زبدة الثوم .. بنكهة مختلفة كل مرة

**وعود الخير** · 24-07-2005, 03:19 PM

السلام عليكم يا احلى صبايا وستات

اليوم عندي زبدة بتنفع للمشاوي والاسماك
والنكهة تختلف حسب نوع الاعشاب المستخدمة
واهم شيء سهلة وما بدها وقت طويييييييييييييل

المقادير
نصف كوب زبدة
ملعقة طعام بقدونس مفروم
أو نعنع مفروم
أو شبت -شبنت مفروم
أو حبق - ريحان مفروم
ضرس ثوم
رشة ملح

الطريقة:
* نخرج الزبدة من الثلاجة ونضعها في درجة حرارة الغرفة إلى أن تصبح طرية فنضعها في طبق
* ثم نقوم بهرس الثوم مع الملح واالاعشاب المستخدمة جيداً بمدقة الثوم ، ثم نضيفهم إلى الزبدة
* نخلطهم جيداً معاً حتى يمتزجوا..
* نضع الخليط السابق على ورقة قصدير او ورقة الزبدة نفسها
* ونشكلها على شكل عامود ثم نغلقه من الطرفين مثل قالب الزبدة اللورباك الحجم الصغير
* نضعه في الثلاجة إلى أن يجمد مرة أخرى
* عند الا ستخدام نخرجه ونقطعه على هيئة حلقات ويقدم مع المشاوي والأسماك

وصحتين وعافية

منقول بتصرف وبعد تجربته ..

**ام سمية** · 24-07-2005, 06:30 PM

يا سلام الريحة واصلة عندي
كان نفسي في هذه الوصفة من زمان
وعود من اين تحضرين الشبت ..دخت عليه ما حدا هون بيعرفه ..,وصيت امي تحضر لي بذور معها وهي قادمة لازرعها هنا
فهل يمكن ان القاه مثلا عند العطارين
والاعشاب تكون ناشفة ام خضراء ؟؟
وسلمت يداك

**طيـــف** · 24-07-2005, 10:18 PM

شكلها فعلا رائع ياوعوده

ياسلام مع سمك مشوي بتطلع رائعه
وانتي عارفه ضرتك بتموت بالماكولات البحريه

يسلمو ايديكِ ياقلبي

**رندوش** · 25-07-2005, 10:02 AM

وعود تسلم الايادي وبارك الله فيك

فكرة الاحتفاظ فيها جديده و بتنفع بالزنقات

**وعود الخير** · 25-07-2005, 10:17 AM

ام سمية هلا يا عسل كيفك وشو اخبارك

عيوني .. الشبت معروف في غزة باسم جرادة خضرا .. ممكن يكون نفس الاسم عندك
والبذور بتلاقيها عند العطار بس قولي انك بدك عين جرادة او بذور الشبت او الشبنت
ويا ليت في حدا نازل لعندكم من عيوني.. احلى حزمة شبت ...
والاوراق بتكون خضراء يانعة .. فيك تعمليها باي نوع من الاعشاب
انا مرة عملتها بالزعتر الاخضر وكانت طيبة لدرجة ان اولادي دهنوا فيها الخبز ..

رندوش... تسملي هالطلة

جربيها طيبة مع الخبز بالتوم

طيف .. شرفينا بزيارة .. ولو غزة اهل السمك (كان زمان.... وجبر)مش هندسة..

يسعدكم ربي طيف ورندوش وام سمية القعدة معكم بترد الروح

**طيـــف** · 25-07-2005, 10:19 AM

انتي عارفه اللي فيها ياوعود!
والله لو يحكو لي فيها ماس ومرجان!
هبله انا! اروح لعوعو باجررررررري

حسبي الله عليه

**وعود الخير** · 25-07-2005, 10:36 AM

محشومة يا درتي..
كله في ميزان حسناتك ان شاء الله
والعوعو... في منه كثيييييييييييييييييييييييييييييييييييييييييييير
حسبنا الله ونعم الوكيل...

**أم أيموني** · 25-07-2005, 11:46 AM

لك عيني عليك يا وعود وعى طلاتك ووصفاتك الحلوة .. هاي الزبدة عملتها وحطيتها بالفزيزر .. مش ممكن مع البيض المقلي .. والشيش طاووق .. والرز.. ما أزكاها ..

لك يعطيك ألف ومليون عافية ..

**وعود الخير** · 25-07-2005, 12:32 PM

واو يا ام ايموني
تسلميلي وتسلم طلتك الحلوة
اضافتك ولا اروع
اليوم ان شاء الله تعالى راح اعملها مع البيض المقلي
تسلمي يارب...

**أم بندق** · 25-07-2005, 09:01 PM

وعود الخير0000000ما شاء الله عليكى حبيبتى

تسلم ألايادى على هذه الوصفة الحلوة
لأ0000وكمان نحتفظ بها لوقت الزنقة

أن شاء الله أجربها
وطالما من أيد وعود

فأكيد النتيجة مضموووووووونة