شو جهزتي لرمضان

كل عام و انتو بخير،
رمضان على الابواب و الكل عنده قائمة مشتروات حابب يجيها أو لازمة للبيت،أو الحاجات اللي حيجهزها قبل رمضان.
شو رايكم نذكر بعضنا و كل واحد تقول شو القائمة تبعتها اللي رح تشتريها
و بهيك كلنا بنستفيد و بنفيد
رح أبدأ أنا،
زينة رمضان:
رح اجيب ورق ملون و نعمل فوانيس للأولاد و بطاقات معايدة
رح نعمل فانوس من الورق الملون و عسف النخل و نثبته بالبلكون
فوانيس بلاستيك للأولاد
مشتريات:
فواكه مجففه لزوم الخشاف "مشمش، زبيب، قطين، تمر بكمية كبيرة، قراسيا"
كمان عجينة سمبوسك
عجينة كبه "موجودة عندي"
فول لزوم السحور

و كل سنة و انتو سالمين

جزاكِ الله كل خير حبيبتي على الموضوع الجميل ده

أنا بصراحة برضه نفس تجهيزاتك وبضيف عليها

كركديه وخروب (دول عندي)

تجهيز بعض المأكولات (بفتيك (بفتيك نور الهدى حبيبتي) / طماطم معصورة / ثوم مفروم / خضرة محشي مقطعة صغير )

فواكه مفرزة للعصير (جوافة / فراولة / مانجا )


لكن بحاول أقلل كمية المقالي من سمبوسة وبطاطس وطعمية وغيره عشان عاملة أنا وجوزي ريجيم ومش عاوزين نبوظ الدنيا

وانت بصحة وسلامة يا راما
الله كتير عجبتني زينة رمضان ربي يجعل قدومة خير علينا وعلى الجميع
حقيقي كتبت القائمة وصار بدي سلفةمن البنك المركزي علشان تكفي
بس حضرت لوازم المشروبات كركدية وخروب وسلامتك والباقي بالتقسيط المريح

يسلموووووووووو دياتكم يا صبايا ويا راما على افكارك الحلوه
بتعرفى انا من الناس يلي ما بحضرو شى لرمضان كل يوم رزقته بتيجي معاه بدون تفكير
والله اكل رمضان بكون ميسر من رب العالمين
ولا بد من التحضير والتفكير عند الناس
بس عندي اقتراح اخر انا
شو رايك نلتهي فى العباده
قيام الليل
قراءة القران
صلاة التراويح فى المسجد
وكل عام وانتن بالف خير اعاده الله على الامه الاسلاميه بالخير والبركه ان شاء الله

حلو كثير تغريد العبادة و قرآة القران ،
ان شاء الله بينعاد علينا بالخير،
نسي أقولكم كمان صواريخ نارية للأولاد و فراقيع لزوم بهجة رمضان.
ربنا يعيده بالخير،
وعود شو الميزانية خرمت و لا ؟؟؟
طيب شو ناوية تجيبي كمان اللي بالتقسيط المريح؟؟؟؟؟؟
أم عارف أنا ما بقلي السمبوسة بعمله بالفرن و الكبة ممكن تعمليها صينية
علشان الريجيم ما يبوظ

راما.... اذا عندك نية تسلفيني لحين ميسرة
باخبرك ...
رمضان كريم يا عسل

بارك الله فيك ياراما .. الموضوع كتير حلو.. وياريت الكل يشارك فيه ..

طبعا أولاً ربنا يبلغنا رمضان .. وكل عام وانتو بألف خير وصحة وسلامة ..

رمضان هاد قررت ما اكتر عشان الرجيم .. بس جهزت الكبه والسمبوسة والسبرنغ رولز ولسه طبعا لازم الفواكه المجففة والتمر وقمر الدين والخروب والخشاف .. يعني .. ولازم طبعا القطايف .. والله انا شايفة انو 7 كيلو اللي راحو راح يرجعو برمضان . ربنا يستر ..
بس بصراحة ناوية أكتر من الشوربات والسلطات ..

وطبعا الأهم العبادة .. ويارب يغفرلنا كل ذونبنا ..

يسعدلي طلتكم يا حلوات..

راما الله يجزيك كل خير بتعرفي انو أعطيتيني فكرة رائعة عشان يتحمسوا الأولاد
ويحسوا ببهجة رمضان.. نحنا بلبنان ما منعرف حكاية الفوانيس وهالقصص بس والله
فكرة روعة وانا بحب أحبب أولادي بهالمناسبات وخصوصي الشهر الفضيل..

بس قوليلي شو بتعملوا بالتفصيل بالفوانيس ؟

جزاك الله كل خير يا رب..

اما بالنسبة للأكل أنا كمان ما بجهز سلف...كل شي بوقتو بيحضر ان شاء الله..

رمضان كريم وكل عام والجميع وأمة الرسول بالف خير....

شدي حيلك يا لبنان،
و حببي و لادك برمضان و اعميليلهم زينة
كتييييييييييييييير بينبسطوا

رمضان كريم وعود أنا على استعداد مرحبابك،
أم أيموني شو طريق السبرنغ رول اللي بتعمليه؟؟؟؟
يلا قوليلنا خبرتك