السلام عليكم يا صبايا
شوربة يلي بدي نزلها هلق من الذ الشوربات اللبنانية...وهي شوربتي المفضلة..
يعني لما تبدي بأكلها ما إلك قلب توفقي ههههه 
مغذية جداً جداً ومناسبة للأولاد والكبار ويلي عم يعملوا ريجيم ويلي بيعضوا كمان
..(وينك طيوف؟؟)
شوربة العدس بحامض
المقادير
1 كوب عدس بني مغسول
4 م ك زيت زيتون
3 كوب سلق من غير الأضلاع- مغسول ومفروم
4 فص ثوم
بصلة وسط مفرومة
ماء للسلق
ملعقة صغيرة ونصف نعنع يابس
2 راس بطاطا (بطاطس) مقشرة ومقطعة مربعات
عصير ليمونة حامضة كبيرة
ملح
2 م ص كمون
2 م ك طحين مدوبين بنصف فنجان ماء
الطريقة
نسلق العدس وقبل النضوج نضيف السلق والبطاطا..
في مقلاية نضع الزيت ونقلب البصلة مع شوية ملح والكمون إلى أن تذبل..نضيفها فوق الشوربة..
ندق الثوم مع النعنع وشوية ملح..نضيفهم إلى الشوربة مع الحامض والطحين المدوّب ونتركهم يغلوا 5 دقائق..
لا تنسوا تركزوا الملح قبل ما تطفوا النار..
ملاحظة: الشوربة اساس طعمتها الحامض...
إليكم الصور
ما شاء الله ولا قوة إلا بالله
ما بدي تشكروني...بس ادعولي ..ومن قلبكم كمان
شوربة العدس بحامض...شوربة لبنانية ولااااااااااااااا أطيب..بالصورة من لبنان !!
رد مع الاستدلال
كتبت بواسطة arch.dina
الروابط المفضلة