السلام عليكم
كبفكم بنات ؟
حبيت اوريكم الجبنة اللي بساويها دائما و اكتب لكم طريقتي في عملها
و يا ريت كل وحدة تدخل و تكتب كيف بتعمل الجبنة
اول شي بغلي الحليب و لما يبدي يغلي , بحط نص كوب خل ابيض و بحرك
و بعد هيك بصفي الخليط في مصفاة عليها قماشة
و بعصرها منيح و بحط عليها شي ثقيل مثل طنجرة لمدة نصف ساعة
و بقطعها و بحطها في الثلاجة بنفس الماء اللي نزل منها مع الملح طبعا
و بس
و هي الصورة
و اتا بانتظار ردودكم

يا عين عليك يا ست لنوشة
وانا اول وحدة اشكرك على الطريقة
بس عادة ما باستعمل الخل ( أو الليمون)الا في الحالات الطارئة يعني اذا بدي جبنة للقطايف او الكنافة وكنت مستعجلة
شوفي ياستي انا باعملها بطريقة الجبنة النابلسية
واذا ما توفر حليب الغنم باعملها بحليب بقري
بس بأضيف قرص منفحة(مساة) وبأشتريها من الصيدلية
وتقريبا نفس طريقتك

الله يرضى عليكي يا وعود نفس طرييقه امي كنت اشوفها في الزمنات تسوي هيك تحط قرص بس ما بعرف شو هو
كانت تقول هذا قرص مخصوص للجبنه
بس احكلولي شو طريقتكم في تخزين الجبنه
يعني بعد ما تعملي هذه الخطوات وبدك تخزنيها احنا بنشتريها معموله وجاهزه بس بتكون طريه
وهي طريقه التخزين
بتجيبي الجبن سواء كان طري كثير حلو يعني او نص طري يعني فيه ملوحه وبترشي عليه ملح بكميه كبيره جدا كثري ملح قد ما تقدري لانه بيساعد على حفظ الجبنه لفتره طويله
وتضعيها في مصفى او اي اشي علشان تنزل المي منه وبعدها طبعا حطيه في الثلاجه وبعدها سخني ماء وفيه ملح
بطريقه البيضه -- جيبي طنجره وحطي فيها ماء وحطي ملح وجيبي بيضه نظيفه وضعيها وشوفي اذا طفت البيضه على الوش بيكون الملح مليح واذا لما تطفوا زيدي ملح -- طبعا جهزي صرر صغيره قطعه شاش وفيها محلب ومستكه وسكري الصره وضعيها في الماء المغلي
واغلي الجبن في الماء بعدها اخرجيه ورصيه شويه وحطيه في برطمان نظيف فيه ماء وملح وصرر المسكه والمحلب وعلى الوجه طبعا ماء بيكون ضعي كيس علشان الجبن ما تلامس السطح اللي ما بيكون فيه ماء وملح
وخزنيها ورح تبقى سنه
بس بشرط لما تطولي من الجبن طوليها بالشوكه وتكون نظيفه يعني مش باليد

ماشاء الله عليكي أختي

تسلمين ..

الله..من فترة طلبت منفحة عن طريق الانترنت..و عملت جبنة فيتا و صورتها لانزلها بالمنتدى لكن الحمدلله و لا صورة طلعت واضعة ..و اللي عملتها انا جبنة الفيتا
بسخن الحليب شوي و اضيف منفحة..و طيعا تترك الى ان تصبح زي الجيلاتين و من غير من حرك الطنجرة و طبعا تكون مغطاة و بعدين تقطع مكعبات و هي موجودة بالطنجرة و تقلب و تصفيها بشاش و ترشي عليها ملح و نضغط عليها بشي تقيل و بس تتصفى و تجمد تقطع و توضع بماء مملح
و بس

ما شاء الله تصدقون توي ادري ان فيه احد يسويها بالبيت

اختي لنوشه وش الحيب الي بتحطي بودره يعني ؟؟

وكم المده الي تتركيه على النار ؟؟ليما يتتخثر ولا كيف ؟


اعذروني ما اعرف شي بالجبنه غير الي يجي من السوبر ماركة

الله يعطيكن العافية كلكن


والله استفدنا منكن طرق عديدة


ودي أجربها لأن الوحدة لما تصنع الشي بإيدها تستطعمها وتفتخر قدام زوجها إنها انسانة منتجة بحق وحقيق

يا هلا ولله
وعود الخير
الله بسلمك و سعدت بمرورك
امي كمان تعمل بطريقتك بس مثل ما قلتي انو هذه الجبنة سريعة و مع تاتطفال بدنا شي سريع

هنلي
يا اهلين و سهلين بست الكل
انا بصراحة ما بخزن و دائما بعملها طازه
بس ان شاء الله بجرب طريقتك
و شكرا على مرورك

جنان
الله يسلمك و اسعدني مرورك

ام مودي
يا خسارة و الف خسارة على الصور و يا ريت تعمليها مرة تانية و تورينا
و باين انها لذيذة
سررت بمرورك

يا هلا الـ طبعي ـود
الحليب اللي استخدمه هو حليب بقري و بحط كالون حليب وزنه 3ليترات و نص و ممكن تضيفي شوية حليب بودرة او حليب مكثف عشان تكون ادسم و اطيب يس كدة كمان تكون لذيذة
و بحط الحليب على النار و لما يبدي بغلي بحط عليه نصف كوب خل ابيض او اقل حسب نوع الخل و بحرك
راح تشوفي انو يصير الحليب يتخثر زي ما قلتي و راح احطلك صورته لما يتخثر و ترفعيه و تفرغيه في قطعة قماش نظبفة و تعصريه
و لو حابة اصورلك كل الخطوات انا حاضرة
و شكرا على مرورك

لبلبة
يا هلا فيكي و اسعدني مرورك
فعلا التفاعل بيت الاخوات مفيد جدا
و كلامك صحيح ما في احلى و الذ من الشي اللي بتعمليه بنفسك و تقدميه لزوجك