جناب سعادة حضرة ( عبد العال ) بقلم : محمد سنجر

أما أنا برضه حكايتي حكاية
اسمعوا برضه حكايتي و شوفوا معايا

جاني في يوم الواد كباية
و معاه حامد و ابن ستيته و عبد العاطي
قالوا ها نعمل مع بعضينا فريق لا يأنن و لا بيطاطي

ولما بدأنا يدوبك نلعب
جبنا جونين من نص الملعب
قلنا خلاص البلية ها تلعب

فجأة لقينا الحكم الأصلي في لحظة اتشال
أيوه اتبدل جابوا مكانه عبد العال
أه لو شفتم عبدالعال

عبد العال حاجة عملاقة مش انسان
رد سجون وحش و حيوان
كمان مجنون أكل المساجين
و حلا وراهم بالسجان

نزل الباشا عبد العال اترج الملعب
قلت في نفسى عال العال
قال : أنا هالعب

قلت بكل براءة و ذوق و على استحياء
: هو جناب حضرتكم برضه مش ها تحكم ؟

فجأة لقيت الكف ده نازل واخد وشي عند قفايا
قال : اياكم حد يهزر مرة معايا

آه لو دقتم يوم
كف سعادة حضرة عبد العال

قال : أنا واد فركيكو و جامد و شادد حيله
ألعب و أتحكم و اتفرج
و اللي يحاول فيكو يفلفص يبقى ياويله

حسب الباشا علينا بنالتي قلنا و ماله
شاط الكورة جت فينا جون هللناله و فرحناله

و لما غلطت و خدت الكورة أباصي لحامد
راح الباشا اتنرفز جدا عصب جامد

لقينا الضرب بدون أسباب علينا انهال
ما ادري منين
بونية يمين و رفسة شمال

و لما جرينا عشان ما نموتش في ايده فطيس
رحنا قوام على أقرب قسم بوليس

و لما دخلنا عند الظابط نشكي الحال
لقينا الظابط هو بشحمه ولحمه عبد العال

و لما حاولت اهرب و اتراجع عن شكوايا
لقيت من عبد العال كذا نسخه عند قفايا

قلت في نفسي احلوت و بقت عال العال

آه لو دقتم يوم كف سعادة حضرة عبد العال

لما حاولت اهرب و اتراجع عن شكوايا
لقيت من عبد العال كذا نسخه عند قفايا

قلت في نفسي احلوت و بقت عال العال

ما شاء الله أسلوب ساخر وقوي

بارك الله بك

كتبت بواسطة بكاء الروح

لما حاولت اهرب و اتراجع عن شكوايا
لقيت من عبد العال كذا نسخه عند قفايا

قلت في نفسي احلوت و بقت عال العال

ما شاء الله أسلوب ساخر وقوي

بارك الله بك

و بارك الله فيك
بكاء الروح
دمت بحفظ الرحمن

يعني هالقصة حقيقية

اسلوب مشوق ولكن ما فهمت كثير ^_^

كتبت بواسطة يمضي الحب اعمى

يعني هالقصة حقيقية

اسلوب مشوق ولكن ما فهمت كثير ^_^

منها الحقيقة
اللي بتحصل كل يوم
و مش حقيقة
الظلم يكبر يفضل يدوم
كلمات جريئة
فيها العتاب و زعل و لوم
في عيون بريئة

جوه الملعب
أنا بتكلم أهو وبأكد
إني كلامي
عن أحوالي
جوه الملعب
مش براه
لأ جواه
إوعى يا عبد العاطي يا خويا
إوعى في يوم يجي حد يقولك تقصد إيه
إوعى يجيلك عبد العال
و تلاقي شرار باين في عينيه
يجي يقولك
حكايتك إيه بالظبط معايا
تقصد إيه بالواد كوباية
إوعى تقوله عن فرقتنا
إوعى تقوله حاجة يا عاطي عن خطتنا
مين الجون
مين ها يدافع و الا هجوم
و مدربنا من البرازيل
و الا سوداني من الخرطوم
إوعى يا خويا يا عبد العاطي
اوعى تطاطي
و لو ضربوك
اوعى تطاطي
خليك راجل زي أبوك
إوعى تطاطي
و لو ماقدرتش تمسك نفسك
و ناوي يا عبد العاطي تطاطي

لو ها تطاطي
يا عبد العاطي
لأنك واطي
إوعى تعلم ابنك
برضه يطاطي
إوعى تعلم ابنك
برضه يطاطي
إوعى تعلم ابنك
برضه يطاطي