©ˆ~¤®§©]§]..... كلام نواعــم .....لدردشه سيدات المطابخ §]§[©§®¤~ˆ©

**طيـــف** · 13-05-2005, 05:21 PM

هلاوغلا ام عبدالله
هلاء بس دريتي عن الموضوع
يووووووووو قربنا نوصل لاخر حلقه

لبلبه اهلا وسهلا اطمني حبيبتي القط يل بعض عن باب المقبلات دبحناه
بس تعي لعنا

**طيـــف** · 13-05-2005, 05:22 PM

هلا والله ايمان حمدلله على السلامه حبيبتي

اخبارنا من الله بخير

احكي لنا عن اجازتك ورحلتك

**طيـــف** · 13-05-2005, 05:23 PM

ام عبدالله
والله وووصلتي ادافع عن كريس
المشكله بعرف لبلبه حبيبتي قلبي محكمتها جنه
وكريس كمان عزيزه وغاليه
فالطيبين ماراح يهون لهم في بعض ولو

**وعود الخير** · 13-05-2005, 05:34 PM

مرحبا صبايا

كلمتين عالسريع
منورين

طيوف ضرتي لمين تاركة الجلي وقاعدة ترغي هون

ام بلال .. منورة

بلبل... يا ميت اهلا وسهلا بالحلوة والحلويات كلها

وعلى فكرة
هنلي بتسلم عليكم وحده وحده وبالاسم..

**طيـــف** · 13-05-2005, 05:46 PM

يلا جاي ضرتي حبيبتي.... وسعو المطبخ وصلت

بس غدوت اليوم ماعجبتني

انا مشيتها بس علشان ابو الشباب بس مره تانيه اعترض

**وعود الخير** · 13-05-2005, 06:35 PM

ما شي ضرتي سجليها عندك

ليش ما عجبك الغدا..
انا رديت عليك بس النت تعاطف معك وفصل
وكل شوية بيفصل وبطيء بشكل
المهم راح عيد
الغدا ليش ما عجبك
عملت لك برياني خضار مع هوت صوص
وسلطة ملفوف.. وسلطة خضار بالريحان
وشوربة شعيرية
ودجاج محمر في الفرن

وعصير ليمون بالنعناع
والحلو كنافة عربية مع وربات بالقشطة.. شو يللي ما عجبك ..
نسيت كمان سمبوسة برزايلي من ابتكار كريس الله يمسيها بالخير.

**a&a** · 13-05-2005, 06:50 PM

ماشاء الله يا وعود ...كل هذا عشان اليوم الجمعه ...والا ايش المناسبه

ماعليك من طيف

طيب انا بيعجبني

ممكن اجي بدالها

**نور لك** · 13-05-2005, 06:58 PM

السلام عليكم ورحمة الله وبركاته

يسعد صباحكم من الله يا حبيباتي يا حلوين كيف اصبحتو ؟؟؟

جيت ركض على ملى وجهي سامعه لبلبه بتنادي حبيبتي لك بتموني مش بس ترفعي قضيه بتموني تعملي ما بدالك وكمان ما بدي محامي هههههه مسلمه من اولها ..
عيوني الك قلبي امري وانا انفذ شو اعمل؟؟؟؟؟؟؟

بانتظارك يا عسل ...

a&a الله يسامحك يا حبيبتي شو عملتلك انا اه شو هيك على طول للبلبه بسيطه راح ردلك ياها طولي بالك علي ...

صبايا اسفه لبلبه شدتي على السريع وقضيه كنت حابه خلص معها اول ...

هلا طمنوني عنكم يا امرات يا حلوات

طيف يا عسل كيفك البي سامحيني هداك اليوم ما قدرت ارجع كتير تاخرت لوصلت البيت كان البنات عندهم نشاطات بعد المدرسه .
المهم طمنيني عنك مشتقتلك كتير يا محتاله هيك خليتيني استناكي وما جيتي الله يسامحك.

وعود الله يعطيكي الف عافيه يا رب باين عليكم مشغوله ..

ايمان نورت لك يا البي حسينا حالنا ناقصنا شي بغيابك الله يسعدك وما يحرمنا من هالطله ..
خبرينا شو صار معك.

جبل النور كيفك حبيبتي الله يسلمك يا رب ويخليكي اشكرك على اهتمامك فيني ..

بنونه يا عسل احرجتيني ووجهي صار احمرررررررررررررررر .. الله يسعدك حبيبتي .

سندريلا السكره كيفك يا البي ؟؟؟

تطوان طمنينا عتك يا غاليه .. الله يسعدك ويسلمك ولو هذا بعض ما عندكم حبيبتي .
بالنسبه للراوبط ما في هههه معظمهم روابطهم بعقلي بس ننتطر نشوف حكم المحكمه من لبلبه وبعدها تكرم عيونك ..

الفتاه الطويله يا طويلههههههههههههه .. شفتي بالله والله كان وضعي لا احسد عليه نحمد الله انه راح بس اتمني اعيد العمره مره تانيه يا رب . تحياتي لك يا قمر .

ام زيد
سوسو فوفو
ام سميه
لنلون

وينكم حبيباتي ان شاء الله خير .يا رب ما كون نسيت حدا لو نسيت تكون غلطه مطبعيه لكنكم بالقلب يا قلبي انتو ..

ادعولي يكون الحكم مخفف من لبلبه يا رب يا رب .

**نور لك** · 13-05-2005, 07:04 PM

لا لا لا ولو كل هذا يا وعود وما ناديتيني الله يسامحك ..
طيب بس ناديني وانا اجلي وامسح واعمل شو ما بدك شط ريقي على هالصبح ..

ما خبرتيني كيف السمبوسه الله يسعدك خبريني لانه ما حد طمني عليها مع اني كتير بحبها وما بحسها بتشرب زيت صح ؟؟

قولي رائيك بصراحه وشو حشيتيها ..

ههههههه ما صدقت الغالبه عالمه شي من وصفاتي لولولولولوليششششششششششششششش

بانتظارك

a&a ما في تروحي فتنتي علي اههههههههههههههههههههههه ما في

انا رايحه
الله يسعدك طمنيني عنك . والله انه كلكم عسل بشهده

**لبلبة** · 13-05-2005, 07:43 PM

ادعولي يكون الحكم مخفف من لبلبه يا رب يا رب .

شوفي حكمت المحكمة حضوريا على المدعوة " وحدةمصدقة نفسها إنها قاضي " كروسة بطبق حلا عالمي ويكون عليه

تصويت من الأخوات الحاضرات في هذه القضية .

إذا التزمتي بتنفيذ العقوبة أطلقنا سراحك ............. علم وعلى الجهات المعنية بالأمر مراقبة المتهمة بالتنفيذ