تعالوا اقربوا كفته الجمبرى او كببه الجمبرى........
السلام عليكم ورحمة الله وبركاته
اخواتى واحبائى انا النهاردة جيبالكو طريقة عمل كفته الجمبرى او ممكن نقول عليها كببه الجمبرى ويارب إن شاءالله تعجبكو ومش يكون الموضوع مكرر
المقادير
اكيلو جمبرى مقشر ومغسول جيدا
اكوب ارز مطحون مصرى مغسول جيدا وناشف وبعد كده مطحون فى المطحنه كأنه بودرة
2 بصلة كبيرة مقطعة مكعبات 3فصوص ثوم
شبت+بقدونس+كسبرة خضراء
بهارات+فلفل ابيض+كسبرة +كمون+ ملح معلقة صغيرة
يلا هانشغل المفرمه بتاعة مولينكس او اى مفرمة عندنا هانضع الجمبرى مع البصل مع الثوم مع الخضروات السابق ذكرها بعد ما نكون قطعناها وغسلنها جيداهاتنزل العجينة من الناحية التانية هاتكون خلاصتى المقدار كله هانبتدى نضع عليهاالارز المطحونوالبهارات والملح والفلفل والكسبرةوالكمون وممكن جوزة الطيب ونعجن حتى تكون عندنا عجينةطيرة مثل تمام كفته اللحم تمام ظبطناالملح بتاعنا وكله تمام...........هانبدا التشكيل
هانشكلها اقراص حسب الحجم اللى انتى عاوزة نكون جايبين2 بصلة تانيين كبار مبشورين نحمرهم فى الزيت حتى يصبح لونهم بنى غامق ونحط حبهان مطحون وحبهان حب ونضيف تقريبانصف الوعاء اللى بنطبخ فيه ماء وملح وتغلى الماء ونبتدى
نضع الاقراص اللى احنا عملنهافى الماء المغلى بالبصلة المحمرة لمدة ربع ساعة وبكده هاتكون اتسلقت نطلعا ونحمر منها فى الزيت و بالهنا والشفا وتاكل مع الطحينة او اى بجانب مؤكلات بحرية اخرى ولو فى اى اسؤال انا فى الخدمة.................
اه ثوانى ممكن يكون بطريقة اخرى
بعض ما نكون نعمل العجينة تشكل اصابع طويلة وتقلى فى الزيت تمام ونكون جايبين فاصيين توم+2كوب عصير طماطم يحمر الثوم ويضع كسبرة نشافة ثم الطماطم ولما تصبح صلصة نضع الاصابع المقلية فى الصلصة وتوضع لمده ربع ساعة على النار اه وماتنسويش تبقوا تحطوا ملح اصل معلش ساعات بنسا وتاكل مع الارز يارب تنال رضاكم وان شاء الله تقوللى رضكم
وما تبخلوش عليا بالرد اعجبتكم ولا
اوعى تنسونى انا مستنية ردكم او تشجعيكم اخواتى
رد مع الاستدلال
الروابط المفضلة