هالمره يايبتلكم 4 أنواع سلطات من ألذ السلطات اللي أسويهم بالصور من مطبخي..

**همسة غرام** · 09-09-2006, 01:34 PM

1- الفتوش "هذا روووووووعة ، زوج اختي الصغيرة كل ما يجينا يطلبه من لذته والله مع انه ما ياكل خضرة بالمرة :22: "..

المقادير:
1ك خيار مقطع مربعات صغيرة
1ك طماطم مقطع مربعات صغيرة
1 – 1\2 ك فجل أحمر مقطع مربعات صغيرة
1 – 2 ك بربين "نقطع الأوراق بس"
1 ك بقدونس مفروم ناعم
2 ك خس مفروم
2 م ك نعناع مفروم

التتبيلة:
1 م ص دارسين
1 م ص فلفل أسود
1 م ك نعناع ناشف
ملح
1 م ص بابريكا
1\4 ك دبس الرمان
1\4 ك ليمون
1\4 ك زيت زيتون

خبز محمص مقطع مربعات..

أو نستخدم التبيلة الجاهزة "بدل البهارات" من كنور بالريحان والزعتر " أحلى شي بكل الأنواع عن تجربه" هذي صورتها..

الطريقة:
تخلط المقادير مع بعض وتخلط التتبيلة في وعاء بروحها ونصبها على الخضار قبل التقديم ب10 دقايق أو أقل عشان ما تذبل..

وقبل التقديم مباشرة نضيف الخبز المحمص بهالطريقة بدون خلط وممكن نضيف شوي دبس الرمان على الخبز المحمص إذا تحبون طعمه زيادة "مثلي "..
وهذا شكله الثهائي..

وهذا كان لي عشان جذي زايدة دبس الرمان..

**همسة غرام** · 09-09-2006, 01:35 PM

2- التبولة " ماأعتقد في أحد بالدنيا ما يحبها :42: "

المقادير:
4 ك بقدونس مفروم ناعم
2 ك طماطم مفرومة ناعم
1\2 ك نعناع مفروم ناعم
2-4 م ك بصل مفروم ناعم جدا
1\4 -1\2 ك برغل ناعم "مغسول ومنقوع بماء نظيف"
1\2 – 1 ك عصير ليمون "حسب الذوق <<< أحبها حامضة"

التتبيلة:
2 م ص دارسين
1 م ص فلفل أسود
ملح
2 م ص بابريكا
1\2- 3\4 ك زيت زيتون

الطريقة:
تخلطين المقادير مع بعض وتخلط التتبيلة في وعاء بروحها ونصبها على الخضار قبل التقديم ب10 دقايق أو أقل عشان ما تذبل..

وتقدم إما مع الخس أو الملفوف..

**همسة غرام** · 09-09-2006, 01:37 PM

3- سلطة الجرجير "لذيـــــــذة بطريقة مو طبيعية أول ما تنحط على السفرة يقضون عليها ما شاء الله من لذتها "..

المقادير:
2 ك جرجير "مقصوص العرق فقط"
ممكن تضيفين عليها 1\2 ك حبات الرمان كسبيل للتغير "تطلع رهيبة"

التتبيلة:
1 م ص دارسين
1 م ص فلفل أسود
ملح
1 م ص بابريكا
6 م ك دبس الرمان
6 ك ليمون
6 م ك زيت زيتون

الطريقة:
تخلط التتبيلة في وعاء بروحها ونصبها على الجرجير "وإذا ضفتي الرمان اخلطيها بس حاولي تخلينها باينه ، وشوفي الألوان والطعم" قبل التقديم ب10 دقايق أو أقل عشان ما يذبل وتقدم..

**همسة غرام** · 09-09-2006, 01:38 PM

4- سلطة خضراء..

المقادير:
خيار
طماطم
خس امريكي
بقدونس
خلطة السلطة الجاهزة بالريحان

الطريقة:
نقطع الخيار والطماطم مربعات صغيرة..
نفرم البقدونس والخس ناعم..
نخلط المكونات ونسوي الخلطة "باضافة ماء وزيت عليها" ونضيفها على السلطة مع عصرة ليمون :42: ..

دعواتكم لأبوي الغالي ان الله يشفيه وطولنا بعمره وعمر أمي الغالية..
وان الله يرزقني الــزوج الصالح الغني بدينه وماله وأخلاقه اللي يفرح قلب امي وابوي..
اللهم أميــــــــــــــــــــــــــن ..

**وعود الخير** · 09-09-2006, 01:41 PM

مبروك عليك
وتسلم الايادي

**هنلي** · 09-09-2006, 01:56 PM

سلم هالايدين يا اختي شكلهن روعه

**هنوغة** · 09-09-2006, 08:46 PM

تسلم هالايدين

**عبير القدس** · 10-09-2006, 04:16 PM

اممممممممم
تسلم دياتك هموووووووووووووووووسة كلهم بيشهوااااااااااااااا

**زعفور عباس** · 11-09-2006, 03:27 AM

ميرسي على الطباق الحلوه مشكوره وتسلمين يا جميل

**محبوبة لجين** · 11-09-2006, 05:09 AM

تسلم إيدينك على هالروعة ماشاء الله كل وحدة تقول للثانية أنا أحسن منك ....
وأبوك الله يشفيه وويطول بعمره على طاعة ربه ويخليلكم الوالدة ان شاءالله
ويرزقك الزوج الصالح اللي يسر قلبك إنت وجميع بنات المسلمين يارب ...