مكدوس الفااااااصوليا مافي اروع من هيك

**fofo166** · 09-01-2005, 08:35 AM

اليوم جايبتلكم وصفة كتير طيبة ويمكن جديدة ولو اني دايما بفكر وصفاتي جديدة وبالأخير بتطلع مش هيك .
خلينا في الموضوع ، وصفتنا هي
مكدوس الفاصولياالمقادير :
فاصوليا خضره منظفة ومقطعة
ثوم ، جوز ( عين الجمل )
ملح وملح ليمون .
زيت زيتون وللي بيحبوا الفلفل يضيفوا حسب ما بيحبوا
فلفل أحمر أو اخضر بس يكون مفروم .
الطريقة :
نسلق الفاصوليا نص سلق وبعدين نصفيها مزبوط لأن المي بتخليها تعفن بسرعة.
نفرم الثوم والجوز ونضيفه للفاصوليا ومعاه الملح وملح الليمون والفلفل
ورشة زيت ونخلطهم كويس .
نحطهم في مرطبان ونصب عليهم زيت الزيتون بس للنص في
أول مرة لأنه بيفور وتاني أو تالت يوم بنغمره بنغمره كله .
بنخليه يومين او تلاته يتخلل أو ممكن تاكليه في لحظتها
إذا كنت متهوسه للطعم . رائع جدا وطعمه زي المكدوس .
مابدي تقرأوا من غير تنفيذ ...
انتوا الخسرانين وبتروح عليكم <<<<<<<واثقة من نفسي كتير

**ورده وفاء** · 09-01-2005, 01:18 PM

مشكورررررررررررررررررررة
نتمنى لك المزيد

**وعود الخير** · 09-01-2005, 05:33 PM

شوفي يا ست فوفو .. هو من ناحية طيب مافيها كلام

بس العيب الوحيد انه لا يمنكن تخزينه لفترة طويلة .. وبس
وراجعة لك ان شاء الله تعالى.

**وعود الخير** · 09-01-2005, 05:38 PM

مكدوس الفاصولية

على هذا الرابط سبق للأخت estrllas
ان وضعت طريقة مشابهة..

مع الشكر للأخت فوفو...

**لبلبة** · 09-01-2005, 06:16 PM

شكرا أختي على هاي المكدوس

ولو إن وجهي مو وجه وحدة ممكن تقدم على هاي الخطوة الخطيرة ( عمل المكدوس )

عندنا مثل يقول (إعط الخبز خبازه حتىلو أكل منه ) يعني لا تجازف بعمل شيء قد لا تتقنه دعه للمتخصصين فيه

المهم تسلم يدك ( طولنا عليك )

**لنوشه** · 09-01-2005, 09:29 PM

هذه اول مرة اسمع بمكدوس الفاصوليا
تسلم ايدك يا فوفو
بس بصراحة باين انو صعب و كمان ما بيتخزن كتير
جزاك الله خيرا

**fofo166** · 10-01-2005, 10:08 AM

الف شكر عزيزتي وردة وفاء على المرور .

وبما انك دخلت موضوعي رح اكشف لك سر .......

القسم التاني من اسمك هو اسمي الحقيقي .
بس مو تستلميني بعدين ،،، كل ما تدخلي موضوع انا منزلته تطلبي مني
اكشف سر جديد ...

اهلين حبيبتي وعود

شفتي ؟؟ انا حكيت من أول .. دايما بفكر حالي جايبة شي جديد وجايبة راس كليب

بعدين !!!!!!!!!!

بطلع نص البنات عارفينها
النص يعني ، علشان يكون موضوعي لسة جديد على ناس تانيين .

لبلللللللللللوب ولنووووووووشة !!!!!!!!!!!

ولو .... كل هالشطارة ماشاء اللة تبارك الله وبتحكوا لي هاي الطريقة
صعبة ؟؟؟؟؟؟؟

اسهل منها مافي خصوصا إذا سلقت الفاصوليا بقية الطريقة مابتاخد معكم
نص ساعة ، وكيف ماعملتوها بتزبط

ياللا مابدي دلع وورجوني شطارتكم .

**وعود الخير** · 10-01-2005, 10:14 AM

يا احلى فوفو
انا وضعت الرابط لزيادة الاستفادة ليس اكثر
وكل شيء منك جديد خاصة وان هناك اخوات اشتركن مؤخرا في المنتدى
بانتظار الابداعات منك يا ..... النص الثاني
وكل مرة بدنا سر جديد...