السلام عليكم ورحمة الله وبركاته ...
مصافحه اولى اتمنتى ان تنال اعجابكم ..
بالله إ رجع شوف وجـه المدينـه
تبكي شوارعها من أسباب فرقـاك
.
حتى المباني من فراقـك حزينـه
الريح صوت ونبرة الحزن شبـاك
.
والليل بيـح فـي غيابـك حنينـه
ينشد نجومه وين طلعـت محيـاك
.
برد . وظلام . ودمعته وسط عينه
راح يتلمس فـي زوايـاه يمنـاك
.
كنه طفل غاب الفرح عـن سنينـه
يشتاق لك ويحـن لـك ويترجـاك
.
والشمس تطلع تسأل الليـل وينـه
تقطع خيوط الليل من شان تلقـاك
.
تاقف وتمشي كنهـا لـك رهينـه
تمشي وتاقف في سماهـا تحـراك
.
ياصاحبـي صاحبـك الله يعيـنـه
محداً عرف وشلون حالـه بليـاك
.
عزيز نفـس ولارضـى بالغبينـه
البعد يغبن والغبـن كيـف ينسـاك
.
من زود حبك صرت دمعه بعينـه
يخاف لاتنـزل رجولـه توطـاك
.
حال الفـراق المـر بينـك وبينـه
يرمى حبال الوصل يمك ولا جـاك
.
شاعر صدى حرفه يترجـم انينـه
يموت حيٍ لافقـد مثـل شـرواك
.
هاذا أنـا وجـروح قلبـي دفينـه
تعال داو جـروح بعـدك بلامـاك
.
هاذا أنا ودمـوع عينـي سجينـه
هـاذا أنـا ياصاحبـي لاعدمنـاك
.
رجع بدونك بيـض الأيـام شينـه
ياخي حرام إ رجع ترى الكل يبغاك
.
بالله إ رجع ضاق صـدر المدينـه
تبكي مبانيها من أسبـاب فرقـاك
وهنا كما نشرة في مجلة قطوف ..
رد مع الاستدلال
كتبت بواسطة شدى الصباح
الروابط المفضلة