الى الاخت جبالية او الاخت ام ايوب

**نيهومة** · 13-10-2006, 03:27 PM

اخواتي الحبيبات ارجو منكم ان تعطوني طريقة البسيسة انا جبت كيلو حمص وكيلو عدس ونص كيلو حلبة ...ارجو توضيح المقادير والطريقة الله يجزيكم خير ..ولكم احلى تحية من ليبيا المحبة لابنائها

**RAWAD** · 13-10-2006, 04:21 PM

معليش انى رديت عليك
بصراحه نسأل الوالدة و نرجع انرد عليك ان شاء الله ..
بس لازم تعرفى ان كل منطقه ايديروا فى البسيسه بشكل . بل ان فى المنطقه الواحدة ممكن تختلف حسب العائلات .

**om ayoub** · 13-10-2006, 07:39 PM

كتبت بواسطة البشاري كوم

اخواتي الحبيبات ارجو منكم ان تعطوني طريقة البسيسة انا جبت كيلو حمص وكيلو عدس ونص كيلو حلبة ...ارجو توضيح المقادير والطريقة الله يجزيكم خير ..ولكم احلى تحية من ليبيا المحبة لابنائها

شوفى اختى زى ماقالت لك الاخت رواد كل منطقة تختلف عن التانية و انا نقول لك عن طريقتى و احنا مانحطوا فيها حلبة

لآنها تخليها مرة ... امتع العصيدة هى اللى انديرولها فى الحلبة و هدة طريقتى
بما انك جبتى كيلو حمص و كيلو عدس جيبى كيلو فول مدشش و حوالى 3 كيلو حبوب طعام و كوب اكليل الجبل و كوب زعتر بس مايكون الكوب كبير هلبة و كمون الخبزة و الكمون الحلو الحبة الصغيرة و كثرى منهم حوالى كوب و نص الى كوبين من كل واحد و كوب من حبوب الكسبر
طبعأ لازم يكونوا محمصين و تقدرى تحمصيهم فى الحوش و ترفعيهم للمطحنة عشان يطحنهم لك وخلى بالك لازم توصيه على اساس انها بسيسة لآن فى منهم يطحنوها و تقعد حرشة هلبة فالآحسن تكون ناعمة شوى و بعد تطحنيها تحطيلها السكر الناعم على حسب الرغبة ... و لو تبى تحتفظى بيها لفترة طويلة خليها من غير سكر و حطيها فى الفريز و لما تبى تاكلى ضيفيلها السكر الناعم و صحتين على قلوبكم
و اى سؤال انا حاضرة

سلامى ليك و لبلادى الغالية و الله استاحشتها هلبة الله يرجعنا ليها سالمين اميييييييييييييييييييين

**جباليه** · 13-10-2006, 11:20 PM

سامحين كونت بنرد عليك بس منعرفش طريقه مزبوطها قولت نكلم امي ونقولك لنها ربي يحفطها امي دير غيها وتوا هم بعتهالي في البريد علي خاطر رمضان بس قولت نرد عليك حتي لو معنديش وكيف قالت الاخت رواد بس حني نديرو في حلب بس مش نص كيلو هلب هني امي شكرها الكبر دير فيها نص كوب حلب ديرفيها مش طعم بس

**نيهومة** · 14-10-2006, 01:20 PM

كتبت بواسطة RAWAD

معليش انى رديت عليك
بصراحه نسأل الوالدة و نرجع انرد عليك ان شاء الله ..
بس لازم تعرفى ان كل منطقه ايديروا فى البسيسه بشكل . بل ان فى المنطقه الواحدة ممكن تختلف حسب العائلات .

ألاخت الغالية RAWAD شكرا على الاهتمام وتو نرجا لحد ما تسالي الوالدة الله يخليها ..

**نيهومة** · 14-10-2006, 01:24 PM

كتبت بواسطة om ayoub

شوفى اختى زى ماقالت لك الاخت رواد كل منطقة تختلف عن التانية و انا نقول لك عن طريقتى و احنا مانحطوا فيها حلبة

لآنها تخليها مرة ... امتع العصيدة هى اللى انديرولها فى الحلبة و هدة طريقتى

بما انك جبتى كيلو حمص و كيلو عدس جيبى كيلو فول مدشش و حوالى 3 كيلو حبوب طعام و كوب اكليل الجبل و كوب زعتر بس مايكون الكوب كبير هلبة و كمون الخبزة و الكمون الحلو الحبة الصغيرة و كثرى منهم حوالى كوب و نص الى كوبين من كل واحد و كوب من حبوب الكسبر
طبعأ لازم يكونوا محمصين و تقدرى تحمصيهم فى الحوش و ترفعيهم للمطحنة عشان يطحنهم لك وخلى بالك لازم توصيه على اساس انها بسيسة لآن فى منهم يطحنوها و تقعد حرشة هلبة فالآحسن تكون ناعمة شوى و بعد تطحنيها تحطيلها السكر الناعم على حسب الرغبة ... و لو تبى تحتفظى بيها لفترة طويلة خليها من غير سكر و حطيها فى الفريز و لما تبى تاكلى ضيفيلها السكر الناعم و صحتين على قلوبكم
و اى سؤال انا حاضرة

سلامى ليك و لبلادى الغالية و الله استاحشتها هلبة الله يرجعنا ليها سالمين اميييييييييييييييييييين

شكرا اختي الغلية ام ايوب على الاهتمام وانشاء الله نجربها ..وندعيلك..
وانشاء الله يارب ترجعي لنا بالسلامة ..واي خدمة من بنغازي تفضلي ..وكل عام وانت بخير

**نيهومة** · 14-10-2006, 01:27 PM

كتبت بواسطة جباليه

سامحين كونت بنرد عليك بس منعرفش طريقه مزبوطها قولت نكلم امي ونقولك لنها ربي يحفطها امي دير غيها وتوا هم بعتهالي في البريد علي خاطر رمضان بس قولت نرد عليك حتي لو معنديش وكيف قالت الاخت رواد بس حني نديرو في حلب بس مش نص كيلو هلب هني امي شكرها الكبر دير فيها نص كوب حلب ديرفيها مش طعم بس

شكرا اختي الغلية على الاهتمام ..وانشاء الله يارب يخليلنا الوالدة ويطول في عمرها ..واي خدمة من هنا انا جاهزة ..

**marwa sabry** · 14-10-2006, 02:20 PM

شكرا اختي

**om ayoub** · 14-10-2006, 07:06 PM

شكرا اختي الغلية ام ايوب على الاهتمام وانشاء الله نجربها ..وندعيلك..
وانشاء الله يارب ترجعي لنا بالسلامة ..واي خدمة من بنغازي تفضلي ..وكل عام وانت بخير

العفو يا حبيبة ... جربيها و اكيد حاتعجبك و خبرينا شن صار معاك
و مشكورة عالدعوة الحلوة ... و تسلمى يارب انت و اهل بنغازى اهل الكرم
و انت بألف خير
تحياتى لك و لآهل ليبيا