مخلل متميزالليمون المخلل بطريقة كارمن ..... يم يم

**carmen** · 17-11-2008, 12:12 PM

السلام عليكن جميلات لك
ان شاء الله تكن كلكن بأحسن صحه وبافضل حال
النهارده يابنوتات حاقول لكن أنا باخلل الليمون إزاى بناءا على طلب حنان البحرين جزاها الله كل خير
الجميله الغاليه أم شادى كانت نزلت موضوع عن تخليل قشور الليمون اللى فضلت من تخليل الزيتون:
الليمون المملح °•●●•° من أم شادى °•●●•° بالصور
وانا برضه خللت قشور الليمون لكن بطريقه مختلفه وحبيت أوريهالكن
الأول آدى قشور الليمون اللى فضلت عندى من بعد تخليل الزيتون اللى وريتهولكن قبل كده هناهو :
هييييييييييييه ..... عملت مخلل الزيتون الأخضر .... nonamoo تعالى شوفى .... يم يم

وآدى نفس الخلطة اللى استعملتها للزيتون اللى هى ثوم وكرفس وجزر مبشور

وآدى خليط عصير الليمون والماء المملح والخل بنسب متساويه

وماسلقتش الليمون زى الغاليه ام شادى ماعملت لكن حطيته زى ماهو فى البرطمان النظيف وكبسته كويس وصبيت عليه المحلول وماصورتش الخطوه دى علشان البرطمان اللى خللت فيه بلاستيك احمر غامق ....

يعنى مش حايبين اللى جواه

وسبت الليمون حوالى شهر ونص وآدى النتيجه:

وبجد تحفه وطعمه يجنن وانا حبيته اكتر من اللى باعمله بالعصفر
والف هنا وشفا لكل اللى تحب تجربه

**حنان(البحرين)** · 17-11-2008, 12:22 PM

تسلم يدكِ يالغاليه على الطريقه الرائعه تم حفظها وبأذن الله سأعملها جوزيتي كل خير

**carmen** · 17-11-2008, 12:39 PM

كتبت بواسطة حنان(البحرين)

تسلم يدكِ يالغاليه على الطريقه الرائعه تم حفظها وبأذن الله سأعملها جوزيتي كل خير

ياغاليه ربنا يباركلك .... بتسعدينى بردودك وبشعاراتك ..... ويللا مستنيه التطبيق الجميل واحكيلى النتيجه..... وجزانا واياكم يارب ....

**وعود الخير** · 17-11-2008, 02:03 PM

يسلموا يا كارمن
مخلل شهي وطيب مع الرز والمقالي

**ام سهيل** · 17-11-2008, 02:13 PM

والله فكرة مخلل جديدة

يعني بتحطي الجرز والخلطة اللي عملتيها مع القشر وبتحطيه في البرطمان مع العصير
والله تحفة ان شاء الله اجربها
بس مش قريب لحسن الليمون اللي في السوق مش مزبوط اليومين دول

الا على فكرة هو لازم ليمون اصفر صح؟

**عاشقة الحلويات** · 17-11-2008, 02:37 PM

شو قصتكم اليوم

بتعرفوا أنو نقطة ضعفي شكل الليمون

بيخليني لمض وحمض

مخلل أكثر من رائع

تسلم الأيادي

**_سمآت_** · 17-11-2008, 05:57 PM

تسلم ايديك

وانا كنت اعرف طريقه المخلل زي بتاعك بالظبط

لكن مش فيه كرفس

تسلم ايديك "كارمن"

وتقبلي مرووري .،،

**carmen** · 17-11-2008, 06:09 PM

وعود الخير ..... تسلمى ياقمرايه انتى .....

ام سهيل ..... فعلا الطريقه زى ماقولتيها .... وطريقه جديده وطعمها يهبل ماشاء الله .... واعتقد انه يكون ليمون اصفر علشان مايبقاش ممرر لأنى كمان مش باسلقه واغير عليه الميه علشان مرارته تروح .... يبقى لازم يكون طعمه حلو فى الأساس .... واللى انا استعملته ليمون العصير .... يعنى مليان عصاره من جوه .... وبعد ماعصرته خللته .... يعنى ماسبتهوش ....

عاشقة الحلويات ..... يلى الف هنا وشفا عليكى كل الليمون اللى موجود فى المنتدى ....

.... تسلميلى حبيبة قلبى يارب ...

توتا القطوطة ..... ياجميله مرورك شرفنى طبعا .... وعموما الكرفس بيحلى اى حاجه يدخل فيها .... ومع المخلل يبقى يم يم .....