طالعين مقحمشين ولونهم دهبي

هلاء دور صلصة الطحينة
معلقتين طيحني ومعلقة لبنة ولا لين زي ماهو موجود وبرشة شوية لمون وعصرة لمونة وملح وبقدونس

وبنخلطهم كويس ودوقو الذ صلصة طحينة

وهلاء دور التقديم

ومطرح ما يسري يمري

وبتهيئلي نفس الطريقة بتنفع مع اصابع السمك الفيلية

بلكي اتن جربتها بحطلكو الصور

وطلعت سناكس زاكي كتير

ان جربتوها ادعولي الله يرضى عليكو بالخير

تحياتي واحتراماتي

الماسة

ام سهام واسيل

بسم الله ما شاء الله
تسلم ايدك حبيبتى رووووووووووووووووعه
شغلك جميل و منظم و شكل الطبق شهى
ربنا يباركلك فى صحتك و فى اولادك يا رب

ما شاء الله يسلمو ايديكي
بتعرفي ماسة انا بحب الروبيان بهاي الطريقة كتير طيب
يسلمو يا عسولة

طبق شهى وجميل


تسلم إيدك وصحه وهنا

يمي يمي يمي
شكله بيشهي كتيير
ما شاء الله الماسا معدلة
يعطيكِ العافية يا عسووووووووولة

بسم الله ماشاءالله عليكى
وتسلم الايادى الجميلة
شغل جميل ورائع ومنظم
والف هنا وعافية على قلوبكم يارب

هلا دودي نور الركن من تاني وحمد الله على سلامتك

مقبلات وروبيانات بشهووو يسلمو هل الايدين

ما شاء الله يسلمو دياتك يا قمر الف صحه يا رب

يسلمو اديكي لموسه وبوسيلي اسول وسهومه

تسلم الايادي
الله يعطيك العافية