أحلى و أدسم فطور مع لصورة

**malak_alssalam** · 08-07-2005, 05:02 AM

بسم الله الرحمن الرحيم
السلام عليكم ورحمة الله وبركاته
اليوم إن شاء الله رح أعطيكم وصفة فتة الحمص الأصلية و هذة ال طريقة أخذتها من جدتي الله يرحمها و ما في حدا داقها إلا و أخذ الطريقة و عن جد هي بتشهي كتييييييييييييييير
بسم الله نبدأ:
المقادير :
حمص حب بتنقعيه في ماء لمدة 8 ساعات و بعدين بتسلقيه بطنجرة الضغط لمدة ساعة
عصير ليمون
سن ثومة
طحينية
خبز مقطع قطع صغيرة
ملح
لحمة مفرومة ناعمة
زيت زيتون أو سمنة بس الزيت أخف
بقدونس مفروم ناعم
صنوبر
شطة
الطريقة :
بعد ما تنقعي الحمص و تسلقية بكمية ماء كافية بتجيبي وعاء التقديم و بتقطعي الخبز فية و بتمرقي له من مية سلق الحمص لحد ما يتشرب الماء و يسير مبلول منيح و بتتركيه على جنب بعدين بالخلاط حطي الحمص الحب +الثوم المدقوق +الملح+الطحينية +عصير ليمون و زيدي شوية حتي بيعطي حموضة للفتة غيرشكل و طعم كتيييير طيب
و بعدين بعد ما تخلطي الحمص كويس في الخلاط خذي نصف الكمية و أخلطيها مع الخبز منيح و النصف التاني من الحمص افرديه بالملعقة كويس على وجه الخبز بس خليه يغطيه منيح و بعدين قلي الصنوبر بزيت الزيتون و قلي اللحمة المفلرومه بزيت الزيتون و بعدين زيني الوجه بالصنوبر و اللحمة و البقدونس و شوية شطة و كمان رشة زيت زيتون و قدميها مع المخلل و الشاي و بتمنالك أحلى و أدسم فطور و مية صحة و هنا و سامحوني أذا الصورة مش واضحة
.

**malak_alssalam** · 08-07-2005, 05:28 AM

**وعود الخير** · 08-07-2005, 05:32 PM

لك يسلموا هالديات يا ملاك السلام
بتعرفي انا عندي اختلاف بسيط
عادة باضيف شوية ثوم ناعمين مع عصير الليمون للخبز المقلي لما باشربه بمية الحمص المسلوق

بس بجد فطور ملوكي وبيصلح للعشا كمان

طيف تسلمي على تعديل الصور درتي المتلألأة.