{}{}{}{}{.زهره بلبن ... مطفيه}{}{}{}{}

**طيـــف** · 31-10-2007, 11:54 AM

صباح الخير ياحلوااات

اليوم جبت لكم مطفيه
للامانه انا من زمان مسويتها ومصورتها وتوقعت تكون جديده لانها اكله تراثيه معروفين فيها اهل منطقه الخليل

بس ام المجد بارك الله فيها مشاءالله موسوعه سوتها ونزلتها بس بمقادير وطريقه مختلفه واعتقد طريقتها هي الاصح لانها من اهل البلده نفسها

الظاهر طريقتي انا مقتبسه ومعدله

لكن والله طيبه وحابه اشاركم فيها لانها طعمها طيب ويارب تعجبكم

وعلى فكره انا حطيتها هون لانها بدون اي لحوم مشان هيك عديتها من المقبلات ولسسسسسسسسسست من اكلات ام المجد دسسسسسسسسسسسسسمه

>>>>>>>> بدي افئس عليكِ يام المجد

المقادير
زهره مقليه
لبن روب + كوب ماي
2 معلقه نشا
ثوم مفروم
كزبره ملح فلفل اسمر كمون طبعا

الطريقه
بعد تقطيع الزهره صغير ونقليها نخليها على جنب ونرش عليها كمون وملح....
بالخلاط بنحط الروب والماي والثوم ونخلطعم سوا مع بعض وبعدين نخليهم يغلو على النار غلووتين ... ونرحع ناخد شوي من مقدار اللبن مقدار كاسه ونضيف له النشـــا ونرجع نخلطهم بالخلاط ونخليهم يغلو
او مايبئ يبئ يبئ الللبن>>>>>>>>> وصف دقيق لام العريف

بنعرف انه خلص لازم نسقط الزهره عليه بنحط الزهره بحذر شوي شوي ونوطي النار عليه بعدين بنقدح تومه مع زيت وبنضيفها على اللبن والزهره ونقلبهم ثم نطفي النار ونسكبها في صحن عميق....

وبس هي القصه كلها اما سببب التسميه للامانه مابعرف بس المهم انها كتيررررررررررررررررررررر زاكيه

وصحتين

**اليلاس** · 31-10-2007, 12:04 PM

يااااا فرحتي بردي الاول في هالموضوع ........... عاشت الايادي ويعطيكي 1000 عافية يا طيوف على هالطبق الروووووعة

**طيـــف** · 31-10-2007, 02:02 PM

اليلااااااااس
لحظه لحظه لحظه
انتي فرحانه باول رد لانه الصحن الك صح هههههههه

صحتين وعوافي يارب وشكرا حبيبتي لمرورك

**(( ام ماهر ))** · 31-10-2007, 02:03 PM

حبيبتى رووووووووووووووووووعه واهل نابلس بعملوها بفؤوس ( فكوس)

بس انا بحبها كثير زوجى واولادى بكرهوها كثير طيبه

جزاك الله كل خير

**طيـــف** · 31-10-2007, 02:19 PM

استني استني استني

لالالالالالالالالا بالفئئووس جديده علي
انا بعرف محشي الفئوس اوكي بس لبن بفئوس كتير جديده
طيب انتي ولادك وزوجك شو بكرهو بزهره ولا فئوس؟؟

**ام صائب** · 31-10-2007, 02:29 PM

واااااااااااااااااااااااااااااااااااااااو واو يا طيف
ردي تالت رد (وجه فرحان)
يعني الي من الطيب نصيب

تسلم ايدك حبيبتي
ما شاء الله عليك طبق روعة انا بموت فيها هالاكلة تعلمتها من اهل زوجي
ميرسي يا عسل

**إنجــــــــي** · 31-10-2007, 02:31 PM

yam yam yam yam
sho hal 7alawa tayyoof
betshahhi 3omri ma jarrabtha
nefsi ajarrebha
bas 7azri shooo
jozi ma be3eb el zahra wala tabkhat el laban
heheheheheh
sho rayek a3malha lamma a7eb a3aqbo

**لبنان وحبايبه** · 31-10-2007, 02:32 PM

يا هيك حركات يا بلا......ممممممممممممممممممم أنا بحب كل أكل الزيت...يعني بدون لحوم...

طيبة كتير باين عليها....القرنبيط والباذجان المقليين طعمهم لا يعلى عليه.......مع اني ما بحب أقلي بالبيت كتير لأنو مو صحي....بس هالأكلتين ما عم لاقيلهم طريقة تانية بدون القلي بكل هالزيت وتطلع بنفس الطعمة.....

سؤال يا طيوفة... شو يعني (بنقدح تومه مع زيت ) ؟؟ ما فهمتها هيّ

قصدك مندقّهم ولا منقليهم ؟؟؟؟؟!!!!!!

بعدين يلا أنا بعاونك وبفئس على أم المجد....بدها تعمل ريجيم وبضلها تعمل دسسسسسسسسسسسسسسسسسسسسم لا وكمان بيشهوا مشان يلي مو لازمو ريجيم يصير لازموا على أكلاتها الطيبين...ههههه

وينك أم المجد.....؟؟؟؟......

بدها تدبحنا اليوم

الله يعطيك العافية طيوف وتسلم يداك حبيبتي.......

**طيـــف** · 31-10-2007, 02:48 PM

ام صائب ان شاءالله دايما مسبوطه
بس يالله افيدينا من تجربتك اهل زوجك بنفس الطريقه بسوها ولا في طريقه تانيه؟

**طيـــف** · 31-10-2007, 02:49 PM

ام ربا

اششش اشش افهم من هيك انتي بتحبي الزهره؟
يادي النور يادي الهنا هههههههههههههههههههههه مش معقول والله
بس شفتي الحظ هلاء انتي بتحبي الزهره وزوجك مابحبها؟!

طيب شو رايك تجربيها بالكوسا روووعه وكمان يميمي