السلام عليكم و رحمة الله و بركاته..

كيف الحال جميعا؟؟

زماااااان ما دخلت على ركنكم..

و قلت.. و الله ما بدخل و ايدي فاضية..

جبتلكم معي لوحة.. بتجنن..

من عمايل ايديا..

لكن فعلا حلوة.. ممكن تعمليها بأشكال متعددة.. و أنا حبيت أعملها شكل ((أسماك البحر))..

عملتها أنا وزميلاتي بالمدرسة.. عشان هيك في بعض الخطوات لم يتم تصويرها (بس في بعض الأخطاء في اللوحة لأن العمل كان جماعي) بس لو اتبعتي طريقتي بالكامل رح تطلع رااااائعة.. (واثقة من نفسها !!!)

قد يستغرق عملها أيام.. لكن و الله تستاهل..


هادي هي اللوحة..



شو رأيكم؟؟؟

يلا .. نبدأ بالأدوات:

- لوح خشبي المقاس اللي تحبيه.

- علبة ((باور أون)) أو pour-on (إذا كانت اللوحة كبيرة جيبي النوع الكبير).



- ألوان زجاج.



- معجون البويا للجدار.

- غراء مسدس أو غراء قوي جدا (أفضل المسدس).

- ملاعق بلاستيكية.

- علبة بلاستيكية صغيرة لا تحتاجي لاستخدامها مرة ثانية.



- عجينة سيراميك بيضاء.

- نحاس و أداة للرسم عليه (( إذا لم تتوفر الأداة يمكن استعمال قلم الرصاص))







الطريقة:

1- قصي النحاس على أشكال أسماك، ثلاثة أو أربعة أسماك (ممكن تعملي حصان البحر إذا كنت بارعة في الرسم على النحاس).



2- اقلبي ورقة النحاس و ارسمي عليها عيون و الذيل و الهيكل الخارجي و اتركيهم على جنب.

3- حطي معجون البويا للجدار على اللوحة و ابدئي بدهنه على اللوحه ثم اكبسي على كل جزء برفق (اكبسي و ارفعي ايديك اكبسي و ارفعي ايدك و هكذا)حتى يصبح شكل (دبابيس) على فوق و اتركيه تنشف.

4- شكلي عجين السيراميك على شكل زرع البحر الطويل و شكلي الأحجار كمان.



5- اتركي العجين ينشف و قبل ما ينشف تماما اعملي فيه تشققات بالقلم الرصاص و إذا تحبي اعملي خطوط فقط.

6- الصقي الأسماك النحاس على اللوحة ثم العجين أو العكس بس أنا بفضل انك تلصقي النحاس و بعدين زرع البحر و الأحجار.

7- جاء وقت البرواز..
علشان ما تتعبي كتير مع البرواز.. روحي عند أي مكتبة كبيرة و هي تبروز لك اللوحه.. و انت تختاري البرواز.. أقصاها انك تدفعي 50 ريال على البرواز.. أنا تبعي بـ 35 ريال.. (ممكن المكتبة تقص من أطراف السيراميك لكي تتمكن من وضع البرواز).

8- بعد ما يجهز البرواز.. جيبي الباور أون أو pour-onطبعا رح يكون علبتين صبي الاتنين مع بعض في العلبة و اخلطيهم كويس كتير كتير كتير.. حتى يظهر فقاعات (لأن لو ما خلطتيه لحد ما تظهر فقاعات رح يصير زي الصمغ و يخرب).

9- بعد ما تخلطيه جيبي كاسات بلاستيك و وزعي الباور أون عليهم حسب الألوان (يعني انت بدك 4 ألوان فرقيه في أربع كاسات و هكذا).

10- أضيفي الألوان تدريجيا للباور أون (كل لون في كاسه) حتى يصبح لونه داكنا (لا تكتري من اللون كتير).

11- ابدئي بدهن اللوحه بالألوان على حسب الشكل اللي عندك.. و انتبهي إن الباور أون يطيح على البرواز.. إذا طاح.. امسحيه بسرعة بمنشفة.
12- و لما تنشف تماما.. تكون عندك أجمل لوحه من صنع ايديك الحلوين.




و هادي صورة للوحه من أعمال معلمتي.. (ملاحظة: ما شاء الله معلمتي بالمرة شاطرة)



مو كلها باور أون.. قصدير و طلاء ذهبي........إلخ

شو رأيكم يا بنات؟؟

ما شاء الله على الأعمال المدهشة، عمل رائع ومتقن وجميل.. تسلم إيديكم

شو هالحركات يا فتفوته فعلا حاجه مفتخره

اللوحه بتجنن اتشطري واعمليلنا زيها للبيت

بانصح الاخوات اللي عندهم وقت يجربوها فعلا تحفه فنيه رائعه للبيت

تسلمي يا فتفوتة عمري

كلش حلوة وعاشت ايدك

ما شاء الله تبارك الرحمن بس يا ريت خليتي طريقة عمل المعلمة تراها وايد حلوة

فتفوته بدي اسالك تاخد وقت الى ان تجف يعني كام يوم ؟

مرررررررررررررة رائع

ومشكورة على المجهود

تسلم الايادي اعمال فعلا جميله

كتبت بواسطة إيمان علي

ما شاء الله على الأعمال المدهشة، عمل رائع ومتقن وجميل.. تسلم إيديكم

هلا هلا طنط ايمان ..

تسلمي يارب..

كتبت بواسطة أم الأفكار

شو هالحركات يا فتفوته فعلا حاجه مفتخره

اللوحه بتجنن اتشطري واعمليلنا زيها للبيت

بانصح الاخوات اللي عندهم وقت يجربوها فعلا تحفه فنيه رائعه للبيت

تسلمي يا فتفوتة عمري

أهلييييييييييين ..

يا أحلى ماما ..

شو هالطلة الحلوة .. تسلمي يارب ..

و الله لا يحرمني منك ..