بسم الله الرحمن الرحيم السلام
السلام عليكم ورحمة الله وبركاته
انا صحيح زعلانه منكم جدا عشان محدش رد عليا فى طريقه الكبه وخصوصا اهل الشام لكن هقولكم على اكله حلوه مووووت يارب تعجبكو

فتة الشاورما
اولا المقادير
هى مشهتكون بالظبط بس اى ست بيت هتعرف ايه الكميه المناسبه لاسرتها
فرختين
رز
بصل
طماطم
طحينه
فلفل اخضر
خبز
اولا طريقه الشاورما

نقطع حوالى 3 بصلات كبيره شرائح رفيعه وكذلم نقطع حوالى 5 فلفلات حجمهم متوسط لشرائح نفس شكل البصل
وكمان نقطع اربع طماطم قطع صغيره
فى حله متوسطه نحط زيت حوالى كوب حتى يغلى بعد كده نضيف البصل وبعد تقليبه لمده 8 دقايق نحط الفلفل وبعد 5 دقايق نحط الطماطم ونتركهم يتسبكوا شويه يغلوا يعنى
فى نفس الوقت بنكون قطعنا الفراخ قطع صغيره طبعا وهى نيه يعنى من غير سلق ولا اى حاجه
وبتكون طبعا مخليه من اى عضم
***** لما البصل والفلفل والطماطم يبداو يستوى نضع كميه الفراخ عليهم مع نص كوب ماء
وطبعا مش هوصيكم بالبهارات
ملح--فلفل اسمر--كمون--- قرفه مهمه اوى معلقه كبيره---ولالالالالالالالالالازم معلقتين كبار كاري
نقلب الخليط كله لحد اما الشاورما تستوى كويس

طريقه الرز
انا مش عارفه هتعملوا مقدار اد ايه بس لو كان 4 اكواب رز مثلا
انتى اطبخيهم عادى مع اضافه حاجه بسيطه
طبعا لما الشاورما بتستوى بيكون لها صوص الصوص دا بناخدوا ونحطه فى الماء المضاف للرز
يعنى لو الصوص دا كبايه مثلا بنضيف 3 اكواب ماء +كوب الصوص لل4 اكواب رز
وانا مثلا بكون نقعه الرز فى ماء سخن وبعدين اغلى الماء بتاعه واضيفله 3 ملاعق كارى +ملعقه صغيره ملح لما الماء يغلى اضيف الرز واسيبه لحد اما يستوى
طريقه عمل الخبز

نقطه حوالى 3 ارغفه خبز ونضع فى صنيه ملعقتين زيت لحد اما يسخن الزيت نضع الخبزالمقطع لقطع صغيره ونضع عليه حبة بهارات وعشان طعمه يبقى خطير ممكن تحطى عليه معلقتين صوص من الشاورما
ونفضل نقلبه لحد اما ينشف ويبقى مقرمش

اخيرا نعمل الطحينه
طبعا الطحينه كلنا عارفينها طحينه وماء وخل ولمون وبهارات وزيت زتون وتوم وبنقلبهم على بعض لحد اما يدينا القوام الى عايزينه

[COLOR=Red]اخيرا طريقه التقيم[/COLOR]

انا بقدمها فى طاجن فخار كلنا طبعا عارفينه
اول حاجه ندهن الطاجن بالطحينه
بعد كده نحط طبقه من الخبز
ثم طبقه من الرز وفوقيها طبقه من الشاورما
بعد كده نعيد الطبقات تانى يعنى
طحينه --خبز--رز--شاورما
ممكن نجمل الطاجن بالطحينه حبه بقدونس

انا عارفه انى طولت عليكم بس دا طبق جنان محدش كله الا واتجنن عليه
بس لازم كل حاجه تكون سخنه ويتقدم على طول
بالهنا والشفا
بس ربنا يخليكوا حد يقولى الكبه بتتعمل ازاى

فوفو

الله يعطيك العافيــــــــــــــــــــــه ،،،،

شكلها لذيذ جدا..

تسلم الايادي

تسلم الأيادي

أموت في الشاورمة

ربنا يخليكوا يارب
شكرا على الرد
والله مش مصدقه انها عجبتكوا

ان شاء الله اجربها في اقرب فرصة

السلام عليكم ورحمة الله وبركاته
ماشاء الله لاقوة الا بالله فعلا طبق مميز وشرح واضح جزاك الله خيرا وان شاء الله اجربها

تسلم يدك شكلها رااائعه
اجربها انشاء الله

اختي العزيزة نحية وبعد
لا تزعلي عشان ماحد رد عليك في المرة الماضية من اجل الكبة انصحك ان تذهبي الى صفحة منى صابوني
وستحصلين على ما تريدين
وسلمت يدك على الوصفة ساجربها

مرسي ياداليا على ردك عليا
بس فعلا فى اخوات ردوا عليا وعملتها وطلعت حلوه اوىىى