انت ياعم يالى فى التوهان ياله فؤ دا بكره رمضان

انت ياعم يالى فى التوهان
ايه ياسيدى خير مالك كده قلقان
اوعه تكون من بتوع البلبعه والبانجو والهزبان
ولا يكون قلب ابوك او امك عليك غضبان

شكلك كدا مابسلم من لسانك وعنيك الجيران
لا انت شكلك من بتوع النت والدردشه والكلام فى الفاضى والمليان
اه منك انت يابتاع المسلسلات والاغانى والافلام
ولا انت موظف من الى بيفتحوا الدرج

شكلك حبيب وواقع للششتك ياعم اتقدم وادخل البيوت من البيبان
اوعه تكون بتسرح ببنات الناس كدا سورى هتكون ندل وجبان
وانتى يابت يالى فكرى نفسك امورة وسنيوره فوقى واسمعى كلام نبيك خير ولد عدنان
وايه المكياج والارف الى حطاه على وشك وشعرك ده انت فاكره ان ده الى هيجبلك العرسان
ههههههههه لا دا كان زمان
الشاب الحين يصيع مع الى زيك ولما يجى يجوز يشوف الى بتخاف من الديان
وانت يا بويه ايه السيجارة دى الى فى ايدك ....بأه دى الى هتخليك سلطان
ويا امى لامه الحريم جامبك ودودو ودودو فى سيرة فلان وعلان
غيبة ونميمه وكلام فارغ وزور وبهتان
وانت ياوزير الاعلام

اية اخبار المسلسلات والبطلات السافرات والفوازير مولعها زى كل عام
وانت ياوزير التموين فيه ازمات ولا كله تمام
وياكبيرنا هنشوفك فى صلاة القيام
وانت يابو الفضل نايم واحبابك هجروا البستان

ياناس ياهوووو ياخلق فؤوا دا بكره رمضان

ياله ياعمنا انت وهو وهى لسوق المتاجرة مع الرحمن
انت ضامن انك هتعيش لسنة الى جايه ولا هتكون ههههههه فى خبر كان
ياله نظف قلبك وبيتك من كل ما يغضب الحنان المنان
وبسرعه لو معندكش اشترى مصحف صغير ورتل القران
خليه رفيقك وصديقك وانيسك فى كل مكان
وصلاة الفجر الله عليها ياله اصحى لربك يانعسان
ولمة المغربيه والتمر والماء سنه بعد الاذان

والله على درس علم بين المغرب والعشا ياجدعان
ومشا الله على قلوب كلها رحمه وحنان
تدور على يتيم تمسح دمعته وتجيبه يفطر معاهم كمان
ودا شايل طبق رايح يدوق طبخ امه للجران
وخلتى اسمها ايه جارتنا بعتالنا شوية محشى جنان
كل الى يعدى على حد ولا يقوله تعالى صلى والله ياجماعه غلطان
الرحمه يناس بالمسكين دا العيشه والاسعار مشعلله فيها النيران

ياسيدى انت وهو ....بلاش تشبع اوى خليها بلاش ثلث وثلثان
وتمشى منفوخ وفى الصلاة تصرخ وتقول انا مالى عيان
يا سيدى خف من الاكل شويه وتصدق بالباقى دى القناعه تشبع الجعان
يبختك ياحظك يالى هتخرج من السوق ربحان
أيوه ياسيدى عتقك سيدى من النيران
ياه وايه كمان

مشاء الله مش بقولك انت الكسبان
كل الحب ده والقبول ده والغفران
ياسيدى ياسيدى ياريتنى انول ما نولت من رب راضى غير غضبان
يادومع عينى على الخد سيلى وديان
وتوبى لربك قبل ما يجى يوم تنهشك الديدان
يانفسى روحى لربك بحب وشوق فى رمضان
وياله كل واحد فينا يصرخ ويقول انا فرحان انا فرحان
بقدومك يارمضان
كفايه ولا اقول كمان
ياله كفايه كدا ياله سلام

مشكووووور اخي على الموضوع

يسلمو ايديك

تحياتي الك

جميل جدا جدا شكرا لك وكل عام والجميع بخير

كلمات جميلة بارك الله فيكم،،

يا حبذا لو كانت باللغة العربية لكانت أجمل

تقبل الله من الجميع

بارك الله فيكم على مروركم الطيب
واسف على لغة الشوارع
دى ربنا يخليكم
وكل عام وانتم بخير