فانتا .. بتحصل كتير باكتب الرد وبيختفي
المهم الهندباء اروع شيء للريجيم وخاصة البرية

صحتين وعافية على قلبك

ام الشهد والعسل
تسلمي يارب
بانتظار اطباقك الشهية التي تكتسح ما امامها من اطباق ..
لا تتأخري علينا فموسم الهندبة قصير هون بس وقت الشتا وبعدها بح.
جربتي سلطة الهندبة.

كلامك صح وعود ،
سألت أمي قالت اللي البقلة غير الهندباء بس فتحتي نفسي عليها ...
رح أشتريها من السوق و أخللي أمي تعملها...
الخبيزة تصدرت عند أمي .....
و هي رح تعملها و أنا أكلها .. ههههه
و الله مش قادرة لا على طبخ و لا نفخ ......
التعب هالكني و أنا على أبواب الشهر التاسع ...
ادعولي أقوم بالسلامة ....
يا رب

يا ربي تقومي بالسلامة واجي ابارك لك بس ما فيني اطلع لك ست ادوار
كيفك دعاء اشتاق لك المنتدى.

ولو يا وعود..اكلاتك الطيبة خلتنا بس طلاب وانت المعلمة.."معلمة بالعربي مش بالمصري"
بتصدقي بكندا الخضرا والفواكه عندنا صيف وشتاء بس للصراحة خضروات ابلادنا لايعلا عليها..هون بكندا ابيزرعوا اغلب الخضرا وبيشبعوها ماء فطعمها ما بيكون طيب زي عندنا.
مثلا الفجل عندنا مابيحرق بالمرة مش زي فجل بلادنا .

صلطة الهندباء اكيد طيبة وممكن كمان تخلطي الهندباء المسلوقة مع حشوة السبانخ وتحشي فيها المعجنات يميم.

مرحبا ياستات يا حلوين
وتسلملي الهندبة واللي بيسووها انا من رام اللة وابنحكيلها هندبة بس جوزي من حيفا وبيسموها علت
وبس نعملها بنقلب البصل الشبر بزيت الزيتون الى ان يصبح ذهبي وبنضيف علية الهندبة بعد ما نكون فرمناها وغسلناها كويس وبنضيف الملح والفلفل الاسود وبكل شوي بنقلبها الى ان تتشرب المية وتنشف شوي وعند التقديم نعصر عليها ليمون
وعود تسلمي على الطريقة الحلوة وبس ييجي الشتا رح اجربها بطريقتك
دعاء فلسطين اللة يقومك بالسلامة ويقومنا معك يا رب

مش قلت يا ام الشهد انك ست بيت درجة أولى
يعني من غير اضافتك كيف كنت راح اعرف ان الهندباء ممكن ينعمل منها فطاير
للمطبخ طيرااااااااااااااااااااااااااااان

الفلسطينيبة .. يا ام عمر بس تقومي بالسلامة ان شاء الله بدنا هندبة من تحت دياتك .

آآآآآآآآآآآآآخخخخخخخخخخخخخ

فتحتوا نفسي على الأكل . ما تعرفوا قديش نفسي أكل البقله و الخبيزه بس للأسف مش موجودين هون و موسمهم صيفي يعني مستحيل ألحقهم بالبلاد صحتين و هنا غلى كل الي جربوها .

وعووووووووووود ..الهندباء هي نفسها البقله؟؟

يا ستي هون مافي بقله بس مره كنت زارعه ورد و مات الله يرحمه و طلع مكانه بقله و جوزي اشتهى عليها و ظل يحكي احصدي بقلاتك يا مره و اطبخيهن خخخخخخخخخخخخخخ قلت له يمكن مسمم مو طبيعي ..قال ما عليكي اطبخيهن و طبخناهن...انا خفت اكل منهم لاموت شهيده البقله

يا عيني على العلت (الهندبه )ما أطيبه من تحت إيديكي يا وعود ياااااه
الله يسهل عليها إمي دايما بتعمله لأختي بتموت عليه و أنا كمان
ياااااااااااه يا رب يصحلي أروح على الأردن السنه علشان آكل من تحت إيدين إمي علت و خبيزة و عكوب