مقبلات لب الكوسا الشامية ..... وصفتين ولا أطيب ولا ألذ من هيك

بسم الله الرحمن الرحيم

السلام عليكم ورحمة الله تعالى وبركاته

صحيح صار لي فترة طويللللللللللللللة ما دخلت المنتدى وحطيت وصفات أكل

بس قلت خلص وداعاً للكسل وقلة المرونة وصار بدها شوية هز كتاف

يعني طبخ وعم اطبخ فليش ما هز كتاف جوالي شوي وخليه يصور اكلاتي

وهون كان بداية مطافي بعون الله مع أشهى طبق مقبلات لدي ولدى أهلي ولدى ابني كمان

وهو كيفية الاستفادة من لب الكوسا بعد حفر الكوسا

فللأسف هناك الكثير ممن يتخلصون منه بالزبالة غير عالمين بلذته وطيب طعمه وفوق كل هذا هو اسراف كبير

وإليكن عزيزاتي وصفتين مختلفتين للاستفادة من لب الكوسا وجعلهم أكلة لا تنسى بل تطلب دوماً

كلما رآكم أهل البيت تحفرون الكوسا

بداية المشوار

يتم حفر الكوسا بالطريقة التقليدية وهي أولاً قياس طول حفارة الكوسا على الكوسا من الخارج هكذا

لكي لا نزيد من ادخال حفارة الكوسا فتثقب الكوساياية معنا

(الكوساياية = أنثى الكوسا) هههههه

بعدين ندخل الحفارة ونحفر ونستخرج ما استطعنا من استخراجه من لب الكوسا داخل الكوسا

حتى الماسورة التي استخرجناها أول شيء نقطعها كما في الصورة التالية :

نضع لب الكوسا على النار في الطنجرة مع ملح وزيت نباتي ونضعهم على أضعف نار لأنهم سريعوا الاحتراق

إذا لم تتم مراقبتهم باستمرار فمشان هيك أنا بختصر على حالي وبحطهم على أضعف نار وبإمكانك إضافة القليل من الماء

ونغطي الطنجرة ونتركها هيك لحتى يستوي اللب وتنشف مياهه ولو كان هناك بعد ميته فما في مشكلة

ومن هون يبدأ الطريق بالتشعب لفرعين أو بالأحرى لوصفتين

الوصفة الأولى:

المتبل

(لب الكوسا باللبن)

ناخذ كمية من لب الكوسا ونضع معها طحينية وثوم مدقوق وبقدونس مفروم ولبن رائب وشوية ملح وكله حسب الاختيار

يعني تقليل كمية أو إكثارها فهذا تابع للاختيار والرغبة

طبعاً ما تنسي أنك حطيتي ملح من قبل باللب قبل تسويته على النار مشان هيك ما تضيفي لحتى تتأكدي أنها بدها ملح

ونخلط الجميع بشكل جيد ونسوي وجه الصحن جيداً

ثم نزينه حسب اختيارنا أنا زينته بورق النعناع وبالبندورة ومخلل الجزر

وهي لقطة ثانية للصحن كرمال عيونكم

طبعاً يمكن اكل جرجير وأية أنواع اعشاب مرغوبة لديكم مثل النعنع كمان والفليفلة والبندورة المقطعة

الوصفة الثانية:

لب الكوسا باللحمة والبيض

نتبع جميع الخطوات السابقة لحد ما وصلنا لخطوات الوصفة الأولى

ولكن هون نعيد اللب المستوي على النار بالطنجرة مع القليل من الزيت النباتي أو السمنة حسب الرغبة

ونضع معهم كمية من اللحمة المفرومة حسب الرغبة بقصد بكميتها حسب الرغبة أما من دونها فالوصفة ما طيبة

ونقلي اللحمة مع اللب هيك لحتى تستوي طبعاً بإمكانك إضافة بهارات حسب الرغبة

بعد أن تستوي اللحمة نفقس فوق الجميع بيض

وهون كمية البيض متعلقة بكمية اللب يعني حسب التقدير الذاتي لكل واحدة فينا

وهون أنا لأنو كانت عندي كمية اللب شوي قليلة ففقست بس بيضتان

ونخلط الجميع جيداً

ونضعف النار على الأخر وننتظر حتى يستوي البيض ويتجمد مثل لما نقليه لوحده

ثم نقلب البيض بالصحن قطعة واحدة يعني نضع الصحن فوق الطنجرة ونقلب الطنجرة بسرعة على الصحن

مثل طريقة طبخة المقلوبة

ونزين الصحن كيفما نشاء

بس أنا ما زينته غير بكم قطعة بندورة لأنو ابني صار يعيط علي بده يفطر وجاع كتير وشاف الصحن وما قدرت

زينه اكثر ودوبني لحقت صوره قبل ما نقضي عليه أنا وابني

جربوا الوصفات وخبروني ولا تنسوني من دعواتكم الخالصة لأختكم الفقيرة لله تعالى وحده

على فكرة هيدي الوصفات بالإمكان اكلها بجانب اللحمة المشوية

كلما شويت لحمة أنا وزوجي عملت مقبلات لب الكوسا بس المفضل لب الكوسا باللبن يعني المتبل باللبن فقط

لأنه لب الكوسا بالبيض ثقيل مع اللحمة المشوية

يشلمو ايدكي يا عاشقة فعلا وصفتين مميزين وطيببين كتير انا ببحبهون كتير
يعطيك الف الف عافية وشغل مرتب وحلو يسلمووووووو

مش معقول

اهلا وسهلا بعودتك مرة ثانية لركن اشتاق لك كثيرا

من يد ما نعدمها يا قمر
وهيك كسبنا منك طرق جديدة لاستعمالات لب الكوسا

سلمت يمناك
وان شاء الله نشوفك على طول في ركننا الجميل الهادئ

وصفات رائعة
والله انا ما بكبه انا بعمله مثلك
وأحيانا بضيفه لشوربة الخضار
مع هالغلا الواحد لازم يستفيد من كل شي

يسلمووووووووووووووووو دياتك حبيبتى على الوصفات الحلوه

تسلم يدكِ عزيزتي على الوصفات الرائعه للب الكوسا

يسلمو حبيبتي روووووووووووووعة منك ما شاء الله

عاشقة الحلويات

عزيزتي مشكورة لهذا الطبق اللذيذ والخفيف على المعده

أنا على فكرة أول مابعمل محشي زوجي بيسألني على لب الكوسا

ولكني احضرة بطريقة اخرى ولكن في تشابه

أفرم بصله ناعمة اقلبها مع الزيت البلدي حتى تذبل ومن ثم اضيف اللب

مع رشة ملح خفيفه ورشة فلفل ابيض واضعها مثلك على النار الخفيفة

الى ان تجف ماءها أضيف ثوم حسب كمية اللب ورشة نعنع يابس

والبعض يضيف كمون ناعم بدل النعنع اليابس ..

ويؤكل بجانبها النعنع الاخضر وهي طبق مقبلات

وأيضا اعد من الكوسا المتبل بطريقة صحية ايضا بطريقة برش الكوسا بعد غسلة

ووضعه على النار مع اضافة فنجان ماء ويترك على نار وسط حتى ينسلق وتقريبا

تخف ماءه فنتركه ليبرد ثم نضعه في مصفاة حتى ينزل الماء المتبقي ومن ثم

نضغط عليه باليد حتى لايبقى فيه ماء ونضيف اليه اللبن الروب والطحينه والملح

والثوم ونخلط ونزين الوجه بالبقدونس والزيت البلدي ويقدم بجانبه البندورة

الطازجة ويقدم بجانب اي طبق رئيسي لانه من المقبلات .

أما عن لب الكوسا باللحمة والبيض فهذه جديدة ساحاول تجربتها وخبرك عنها

لك مني اطيب التحياااات العطرة .

تسلم ايديكى