السلام عليكم أحلى صبايا..

بتعرفوا شو؟؟ مانا بعمري ما انتسبت لمنتديات..دوام الشغل كان مكفيني..بس من وقت ما خلفت ابني وأنا زهقانة بالبيت..

وين الحكاية؟؟ من وقت ما انتسبت لمنتدى ((لك)) يعني من شي شهر ونصف وانا متلبكة كل ما بدي صور أكلة قدام الشغالة خاصة انا يلي بطبخ وبحياتي ما خليت الشغالة تستلم الطبخ بس هي دايماً جنبي..أكيد بتكون قالت لحالها حرام هالمدام جنت من قعدت البيت ورايحة جاية بتصور بهالأكلات...

طولت عليكم....طيوف هذا الطبق لعيونك بناء على طلبك..



المقادير
-----
خبز لبناني مقطع ومحمص بالفرن (في ناس بتقليه بس الفرن صحي أكتر)
حمص حب مسلوق ومملح قليلاً
لبن (زبادي)
2 م ك طحينة
3 م ك عصير ليمون
2 فص ثوم مدقوق
ملح
كمون
صنوبر
م ك زبدة أو سمنة عربي
(أنا خالفت القاعدة واستعملت زيت نباتي..أنا من أنصار الأكل الصحي)



الطريقة
-----
نفرش الخبز المحمص في الصينية أو أي طبق تقديم



نسكب فوقهم الحمص الساخن ونسقي الخبز بماء سلق الحمص



نخفق اللبن الزبادي مع الثوم والليمون وملح ونسكبهم فوق الحمص



نسخن السمن أو الزبدة أو الزيت (حسب الرغبة) ونحمص الصنوبر ونسكبهم فوراً فوق اللبن ونرش الوجه بالكمون..وهذه الهيئة الأخيرة للطبق







((يتبع))

ويؤكل مع المخلل الحاد والبصل العادي أو الأخضر..

وبالهنا والعافية...

يختيييييييييييييي ريتييتهم يسلمو لي احلى الايادي

بتجنن يالبنان مشاءالله شكلها بشهي تعيييشي ويديمك وتسوي لنا هالاطيااااب

جد يسلمو ايديكِ شي بفتح النفس

واحكي لشغالتك ارتاحي هههههههههههههههههههههههه

كتبت بواسطة طيـــف

يختيييييييييييييي ريتييتهم يسلمو لي احلى الايادي

بتجنن يالبنان مشاءالله شكلها بشهي تعيييشي ويديمك وتسوي لنا هالاطيااااب

جد يسلمو ايديكِ شي بفتح النفس

واحكي لشغالتك ارتاحي هههههههههههههههههههههههه

الله يسلمك عيوني....والله ما بخفي عليك صار منظري معفن قدام الشغالة

شكراً على التميز......تميزنا على النت وتجرصنا (تبهدلنا باللبناني) بالبيت

سلامة قيمتك وقدرك حبيبتي

ولو بكره بتصير عادي

انا بالبدايه كانو خواتي يضحكو علي
هلاء تعودو صارو هم يحكو لي شو مابدك تصوري

بالعكس تاكدي المشاراكات الحلوه هاي بتفيد كتير والك اجر باذن الله عليها

كتبت بواسطة طيـــف

سلامة قيمتك وقدرك حبيبتي

ولو بكره بتصير عادي

انا بالبدايه كانو خواتي يضحكو علي
هلاء تعودو صارو هم يحكو لي شو مابدك تصوري

بالعكس تاكدي المشاراكات الحلوه هاي بتفيد كتير والك اجر باذن الله عليها

الله على كلامك الحلو يا طيف...والله أنا معك 100 % اول شي كنت بتسلى فقط بس لقيت بعدين ان أي معلومة قيمة عندك ممكن تفيد كتير من الأخوات في أي ركن كان...

أنا مثلاً من شهر تشجعت أعمل حلويات لأني استفدت وتشجعت من الأخوات الله يجازيهم كل خير وصرت اعملها مع أني ما باكل حلو كتير بس جوزي بيحب الحلو...وشاركت بركن الحلويات وبضمير والحمد لله الأخوات حبوا الوصفات وفي منهم طبقوها بس ما بخفي عليك همتي راحت وما عدت متشجعة للمشاركة هناك لأن ولا مرة المشرفة كتبتلي كلمة الله يسامحها...لا اطلب التميز لأن بصراحة مو هذا هدفي بس على القليلة كلمة شكر تشجيعية على الجهد يلي بعملوا متلي متل كل الأخوات يلي بيشاركوا....

مو مشكلة بس بدي ياك تدخلي على هذا الرابط وتشوفي آخر شغلة عملتها واعطيني رأيك بأمانة.http://www.lakii.com/vb/showthread.php?t=337930

حبيبتي طيوف طولت عليك...

yeslamo deyyatek,, walla beshahooooo

بالعكس يالبنان كلامك حلو وخدي راحتك
شوفي تاكدي والله ريهام واحااسيس كتير طيوبين وحبوبين
لكن هلاء يل عم يصير المشرفات في ركن الحلويات مشغولين حاليا الله يعطيهم العافيه
مشان هيك مش عم يلحقو يتباعو كل المواضيع
لكن والله التميييز والتقدير من حقك لكن القصه ضيق الوقت مش اكتر

قولي الله يعنيهم على مشاغلهم
بعدين انتي منا وعلينا ولو الحكي هادا للضيوف مش لاهل البيت

وانتي من اهل البيت ولو لاتاخدي ببالك

كتبت بواسطة طيـــف

بالعكس يالبنان كلامك حلو وخدي راحتك
شوفي تاكدي والله ريهام واحااسيس كتير طيوبين وحبوبين
لكن هلاء يل عم يصير المشرفات في ركن الحلويات مشغولين حاليا الله يعطيهم العافيه
مشان هيك مش عم يلحقو يتباعو كل المواضيع
لكن والله التميييز والتقدير من حقك لكن القصه ضيق الوقت مش اكتر

قولي الله يعنيهم على مشاغلهم
بعدين انتي منا وعلينا ولو الحكي هادا للضيوف مش لاهل البيت

وانتي من اهل البيت ولو لاتاخدي ببالك

والله الله يعطيكم العافية جميعاً وأكيد الجميع خير وبركة....ان شاء الله تكوني شفتي النتيجة بالرد التاني لأني نسيت أحط ((يتبع ))

مشكورة على كلامك العسل يا عسل والله بارك فيكم جميعاً...

كتبت بواسطة rawan_d

yeslamo deyyatek,, walla beshahooooo

الله يسلمك حبيبتي