السلام عليكم حبيباتييي

اليوم راح انزل اكله فلسطينيه اسمها ... المشاط

وهي عباره عن زهره وبيض وطحين وتوابل

يعني قريبه على العجه .. بس هيك بحكولها عنا

بسم الله

بدنا .....

راس زهره متوسط
7 - 8 بيضات
بصله مفرومه
سنين ثومه مفرومين
طحين
ربع ضمة بقدونس
ملح .. فلفل .. كمون
ملعقه صغيره بكينغ باودر

الطريقه

نقسم الزهره لقطع كبيره شوي
نسلقها .. بس ما نخليها طريه كتيير
في جاط عميق
بنحط البيض .. كل مره بيضه
نخفقهم ونضيف البقدونس
ونضيف باقي المقادير

ان كانت الزهره متماسكه .. نقسمها لاقسام اصغر
لكن ان كانت طريه كتيير ما نقسمها لانها راح تتقطع مع التقليب

نضيف الطحين ونقلب حتى يصير عنا خلطه متجانسه

في زيت حار .. نحط مقدار من الخلطه في ملعقه كبيره .. ونسكبها في الزيت
على هيئة اقراص .. لحد ما يحمر لونهم .. ونرفعهم عن النار ونحطهم على ورق نشاف

يقدم المشاط .. سخن او بارد مع السلطه

مممممممم انا كتيييييييير بحبه يا صبايا
فجربت اعمله بطريقه تانيه .. دهنت صينيه صغيره زيت
وأخدت كميه منه وفردتها في الصينيه .. وحطيتها في الفرن

بس لحد ما احمرت اطرافها .. بعدين حمرتها شوي من فوق

وآآه ما طلعت يابسه زي القلي .. بس طعمها برضو طلع بجنننن
للعلم بس .. ماما قالت ما في احلى من المقلي ههههههه

ان شاء الله تجربووها لانها كتييييييييييير طيبه

السلام عليكم يا احلى صبايا

ما شاء الله تبارك الله روووووووووووووعه

تسلم ايديك عجبتني الصينيه الف شكر

ماشاء الله
تسسسسسسلم الأيادى

الله الله يا ام المجد
بس بدنا شوية برد ومطر علشان يحلى اكل الامشاط

لك تسلمي لي وتسلم هالديات اللي تتلف بحرير ما اطيبك واطيب اطباقك ..
وعلى فكرة أنا من رأي الماما ما في اطيب من الامشاط المقلية مع اضافة قرن فلفل حار بيجنن (معلش صرت غزاوية من عاشر القوم .... )

امممممممممممممممممممممممممممممممممممممممممممم ممم

مشاط مشاط
ئد مابسمع عنها بس ماتشرف في معرفتها الا منك ياام المجد

جد طيييييييييييييييييييييبه بعرف مقاديرها وطعمها بس الاسم الفلكوري بصراحه ماسبق عرفتو


بس فلفل شو ياوعود وحدي الله

يم يم يم ما اطيبها
ومن دياتك بتجنن


وعلى راى وعود مع فلفل حار بتكون تحفه
وحبة زيتونه ما ننسا كاسه الشاى لازم على اصوله

اهلا ام المجد بالله عليك هاي الوالدة بتتفنن بيها والله وكمان بيعملوها مع العجينه بيغطوا الزهرة المسلوقه مع الكمون والفلفل والاسود وووالمبهرة وبيقلوها برضوا يعني بيعملوها مشاط مدني يا ام المجد هاي جيرانا من عين كارم بقولها امي بتعملي متل طريقتك وانا يسلموا يا ام المجد يا ففنانه المقبلات عن جدارةةةة

بس فلفل شو ياوعود وحدي الله

لا اله الا الله
تؤبشي ألبي يا ضرتي ما الذك .. خلاص بطلنا ناكل فلفل ما تزعلي راح ناكل شطة وبس
لونل..

وعلى راى وعود مع فلفل حار بتكون تحفه
وحبة زيتونه ما ننسا كاسه الشاى لازم على اصوله

ما اسعدني بلقاءك من تاني
فعلا بدها زيتون وشاي .. ووين راح الدايت...

طبعا سمعنا.. ..ولو ام المجد ... احنا بنقول عنها لما تكون الزهرة مقطعة زي طريقتك مع العجينة عجة

ولما بنعمل خلطة العجين لوحدها وبنخلي الزهرات متل ماهم وبنغمسهم بالعجينة ونقليهم مشاط

بس والله شكلهم كتير طيبين وانا بحبها كتير مقلية .............. بالقرن يعني ما بتعجبني كتير لاني من عشاق القرمشة

ههههههه

عن جد اشتهيتهم بس لازم الفلفل الحار

مشكوووووووووووورة ام المجد على الطبق الي بيفتح النفس على الصبح